أنتي على ماأظن عضوة قديمة معانا لكنك كنتي تكتبي تحت معرف ثاني

وكنتي دايما تشتكي عن مشاكلك مع خطيبك في عالم المقبلين

وعلى مااتذكر إن موضوع تبادل الشتائم أمر مألوف بينكم من ايام الخطوبة

وموضوع سمنته كمان انتي سبق واشتكيته منه قبل الزواج

وكمان موضوع العناد والمكابره وقت الزعل

يعني كلها اشياء انتي تعرفينها عن زوجك من قبل الزواج

وسبق واعضاء هنا نصحوكي انك تتركيه في موضوع كتبتيه تشتكي من تطاوله عليكي بالشتايم

ومع ذلك تممتي الزواج بكامل قناعتك

فاظن انه لازم تتحملي نتائج اختياراتك !!

ايوة بالضبط ..

بس انا نسيت الباسوورد للمعرف القديم و كنت معتمدة على الايميل .. بس الايميل صارت عليه مشاكل و كنسلته ..

عموما في امور كثيرة طرحتها سابقا و تم النقاش عليها .. و بصراحة أنا اخذت براي الأغلبية و كمان راي أهلي .. ان زوجي في من المواصفات الكويسة الكثير .. و مساوئه يمكن التغلب عليها بالحنكة و حسن التصرف .. و بالفعل بديت بتطبيق بعض الأفكار كان بعضها ناجح

و هكذا كان .. و تممت الزواج و أنا مقتنعة

لكن في أمور اكتشتفتها بصراحة بعد الزواج .. و كمان لقيت نفسي لا عندي حنكة و لا بطيخ

يعني يجوز المشكلة فيني .. و هو ما يساعدني بعد ..

كنت اتمنى اسمع رايك بالمشكلة الحالية ..

احس اني متذبذبة شوي بين الرفض و القبول ..

صحيح منرفزني منه و باط مرارتي .. بس لما آخذ بنصيحة البعض اللي قالوا لي ارجعي لمشاكل الناس في منتدى المتزوجين عشان تحطي زوجك بينهم .. اشوف زوجي افضل ألف مرة .. لا يشرب و لا يدخن و لا يكلم بنات و كريم ..

هالنقاط اللي مضايقتني منه .. كانت موجودة قبل الزواج بشكل تلطيش .. كنت اعتقد ان هذا حده و كنت اعتقد اني اقدر اسيطر عليها .. لكن اكتشفت انه هذا جزء منها و القادم أعظم خخخ

يمكن يكون زوجي مقرود .. لكني كنت خايفة من كوني مطلقة و خايفة انو ما يجيني اللي الا اقرد منه

خوفي من الطلاق و ان كنت احسه أحيانا نهاية لمشاكلي .. مو قادرة اسيطر عليه و اتخذه كقرار لا قبل الزواج و لا بعد الزواج ..

و لهذا السبب احس بالكآبة و أحس حياتي انتهت عند هذا الرجل .. مع انها لسه اصلا ما بدت

المستجدات بالموضوع

ابوي البارحة حاول يكلم زوجي .. بس زوجي قال له انه مافي مشكلة .. و ان حلاوة تبي تراح ببيت أهلها .. و يا عمي ارجو انك ما تدخل نفسك .. لأننا انا و هي كبار و عاقلين و نقدر نحل أمورنا بنفسنا ..

لكن من منطلق اصراري على ابوي أنه يوقفه عند حده و اني مو طوفة هبيطة .. ابوي اصر انه يقابله ..

فهو قال لأبوي تفضل عندي بالشقة ( شقتنا ) .. <<< احسه قليل ادب بهالحركة بدل ما يجي بنفسه لأبوي يقول له انت تعال .. المهم

راح له أبوي .. و ظلوا يتكلمون و يتكلمون و يتكلمون ..

بعدين رجع ابوي .. و انا كنت نعسانة حدي .. فما سألته وش صار ..

المهم اني قبل ما يوصل ابوي البيت كنت راسلة لزوجي مسج .. بسأله عن ساعتي اذا شافها بالشقة لأني صار لي يومين ادور عليها ببيت ابوي أخاف ضيعتها
قال لي ما ادري .. قلت له شوف طيب .. قال لي خير .. بعد فترة ارسلت له شفتها ؟ و ما رد علي .. و اتصلت عليه و ما رد علي .. و من امس و هو ما يرد علي ..

أحس انه انقلب ازيد من القلبة اللي هو منقلبها .. له علاقة بكلامه مع ابوي اللي مدري للحين وش هو ..

و ابوي للحين ما رجع من الدوام .. و لا ادري وش صار بينهم ..

اذا عرفت راح ارجع اخبركم ..

لكن انا اللي احسه ان زوجي فاااار دمه و عصب زيادة لأن ابوي عرف باللي صار بيننا كله .. لأني قلت لأبوي بالضبط وش كان يقول لي لما نعصب ..

و هو ما كان يبغى أحد يدري .. بس انا خربت أم الدعوة <<< اسلوب انثوي مرة ههههه

المهم اني اتوقع انه عصب زيادة و المشكلة كبرت زيادة ..

المهم ..

حتى ذلك الوقت راح نوافيكم بآخر الأخبار

أحس مرة اكشن <<< طلعي برا ههههه

مع ان مشكلتي عويصة .. بس احس مبسوطة اني انتقم من زوجي .. كان مستحي من اهله و أهلي يعرفون بالسالفة و انا فضحته عندهم عشان ياخذون حقي << احس اني نذلة ههههه

أهم شي يبرد قلبي

ذكرتيني ببداية زواجي ....!

