15-04-2011, 01:47 AM
15-04-2011, 01:54 AM
15-04-2011, 05:28 AM
|
المشاركة الأصلية كتبت بواسطة روح الطير
سؤالي أو أسألتي و اللي بحاجة فيها لنصايحكم و خبراتكم :
1 - زوجي من يوم تزوجته و هو يكره الفطور و مستحيل يفطر .. يكره إنه أول ما يصحى يفطر .. و يجلس لحد وقت الغداء و معدته فاضية ( مع إنه وزنه زاد ماشاء الله ) .. يصحى بسرعة و على طول عالدوام .. قريت نصيحة لوحدة في النت، إنه الوحدة لازم تحسس زوجها بالفرق بين ( حياته سابقا في بيت أهله و بين حياته الحالية مع زوجته ) .. حتى يشعر بوجودها و غيابها .. و ما أحس إني صنعت له أي فرق .. إيش ممكن أعمل له قبل لا يروح للعمل ؟؟؟ تعبت معاه .. مو مهم الفطور ، أهم حاجة إنك تكوني معاه تحسسيه بوجود الانثى في حياته ، دلعيه ، لبسيه بنفسك ، أكيد زوجك يلبس ثوب وشماغ ، في فكرة حلوة سويتها ، فيه أكياس شفافة تكون ملونة حطي فيها الطقم الداخلي الفلينة والسروال وعطريهم ، تصير كأنها هدية ، راح يفرح وينبسط لما يشوفها ، وممكن مع كل كيس تحطي بطاقة رومانسية ، أو وردة ، كل يوم غيري  لما يجي يلبس قربي له عطره الخاص ، ومزيل العرق ، وفرشاة الشعر ، وناوليه بنفسك ، وامدحيه لما يخلص لبس وامدحي وسامته وإذا يوم اتشيك بزيادة قولي له دقيقة دقيقة صورة للقمر أخليها خلفية جوالي ممكن تجهزي خضار وفواكه شرايح صغيرة وتزينيها في طبق وتعطيه منها وهو واقف يلبس ممكن تجهزي المبخرة وتبخريه اذا كان يحب البخور . . 2 - زوجي يكره المساج ، لإنه يقرف من الزيوت على جسمه و الكريمات .. و يقرف إذا جاء على ظهره الزيت و يتألم إذا عملت له مساج ، لإنه الشعر في ظهره بيوجعه الصراحة ( بيني و بينكم ) ..  أنا عودته إني أحب المساج ، و أحب إنه يدلعني أكثر .. خاصة في الخارج كنت أرجع تعبانة من الجامعة بس مرات أحزن عليه و أشتهي أعمل له شغلات تريح جسمه .. بس ما أعرف إيش ممكن أعمل له ؟؟ و كم مرة أقول له أسوي لك مساج و يرفض و حتى الزيوت اللي أشتريها ، بطلت أشتريها  ممكن الكبوس يعجبه .. ألاحظ كمان أغلب الرجال يحبوا حكاية سي السيد يعني موية دافية وملح وتدلكي رجوله ممكن تلعبي في شعره وتدلعيه الين ينام 3 - زوجي إذا صحي في الصبح ، يلبس ثوبه و شماغه و يروح للعمل .. و لإنه ما يحب يفطر ، فما يصحيني .. و لإني حاليا حامل كمان و تعبانة مع الوحم .. و طبيعتي بالأصل ( إنه نومي قليل بالمررررة و صعب أرجع أنام إذا قمت ) فما يصدق زوجي يشوفني نايمة .. و كمان لإنه ولدي متعبني في النوم و ما ينام غير عالساعة 2 الليل و أنا إذاا قمت لصلاة الفجر ، ما أرجع أنام غير بعد نص ساعة .. المهم .. أقرى دايما إنه هناك زوجات يعطروا أزواجهم و يصحوا معهم و يجهزواا لهم أشيااء في الصبح .. و ما أعرف إيش ممكن أعمل لزوجي ؟ ثوبه و كل شئ جاهز و هو ما يفطر .. هل عندكم أفكار ليا ؟؟؟ قلت لك افكاري ، لازم تكوني معاه ياروح عشان يتعود على وجودك ، ونص ساعة بعد مايخرج الين تنامي ماراح تضرك وما اوصيك طبعا ترسلي له بعد مايخرج وتقوليله بعد ماخرجت الغرفة صارت بااااردة وماني قادرة انام من غير دفا حضنك . . 4 - كيف ممكن أهتم بنفسي في فترة الحمل ؟؟؟ أحس إني ما صرت جذابة و أخاف أبدأ أفقد الثقة في حالي .. كارهة المكياج و شعري من يوم رجعت من الخارج قصيته عشان أجدده .. و الكوافيرة عدمت القصة .. و غيرت في لونه و بدأ لونه ينزل .. و أبغى شعري يطول عشان بعد الولادة أغير فيه .. جبت لنفسي بجامات للبيت و حسيت نفسيتي تعدلت شوي ،، أبغى أروح المشغل و أشقر حواجبي و أصبغها ، لإني كنت أشقرها بنفسي في الفترة الأخيرة .. و احتمال أعمل نقش بسيط في وحدة من السيقان .. ما أدري إيش ممكن أعمل ؟؟؟ .اهم شي تعمليه انك ماتستلمي لحكاية (ماليا نفس) اضغطي على نفسك وغيري ملابسك ، مو شرط لبس مثير المهم انه اذا خرج مايرجع يلاقيك بنفس اللبس والاكسسوارات تلعب دور في اللوك بشكل عام . 5 - من الأفكار اللي ممكن تحسسه بإننا ( عيلة ) و في بيت واحد .. و لسى تويي بأجهزها .. إني بأشتري لوحات و ديكورات و معطرات للجو و أجهز له حلى مرات .. و قهوة و شاي وقت ما نجلس للتلفزيون و فصفص و مكسرات و كذا .. لإني الصراحة ، حتى أنا صرت أمل و أطفش من جلوسي معاه في البيت .. سكووووووووووووووت و يتفرج شوي تلفزيون و ياكل يا غداء أو عشاء .. ثم نوووووم ، ثم يروح العمل .. و أتمنى وقتها بداخلي ( متى أروح بيت أهلي ) ،، هناك أحس بالحياة و الحركة .. بس بيتي صاير ممل ، و زوجي بطبعه ( روتيني ) فما أدري إذا كان هو كذا مرتاح ؟؟؟ نفسي أعمل جو في البيت .. و مع العلم بإنه هذه هي الفترة الوحيدة يمكن في حياتي اللي راح أكون فيها متفرغة .. لإني راح أنشغل مع وظيفتي عن قريب و بعدين ولادة .. و بعدين سفر و دراسة ... إلخ فحابة أصنع فرق .. هده بصراحة انا استنى معاك الحلول لاني خلااااص وصلت معايا ولسه دوبي بأقول لامي خديني معاك اجازة زوجية بلييييز تقولي بس يابنت عيييب توك راجعة من عندي  . . ملاحظة : ولدي يوم يكون معانا في البيت ، زوجي كذا بيصير .. بارد ، ممل ، صامت .. بس إذا يوم واحد تركت ولدي عند أهلي ، بيرجع زوجي مثل قبل ، كأننا عرسان من جديد .. طيب إيش أعمل ؟ مع إنه هو مو حاسس أبدا إنه معاملته تتغير .. بس لاحظت ملايين المرات .. بكيفه خليه يتضايق لا تستسلمي لازم كده في البداية اليييين يتعود على وجوده بس اهم نقطة انك تفهمي زوجك انه ولدك مو شي دخيل على الاسرة ومو شي نبغى نتخلص منه وبس نفكر كيف نخلص منه عشان نعيش حياتنا ونقضي وقت حلو مع بعض فهميه انه ولدكم جزء من الاسرة وداااايما قوليله ولدك يسأل عنك ، ولدك يقول بابا وحشني ، ولدك مشتاااق يخرج معانا ، ولدك مشتهي الاكلة الفلانية ، وزي كده |
