الله يجزاها خير على وقفتها معكم و الله يعوض صبرها خير

لكن من وجهة نظري اتمنى انها ما تستعجل

يعني زوجها الاول خدعها و كسر قلبها و الثاني وضعه مو مستقر

و ممكن لا سمح الله بياخذها مصلحه ثم يكسر قلبها للمره الثانية و يتركها

في الأخير اسأل الله ان يعوض صبرها خير و يرزقها من يرعاها و يحبها لذاتها

عزيزتي المشكله مو فينا المشكله في الوالده رافضه رفض نهائي واذا انفتح الموضوع تصير في حاله لايعلم بها الا الله لدرجه انه نوديها على طول الطوارئ
ظلت اسبوعين مريضه وساكته ما تتكلم مرميه بفراشها ما صحت اله لمن قلنا لها الموضوع انتهى
وبعد اسبوع فتحوا الموضوع معاها وعلى طول الطوارئ صارت زينه يوم اخوي كلمها وقال لها خلاص يالوالده انا انهيت الموضوع والرجال ما عاد كفو يفتحه مره ثانيه
الوالده كبيره وراسها يابس ومي مرتاحه ابد ابد من تسمع بالسالفه جسمها يرجف وتتشنج حتى الوالد يقول لها اكيد فيش جني
بس اختي مي مقتنعه تقول كلكم غلط وهي بس الصح

هذا الي معور قلبي كنت اقول لها اختي انتي عاليه ولش مكانه عند الكل ما ابغي مكانتش تهتز عنذ اي احد فينا لو في عيالنا نبغيش تظلين الفاهمه لحد يجي ويلعوزش بالكلام الناقص ويقول الخاله ما خده لها جاهل ومن ذي الكلام
هي تستاهل كل خير وانا متأكده اذا الله ما رزقها في الدنيا راح يعوضها بالآخره

معناه انه مايبي عيال مدام انه مايبي يلتزم فيها...طيب هي ماتبي عيال يكونون سند لها وعون وقت الكبر..ماجات في بالها هذي الفكره...
الغريب انها كانت ترفض الزواج والان مصره تتزوج من اي واحد..؟؟غريب أمرها..

وانا اشوف هذا الزواج غلط في غلط. اولا طريقة التعارف غلط ..صحيح هي كبيره بس مو شرط أي وحده كبيره بتكون فاهمه وعارفه مصلحتها..زين..أو تكون قرارتها صحيحه..

.وثانيا.. من ناحية العمر...الشاب عمره 31 وهي 44 يعني بعد عشر سنوات بيكون عمره 41 في عز شبابه وهي عمرها 54 سنه...وبعدها ب6 سنوات بيكون عمره 46 سنه وهي 60 سنه هل تضمن تقبله لها<<هذا اذا استمر معها 10 سنوات ..يمكن هي غافله عن هالشي..وتفكيرها بس في اليوم وماتفكر في بكره وش راح يصير..هل راح تتحمل صدمه ثانيه؟؟
اعتقد هو مطمنها من هالناحيه...لكن كلام الليل يمحوه النهار...

صحيح ان الرسول صلى الله عليه وسلم تزوج بخديجه اكبر منه..بسنوات..لكن احنا زمنا غييير...والمفروض مانقارن الرسول صلى الله عليه وسلم بأي رجل ولانقارن السيده خديجه بأي امرأه..

حاولي قد ماتقدرين تمنعينها عن هالمجازفه..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها