السلام عليكم
انا قبل فتره نزلت موضوع بمشكلتي
وانا ابكتب ذحين بتفصيل اكثر والاشياء الي جدت واتمنى القى نصيحه فالمنتدى هذا
اول شي انا لي سنه متزوجه اتزوجت مطلق وعنده ولد كان يقول انه مستحيل يرجع زوجته السابقه واكدلي هذا الكلام اكثر من مره معني اكتشفت فاسبوع زواجنا الاول انهم يتراسلون بس اصر انها هي الي مجننته
وانه مايبغاها ومن ذا الكلام وانا زي ماقلت لي سنه متزوجه واقسم بالله اني مازلت بنـــت
اكييييد تفهمون معاه ضعف شديد ومريض نفسي يوم قلي انه بيرجع زوجته مو عشانها بس عشان ولده ميقدر يستغني عنه وتعب بدونه كنا مسافرين لجده وراجعين لمنطقتنا الي ساكنين فيها وقتها قلتله اوكي رجعني لاهلي وطلقني وعادي رجعها جلس يبكي فالسياره وهو يسووووق بكى فظييييييع ويقول مااستغني عنك انا وابغاك وحلف انه رجعها بشروط وانه بيتعالج من الضعف انا ذحين بروح لاهلي باجلس عندهم شهرين ارتاح وابفكر فالامووووور كلهاا ابغا نصيحه منكم بلييييز انا محتاره اخوي يشجعني اجلس معاه واخواتي يقولونلي اطلقي وانا استخرت وارتحت لاني اجلس معاه وارتحت لرجعت زوجته
الي معنده نصيحه الله يخليكم ادعولي فظهر الغيب بالتوفيق ...

اذا انتي مو واثقه بنفسك .. لاتخلينه يلمسك اذا عالج الضعف عشان تكونين بنت لما تتطلقين ..
بس دامك ااستخرتي واررتحتي شوفي راي اهلك عشان ماحد يلومك بعدين

والله يوفقك لكل مافيه خير لك

يبدو أن زوجك ضعيف في جميع الجوانب ؟
ماهو المرض النفسي الذي عنده ؟ , هل هو من افتراضاتك ؟
كيف اخلاقه , ؟ , كيف دينه بشكل عام ؟
هل ترين انه يريد العلاج و التغير ؟ , هل ترين انه رجل يستحق ان تقفين معه في رحلته العلاجيه ؟

العلاقة الخاصة في الحياة الزوجية تمثل أعلى نسبة منها وجوهرها
ومرونة التعامل مع هذا الجانب مهم للطرفين .. والصراحة واجبة
ولو كان هنالك قصور يجب معالجته من الآن فالطب تطور وكوني معه وأسمعي ما يقوله الطبيب حتى تكوني على دراية .. وإذا تعذر الأمر فأنت لست مجبرة تقضي عمرك مع زوج مريض .. بل كان من المفروض أن يكون صريحاً معك من البداية ..

أختي .. لا تتنازلي عن حقك في هذا الجانب .. سنة ضاعت والعلم عند الله .. وحاجتك لأن تصيري أم .. مثل حاجته لأبنه .. ..

العلاقة الخاصة .. مهما تكلمنا عنها تبقى لغز .. حقيقته مدفونة .. وعالمه سحري
وغريزته فينا لا تنتهي إلا بخروج الروح عن الجسد لذلك واجب علينا يا أخوان أن نحترمه كما نحترم كل من نحب وأن نضع له المكانة اللائقة به في نفوسنا.

أختي

أفتكر إنك قلتي إنه حياتك مع أهلك متعبة و إنه زوجك طيب و حنون
فإذا كنت بنت عندهم و تعبوك ، كيف إذا رجعتي لهم مطلقة من زوجك ؟؟؟
ما راح يتعبوك أكثر ؟

استخيري و فكري أكثر

الله يكون بالعون
موضوعك صعب الطلاق صعب والموضوع بدو تفكير كتير كويس
حاولي تركزي وتعرفي شو بدك
لو بدك تضلي لالزم تتفاهمي انتي واياه على عدة امور
وروحي معو عدكتور عشان تفهمي شو معو بالزبط
الله يوفقك

__________________

استخيري
و نصيحة معدد لا
و الله يرزقك

لك سنه ومازلتي عذراء...

طيب هو عنده ولد...من متى جاه هذا الضعف؟؟قبل يتزوجك ولا بعد

والحين هو له سنه يوعدك يتعالج ولا تعالج...كل تفكيره يرجع زوجته..وبس

اختي ترى العمر يجري وانتي تبين تصيرين أم...ولا انتي مجبره تعيشين مع مريض..فكري بعقلك وليس بقلبك..ولاتهتمين لدموع الرجال...ليش يطلق زوجته دام يبيها ومتعلق في ولده؟؟

وبما انه بيرجع زوجته ...حتى لو تعالج انتبهي من مسألة الحمل حتى تاكدين من موقعك في حياته...لان احتمال كبير بعد رجوع زوجته بتصير مشاكل مالها لااول ولاتالي .واحتمال يطلقك.حرام يصير بينكم طفل ضحيه..

وياليت بعض الرجال لاطلق زوجته ينتظر على الاقل سنتين ويفكر يتزوج مره ثانيه...مو يتزوج بعد الطلاق بشهرين ويأكد لزوجته واهلها انه مايفكر يرجعها ابدا وبعد زواجه يحن لطليقته ويبي يرجعها ويتحجج بالاولاد..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اذا عنده استطاعة يفتح بيتين اجلسي .. ظل رجل و لا ظل حيطه
والله يوووفقكم ..