15-04-2011, 06:14 AM
15-04-2011, 10:04 AM
::
:
السلام عليكم ورحمة الله وبركاته
صباح الورد ياروح وكل المتواجدين من أخوة وأخوات
أختي جميل أن تهتم المرأة منا بشريك حياتها وتلاحظ تغيره
والأجمل أن تحتوي هذا التغير وتحوله لشيء إيجابي
:
كنتِ في السابق في حالة إنشغال وكانت حياتك مليئة ولم يكن
زوجك هو مدآرها لهذا كنتِ سعيدة معه
الآن أنتِ متفرغة وهذا الزوج هو مدآر حياتك وشغلك الشاغل
لهذا تريدين منه المزيد من الإهتمام والإحتواء لأنك متفرغة له
:
زوجك كل تصرفاته وتغيره طبيعي جداً وجميع الأزواج يمرون بهذه
المرحلة وأنا اسميها مرحلة "الإستقرار" فهو الآن متزوج ولديه زوجه
يحبها وأطفال فلايشغل باله إلا عمله وحين يعود منه يريد أن يصمت
ويرتاح من عناء هذا العمل فالصمت بحياة الرجل نوع من الإستلقاء
الذي نقوم به نحن النسوة حين نكن مجهدات من يوم عمل طويل
:
أما بالنسبة لرغبتك في صنع فرق بحياته
وأن تكوني روحاً لايمكنه الإستغناء عنها
فأنا سأمنحك بعض اللمسات والتصرفات
التي تضفي على الحياة الزوجية حباً ورآحة
::
*حين يصحو صباحاً عوديه على أن يكون لكم برتوكول خاص بالصباح
"قبلة الصباح" أو "تحية صباحية خاصة بينكم" تكون بكلمات
لايعيها غيركما أو " احتضانه قبل خروجة من البيت وأستوداعه الله"
فهذه الأفعال تجعل الزوج حين تسافر زوجته لأهلها أو تكون بعيدة عنه
يحن إليها ويشتاق لها
::
* حين تكونان في السيارة ضعي يدك بيده وشبكي أصابعكما وقولي له
"الله لايحرمني منك " أو "أحبك" أو " مقدر أتخيل حياتي بدونك"
طبعاً مو كل مرة تركبي السيارة تفعليها لكن كل فترة وفترة وصدقيني
هي تجي لوحدها خاصة لما يكون بينكم حوآر هادىء أو تتحدثوا عن مستقبلكم
ومستقبل ابنائكم
::
* الهدية البسيطة يا روح تفعل مفعول السحر وخاصة العطر الذي يكون
على ذوقك ويعجبه لأن الرائحة تعلق بذهن الرجل وعندما يشم نفس العطر
مع شخص آخر يتذكر المناسبة التي قدم فيها هذا العطر له ويتذكر مهديه
وحاولي تعرفي مزاج زوجك بالعطور وأيش الشيء االذي يحبه وأنا انصحك
بالعطور الهادية لأنها الأكثر تأثير بالمشاعر .
::
* حين يمرض زوجك كوني حنونة جداً معه
قبلي يده وتحدثي له عن خوفك عليه وحرصك على معافاته
الرجل في مرضه حتى لو كان مجرد زكام بسيط يتحول لطفل
ضعيف يحتاج للمرآعاة والحنو والإهتمام وقبلة اليد فيها نوع عظيم
من إشعار الرجل بقوامته وعظمتة حتى وهو في أشد حالات ضعفه
::
هذا مالدي الآن
واتمنى لكِ حياة سعيدة
:
15-04-2011, 05:49 PM
15-04-2011, 08:52 PM
15-04-2011, 11:08 PM
|
المشاركة الأصلية كتبت بواسطة أم داليا
روح بقولك شيء بس ما تزعلي مني ..
