كنت احسب الزواج جنة الله في ارضه لما اشوف البنات هنا (اقصد في مجتمعي)تبحث عنه وبكل ما اوتيت من قوه واصرار اهلها على تزوجيها لاول شاب يتقدم المهم ان تخرج من بيت ابوها
وكذلك في بعض المنتديات النسائيه
خلونا نعيش في جو ان الزواج شي ضروري نموت من دونه
وخلونا نتعقد ويجينا الهم والغم على رزق ربي لسى ماقدره لنا
مجتمع فاشل
شوفي كل البنات اللي في سنك واللي اصغر منك بجيلين كلهن متزوجات
وانتي اجلسي ارفضي لين تبقين لحالك محد يناظر فيك
يقنعوني في شايب عمره فوق50 ومعاه زوجتين عشان ما اجلس بس
الغايه كلها من هذا الزواج الفاشل اني ما اجلس في بيت ابوي
حطمونا نفسيا وجسديا حسسونا اننا ناقصات ولا نملك اي شي في الحياه لاننا لم نملك الزوج
واجي هنا واشوف حقيقة الزواج
واقرا قصص تشيب الراس
خيانات وعدم اهتمام من طرف ضد الثاني وطلاق عاطفي وضرب واهانات وهجر واشياء كثيره
خلت نظرتي تتغير من جنة الله في ارضه الى نار تلظى
تتوقعون متى بتتغير افكار هذا المجتمع الفاشل؟
اذا انعدمت الحياه على وجه الارض
موت العاطفه بين الزوجين موت للحياه موت لنفسية الاطفال موت للألفه والمحبه والموده
اصبح المنزل ساحة حرب
القائد الاول االاب والعدو الام والاطفال هم الجنود والقتلى في ميدان القتال
ونسئل ليه المشاكل زايده والمنتديات تغص بالمأسي
كنت عازله نفسي عن الناس عشان لا اسمع غيبه او عشان ما اتكلم مع ناس تفكيرها كيف تسحب الكلام من فلانه
او تعرف ليش فلان زار فلان عقول تافهه
مالي ومال الخلق
واستغنيت عنهم بالنت
طلع النت ادهى وامر لانه عالم منفتح وفيه كل الطبقات الاجتماعيه بكل مشاكلها والكل ينزل مشكلته بكل تفاصيلها حتى لو محرجه
احس اني تحطمت من الحياه ومن الواقع
نفسي نرجع صغار نلعب طول اليوم مع بعض وننام بالليل بدري ونصحا الصباح نلعب ونرجع الظهر نشوف افلام كرتون سالي وهايدي والصياد الصغير وكابتن ماجد
والعصر نكمل لعب
احس حياتي الان مافيها متعه الا علاقتي بربي
خصوصا صلاة الليل لها متعه لا يعادلها كنوز الكون كله
اسفه على تفجير براكين خامده بصدري في موضوعك
لاكنه غير نظرتي اقصد نظرت الناس اللي وصلوها لنا عن الزواج
كيف زوج وزوجه تحت سقف واحد ومايحبون بعض بعضهم بالسنين وبعضهم بالشهور
لاحول ولا قوة الا بالله