انا انصدمت اليوم بصديقتي جاني اخوي يوريني رسائل جوال يحسبني انا العب عليه وتفآجأت انها صديقتي نورة لأن الاشياء الي واصلة اخوي اشياء واحداث صارت بيني وبينه وبين اختي الصغيره بالابتدائي وهالاحداث مايعرفهآ اللآ هي وثنتين صاحباتنا طبعا انا على طول قلت هي نورة لأن بيوم كان اخوي بيجي يستأذن لي بالمدرسة فا نورة جو اهلها يطلعونها خروج فلمن جت بتطلع (بحسن نية ) قلت لهآ تكفين بعطيك رقم اخوي وارسلي رساله بس انو يجيني لأنه تاخر ووافقت وعطيتهآ اياه وقآلت لا تعلمين نهى (تصير زوجة اخوها كبرنآ معنآ بنفس الصف ) انا استغربت وقلت طيب بس ما ارسلت له شيء مر كم يوم لمن سألتهآ بالمدرسة ليه ما ارسلتي ؟ قالت يو نسيتك ذاك اليوم واصلن ضيعت الرقم انا عادي مشيت السالفه فا صارت نورة صاحبتي هذي ترسل لأخوي من فترة انو تبي تكلمه وتقوله اشياء انا اقوله لها وتتصل عليه سوالفها عن اهلهآ كانت جدا عاديه وماتبنين انهآ ناقصه بأي شي بالعكسس والي عرفته منه ان اخوآنهآ يكلمون بنات حالتهآ الماديه ماعليهآ جد جد جد انا مرآ انهرت مآدري كيف اتصرف معهآ عطوني حلول اسويهآ معهآ لأني مدري ايش اسوي معهآ الشي الوحيد الي ببالي اني لو اشوفهآ الحين ابقتلهآ من القهر الي فيني لأني كنت اعتبرة صديقة وفية (كلنآ بنفس الفصل بصف ثآني ثانوي )

__________________

من جدددددددددد صاروا البنات دحين يخوفوا أكثر من الأولاد
زميلتك مرررررة جريئة و الأفضل تقطعي علاقتك بها .. لإنه الصاحب ساحب

أنا لو مكانك ، بأخذ جوال أخوي و أدق عليها و أسكت استناها ترد ( عشان لا تسمع صوتي )
و أقول لها ( خيييير بغيتي شئ ؟؟؟ ) بأحرجها و عشان لا عاد تدق على أخوي

و بعدين أعطيها كلمتين تخليها تتوب تتصل على أخوي

و لو زودتها ، بأقول لها ( بأعلم زوجة أخوك و أوريها الرسايل إذا ما نسيتي رقم أخوي ، لإنه متربي و عيب الحركات هذه )

بزيد بعض الاشياء اللي قالتها لي اختي ,,

البنت ممنوعه من النت ,, وسبق هالبنت سألت اختي : اخوانك يكلمون بنات عادي ؟؟

تقول اختي وقتها استغربت سؤالها لانه جا فجاه , بس اللحين فهمت قصدها ,

من تحليلي :
البنت شكلها ما عندها جوال ؟ ايش اللي يخليها تقول لا تعلمين زوجه اخوي انك اعطيتيني رقم اخوك ؟
واحتمال يكون عندها سوابق وكاشفينها اهلها ؟؟

اختي ما عندها ولا وسيلة اتصال بالبنت

قلت لها حاولي تاخذين هاليومين رقم بيتهم عالاقل احتياط , واسالي زوجه اخوها اذا عند البنت رقم ولا لا

يعني احتمال لو قالت اختي لها بعلم عنك بتقول وين الدليل ؟.


اختي ما نامت طول الليل من الصدمه وشكلها بتغيب اليوم .


الله يهديهم

__________________

اختي انا صارت معي نفس السالفه والله العضيم اني ما اكذب عليك بس بطريقه ثانيه كيف مدري الى الان السالفه ما خش مخي ><< عل عموم نصيحه مجرب انتي طنشي صديقتك وخلي علاقتك فيها جدا سطحيه سلام من بعيدولا تبينين لها شي وانشغلي بمذاكرتك واختبارتك وصديقتك امحيها من راسك واذ انتهت الدراسه ذاك الوقت اشتغليها اخر شغله فاتحيها بلموضوع وعليمها ليش تسوي كذا ووووالخ بس بؤسلوب مو عصبيه عشان البنت تحس انك عارفه وانك كشفتيها ويمكن تنهدي ووربي يصلح حالها وتكونين انتي السبب الحين انتي بتقولين ليش اخر السالفه انا اقولك ليش لانك لو تكلمينها طبيعي راح تنكر وراح تصير هوشه بلمدرسه وبتصير مضاربه وبيودونكم الاداره ويحققون معكم وبيجيبون ولي الامر وبتكبر الفضيحه وبنتكم تكلم شباب وووووالخ يعني قضيه اخلاقيها فيها فصل ترم كامل وراح تخرب سمعتك واكيد في معارف بلمدرسه يعرفونك وراح تفوح اريحه وتصير امور لا تحمد عقابها انا مجربه نفس المشكله مرت معي يعني نصيحه خليك زيي وطنشي ولا تعطينها وجه وحسسيها ان الوضع عندك طبيعي جدا وانها ما تهمك واخر وليس اخيرا الله يوفقك لطريق الخير ويهدي حالنا وحالكم ويرزقنا الرضا والجنه والستر