السلام عليكم عندي مشكله زوجي ابوه متوفي وهو المسؤل عن خواته وعنده خوات متزوجين ووحده من خواته يموت في عيالها واذا مرضو امه كله تسوي حركات عشان يهتم فيهم يعني يبين اهتمامه وابوهم واحد يهتم مايقصر معاهم يعني ماله داعي هو يعني مو ملزوم فيهم ملزوم بعياله اكثر والقهر اذا صار في عيالي شي امه تسهل واتقول مافيهم شي ومره صعدت لنا في الشقه تتكلم عن بنت بنتها انها مريضه لا ومافيها الا حراره وخبتنا وتقول اتصل عليها وبنتي لها شهرين ومسوين لها عمليه ولا حتى دقت كلمتني لاهي ولا بناتها يعني تبيه يهتم في بنات اخته اكثر من عياله وانا لقلت له بين اهتمامك فيني جنبهم يقول استحي والله قهر وامه ماله داعي تسوي هالحركات يعني حتى لتزوجو تبيه يصير مسؤل عنهم لا وعن عيالهم بعد ايش رايكم

معليش اختي تحمليه

مهما كانوا هم اهله

بس باين من كلامك انو زايد اهتمامه فيهم مره وخصوصا اخته

طيب بسألك اختي هو مهملك انتي واولادك والا لا؟؟

وهل زوج اخته متوفي والا لا؟؟

علشان نقدر نجاوبكـ ..

صحيح تصرفه غريب إذا كان يهمل أولاده
لكن ايضا اهتمامه بأولاد أخته شئ طيب
فمن هالناحية انت عليك تنبيهه بواجبه نحو أولادكم بأسلوب طيب وفي وقت يكون مروق ومرتاح
..
ومن ناحية أمه يمكنها مو منتبهه انها غلطانه قصدها انها تقرب بين عيالها ...وهذي تصير كثير فانت ممكن وانت تسولفين معاها باسلوب حلو انك تقولين مثلا نحن نحتاج كذا وكذا حتى تنتبه
لكن قبل ما تقولين اي شئ فكري زيييين ولا تكونين منفعله حتى لا تغلطين
وتذكري ( الصبر ) و ( الصبر الجميل ) وما أعده الله للصابرين من جزاء بغير حساب وأن الله مع الصابرين وادعي كثيرا : يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين .

مشكورين اخواتي على ارد الجميل هو مو مهمل عياله ومدلعهم بس ماله داعي يسوي كذا لعيال اخته لان زوجها مايقصر مع عياله بعد ومثل مايبين اهتمامه بعيال اخته عشان امه المفروض يبين اهتمامه بعياله وفيني جنبهم عشان يعرفون

بصراحه ماشوف في مشكلة دامه مهتم فيك وفي عياله خلاص مافيها مشكله لو اهتم بعيال اخته هذا خالهم حتى لو ابوهم مهتم فيهم احتسبي الاجر يا اختي والتخلي الشيطان يدخل بينكم الموضوع مايستاهل

__________________



هل تتعرضين للأبتزاز ؟؟ أدخلي هنا

مفضلة المتزوجين 2011-2014



مفضلة المقبلين على الزواج 2014

.

ماشاء الله تبارك الله
خلاص يا أختي المفروض انك تفرحين دام انه مهتم بعيالكم ومدلعكم وهذا دليل على طيب معدن زوجك
وصدقيني من أفضل الامور ان يعتني الاخ بأهله حتى لو كانوا عندهم ما يغنيهم وهذا يكون من باب صلة الرحم وتأكدي ان ماراح يضيع عند الله ولو صار احتجتوا انتوا شئ في يوم من الايام راح يرد لكم هذا الطيب باي طريقة لأن ( كما تدين تدان ) فكوني عونا له يا أختي وساعديه على هذا البر وهنيئا لك بهذا الزوج الذي جمع بين حقكم وحق أهله وادعي ان يبارك لكم الله ويكفيكم شر خلقه .

ونسيت أقول لك شي مهم ترى هذي من وساوس الشيطان عشان ينكد عليك حياتك ويخرب عليك ويفرق بينكم وبين اهله فاستعيذي بالله منه .. وفقكم الله .

مشكورين والله احس اني ارتحت من كلامكم