في خاطري دايم ودي أقولك هالكلمة .. خذي راحتك يا قلبي .. بس بشويش علي ، تريني حساسة . . و بما إننا من نفس الفئة البوصلية فأكيد نفهم بعض كثير و ماراح تزعلي مني .. بالعكس راح تتقبلي و تغيري .. أكييييييد .. و أول مرة أدري إنك من نفس الفئة .. صرنا 4 أنا و إنت و مهرة و الماضي . . شوفي إنت صايرة مثل الحماة اللي تدور لكل حل مشكلة .. إييييييييش ضحكت على جملتك ؟؟؟؟ أول مرة أدري إنه هذه طريقة تفكير الحموات .. بالعكسسسس .. مرة بأستفيد من ملاحظتك و أتعلم منها .. إيش راح أستفيد إذا ماحد نور لي طريقي ؟ . . يا قلبو ناظري دايم لنصف الكاس المليانة .. و انظري لحياتك دايم بمنظور أبيض و جميل و إيجابي .. تأكدي إن الحاصل الان شي طبيعي جدا .. وما يحتاج تبرري لنا أو لنفسك .. يعني الحياة ماتمشي على وتيرة وحدة دايم أو على مزاجنا أو ما نهواه .. تدري ؟؟؟ في الشئ هذا أغبط زوجي ماشاء الله ، لإنه هو كذا بالضبططط نظرته لحياتنا و حياته دايما .. عشان كذا أحس دايما باله مرتاح ماشاء الله تبارك الله .. عكسي ، أفكر كثير و أدور عن أي شئ يحتاج لتعديل أو أفكر باللي فات و كيف أتعلم من اللي حصل و في المستقبل و كيف أخطط له .. إلخ بس إن شاء الله بأحاول ( أوعدك ) .. لإنه هذه النصيحة ثاني مرة أسمعها ، قبل كذا سمعتها من 3 سنوات من صديقة مقربة جدا و كنت أحسب إني خلاص تعلمت و تعدلت .. و بما إنك عروس جديدة .. راح أقولك إنك تحتاجين من زوجك دايما إنه يثبت لك حبه (لفظيا) و الرجل كطبيعة في الغالب يعبر عن حبه فعليا .. لاحظي يوم يقول لك انا إستأجرت الشفة على شانك .. و أثثتها على شانك .. يعني حب فيك .. و بما إنكما عرسان جدد إطلبي منه يسمعك كلمة أحبك دايم .. كان يرجني فيها في فترة الملكة .. لدرجة إنه ما كان يتكلم و يقول غيرها يعني مثلا كنت أسأله : إيش تحب تاكل ؟ كان يرد : أنا أحبك إنت أسأله : طيب إيش تحب تشرب ؟ يرد : أنا أحبك إنت أسأله : طيب إيش الصفة اللي ما تحبها ؟ يرد : أنا أحبك إنت حتى أفتكر أمي وقتها قالت لي : الرجال في بداية الزواج .. دايم يقول كلام الحب .. و بعد كذا بيصير العكس و الحرمة تستنى منه و دحين أبداً ما يقولها .. بس بطرق ثانية يقولها .. إنه يجيب لي عشاء ، و لا غداء و لا يوديني السوق و لا يشتري لي عصير .. إلخ صار هذا هو مفهوم الحب عنده و أأكد لك زوجك مش من النوع اللي إذا تغيرت روح علي شكلا و لا تعامل راح تتغير معاملتي و شعوري تجاهها .. لا .. زوجك يقول روح زوجتي وقفت معي و خلتني و حياتي أجمل .. و راح أقدر لها كل ظروفها و مشاعرها في كل الاحوال .. تأكدي من هالنقطة .. بيني و بينك .. من كثر ما أقرا الحكايات اللي هنا .. أخاف على حياتنا إنه يتسرب فيها أي شئ و من غير ما نحس .. و خاصة إنه زوجي كتوم و كلامه قليل .. فما أعرف بإيش يفكر و إيش يتمنى و إيش في نفسه ؟ و هو بالضبط قال لي مرة نفس جملتك اللي قلتيها ، بس من زماااااااااااااان كان يقولها .. كان دايما يقول ( نفسي أعوضك و أرد لك كل جمايلك علي ... إلخ ) بس دحين أبدا أبدا أبدااااااا ما يقول زي هذه العبارات .. فأقول بداخلي ، شكلي خلاص ( صرت كخخخخة عنده ) .. لازمك إنت تتمتعي بشيء من الهدوء و الطمأنينة و بإذن الله إن هالنقطة راح تستمدينها من عشرتك مع زوجك ... |
15-04-2011, 11:18 PM
16-04-2011, 01:39 AM
| مواقع النشر |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض العادي