بس انا كنت ما ابادله السب ولا اكون له ند ...!

اذا فيه امكانية محد يعرف ..يكون احسن حلي المشكله بينج وبينه باعتبارها اول مشكلة لكم لانه امبين انه يخاااف من الفضيحه .. فلو سكتي وحليتيها بالسر يمكن تكبرين ف عينه ... وبعدين ...

حااولي التركيز ع جانب الاحترام بينكم .. وكيف تقوون هالاساااس ...!


غيري نظرتج فيه .. باااين انج من البداية ما بلعتيه .. اعجبي بشكله يااا اخي .. تخيليه مركز الدفء والحنااان ..

الله يووفقج لكل خير وراحه ...بعدين من يبدا يخوورها ويتكلم سكتي عنه وطوفيها له ..لين يهدا ويتلوووم ..

الله يسعدكم و يوفقكم

بس بسألك .. اللحين زوجك ما يسب اذا عصب ؟؟

و ترا بقول انه مو أول مرة يسب .. قد من قبل سبني .. و كأن مرتين أو ثلاث و احنا مملكين .. كنت أحاول احتوي الموضوع بيني و بينه .. لأني بجد ما كنت ابي احد يدخل بيننا

لكن مافي فايدة .. اذا عصب يرجع يسب و لا كأننا تكلمنا و قلنا و عدنا و زدنا ..

الين تعبت أنا و فقدت السيطرة ..

و زيادة على الاشياء المتراكمة .. خلاص بلغ السيل الزبى ..

امم تبغين الصراحه ... ولا تزعلين منتي ثقه .. السبب من اول شهر وفضحتي اسرار البيت
يعني صعب زوجك يرجع يثق فيك .. كانك مسويه الشغله حرب بينك وبين زوجك ومين ينتصر
ومين يغلب بالنهايه .. وهذا من شهر بس ... غير انك منتي متقبله شكله .؟
وتقارنين بينه وبين غيره ..؟
مااقولك زوجك مافيه عيوب وانتي كلك غلط .. لكن مشكلتك ماعندك نضج كافي لادارة مشاكل
وامورك بشكل طيب ..
زوجي وسيم الحمد لله لكن هالامر موعندي بالمقام الاول .. اهم شئ عندي اخلاقه وتعامله
اذا هو حلو حلو لنفسه .. وتعاملي بيكون مع ذاته واخلاقه مو مع وسامته ..؟!
هل نفعته وسامة خطيبك الاول معاك ..؟ كانك تبغين زوجك يتفصل على مزاجك تفصيييل
ولا تبغين تتعبي وتتقبلي كما هو او تجاهدي تغيري فيه ..

وسالفة تكلمين شخص ابدااااااااااااااا مو مبرر انك تكلمينه وتقولين هو حدني عليه .؟!
اجل بكره لو زوجك حب له بنت وانتي تاركه له البيت لا تلومين الا نفسك . وهل تعتبرين
خيانته لك لها مبرر.؟؟

اقرا بذا المنتدى وشوفي صبر الاخوات شوفي كيف حفظهم لنفسهم وحفظهم لزواجهم فوق مشاكلهم
اللي ماحدتهم على فعل امور لا تجوز .. لهدرجه نفسك ضعيفه .؟؟

وهذا كله وانتي لسى شهر .؟ كيف بكره تمر سنين وعيال ومشاكل ..؟

ياليت تراجعين نفسك ..وبقولك شغله شهر ورحتي لاهلك وطلبتي ابوك يتدخل دليل فشلك
في اصلاح اللي تعانينه رغم بساطته ..

السلام عليك اخيتي ليس بالعناد والمشاكل تحل المشاكل ,بل بالصبر والاتزان والتفكيرالملي ,الى متى تنتظرين حلا لمشكلتك
ان لم تكن منك المبادرة خذي نفسا عميقة واستغفري ربك ولا تملي منه,والتقي بزوجك وناقشي الموضوع معه بروية
فالشيطان للازواج بالمرصاد ولن يهنئ له بال حتى يفرق بينكما هذه اساليبه واغواءاته ,استغفري وعودي زوجك على الاستغفار وذكريه بقول الرسول اتقوا الله فالنساء,اجعليه يغير الفاظه البذيئة بذكر الله وذكريه بحقوقك عليه وانه مسؤول عنك يوم القيامة فكيف لاب ان يربي ابناءه على الالفاظ البذيئة ولا تسايريه فيما يقول لك من الفاظ واجيبيه بالاستغفار وذكر الله وسوف لن يكررها ابدا , واطلبي له الهداية في وجهه وقولي له الله يهديك في السر والعلن والله لن يخزيك الله فان اراد الله له اصلاحا على يديك فذاك هو الخير لكما ,وان اراد الله لكم الانفصال فذلك هو الخير, والخير فيما اختاره الله, ولا تتهاوني عن ذكر الله

حبيبتي ما شاء الله عليك ..

والله كلامك مثل البلسم ..

والله العظيم .. اني ماقد فكرت فكرت اقول في وجهه لما يصارخ الله يهديك .. مع اني كثير اقولها

مدري ليه لما يصارخ حتى أنا تطير شياطين راسي ههههه

ان شاء الله اذا رجعنا .. هذا اذا .. بقول له ههههه

و بالنسبة للمبادرة .. لي عودة بالمستجدات بآخر رد

الله يحميك و يسعدك .. حسيت بردك راحة كبيرة