عايزة اسأل

انا عملت حقن مجهري يوم 10\4\2011 و المفروض ميعاد الدورة النهاردة بعد الارجاع بيوم ابتديت احس باعراض الدورة وحاسة انها حتيجي ....سؤالي هل تاتي الدورة في ميعادها لو لقدر اللة مفيش حمل ولا مش بتيجي الا لما ابطل حقن التثبيت انا باخذ prontogest 100mg ؟؟؟ وهل الحقنة التفجيرية chorimion 5000IU لها تأثير علي الدورة انا اخذتها يوم 3\4\2011؟؟؟

يا ريت حد يفيدني
شكرا

طول مانتي بتاخدي الحقنة مش هاتيجي الدورة حتى لو ماحصلش حمل لا قدر الله
الحقنة التفجيرية لها تأثير على حدوث التبويض ولكن حقنة البروجيسترون الان هي المتحكمة في الدورة

__________________

شكرا دكتور بس معلش اسأل حضرتك سؤال تاني....
انا الدكتور قالي اعمل تحليل رقمي بعد 14 يوم من الارجاع بس انا لو حبيت اطمن بتحليل منزلي امتي اقدر اعملة وتبقي نتيجتة صحيحة؟؟؟؟ انا عملت الارجاع يوم 10\4\2011 و الحقنة التفجيرية اخذتها يوم 3\4\2011 والدورة المفروض كانت تيجي امبارح 13\4\2011 ...
ولية يا دكتور انا حاسة بنفس اعراض الدورة و هي مش حتيجي الا لما ابطل حقن التثبيت زي ما حضرتك قولتلي؟؟؟؟

هو انتي ممكن تعملي تحليل منزلي برضه بس في حالتك نفضل التحليل الرقمي لان مش المهم معرفة الحمل من عدمه بل عاوزين نعرف هل بالقوة المطلوبة ولا لأ ودايما التحليل في الدم على فكرة بيظهر قبل التحليل المنزلي

__________________

دكتور امتي اقدر اعمل تحليل منزلي وتبقي نتيجتة دقيقة؟؟؟

قولت لحضرتك وحاولت افهمك ان التحليل المنزلي حتى لو طلع ايجابي مالوش معنى لانه ممكن يكون اجابي ومع ذلك يكون الحمل مش هايكمل لا قدر الله

النتيجة بتبقى مضللة في اوقات ولذلك احنا بنريح نفسنا ومانعمولش اصلا ونعمل التحليل الرقمي لان هو المهم واللي بيدينا دليل كويس

__________________