يعطيكم العافية على الردود كلامكم كله صحيح انا مو منصدم من الحياة الزوجية
انا اللي قاهرني ليش هذا الشعور اللي ناله مبرر والله حتى بعض الاحيان احس باني
ما احب بنتي مثل كل ابو لين احس انها جايه منها يعني بنتها
واكثر ما ذبحني كل ما جيت انام انواع الهواجس لدرجة ان جسمي تجيه رجفة مو طبيعية
مع تنميل في اصابعي لدرجة صرت اكره النوم واكره النوم بدري والله انواع التاخير في الدوام
وعدم الشعور بالسعادة مو بيدي والله اني احيانا اتمنى الموت وارتاح ومعليش البعض راح يقول
اني مبالغ لا والله ماني مبالغ
معلومة ما ذكرتها انا متزوج مع اخوي من خوات وساكنين مع بعض وهذي اكبر رحمه لي ما ادري وش
كان صار فيني لو كنت ساكن لحالي اتمنى ان تدعولي بالراحة والطمأنينة والله لا يمر احد بمثل اللي
مريت فيه الله يكون في العون

السلام عليكم كيف الحال ؟
اخي انت ماعندك مشكله ولاشي هذا تفكيرك خاطيء
انا متاءكده لو انفصلت عن زوجتك راح تندم اكيد لانه ماعندك علم هي جوهره نادره انسانه مؤمنه ووفيه لزوجها
لاتفكر انه هي ماتحس بتصرفاتك وبنفورك منها هي انسانه وتحس بالحب والكره لانه هي حبتك وتحملت تعيش وياك علي امل فد يوم تحس فيها وتحبها

اذا تتركها
اول كم يوم تفرح لكن بعدها راح تشتاقلها وتتمني ترجع لبيتك لكن بعد ايش ؟

الانسان شنو يريد اكثر من مره مؤمنه صالحه ووفيه
هذه الحياه دار امتحان وابتلاء وليس دار السعاده
الحياه الدائمه الحقيقيه في الاخره
اسأل من الله تعالي ان يرزقنا ويرزقكم الجنه

اخذلك استراحه لوحدك لفتره وفكر بالعاقبه قبل ماتتصرف

تعوذ من الشيطان الرجيم هذه كلها وسوسه من الشيطان اللعين
وقوي ايمانك وقربك من الله تعالي
ولاتهمل واجباتك الدينيه

بالتوفيق

اخوي هالشي ماله الا مبرر واحد انت معك عين او الشيطان مسيطر على عقلك وتفكيرك

واعذرني قد يكون من قل ايمانك وقلة صلاتك رااجع ربك اولا وثم حاول تتقرب من زوجتك وبنتك

مو كفايه انها متحمله نفورك واكييييد هالشي واضح عليك اما عن المشكله وفعلا مثل ماقلت دلع بنات ياما تدلعنا عل ازواجنا واستقرينا ولو فكر كل رجل مثلك كان ولا زوجة جلست عند زوجها بسبب دلعها وزعلها

احب اقولك المراه لاتستقر بقلة الدلع والزعل على اتفه شي الا بعد انجاب طفل وبعد عشره مع زوجها عندها تحس انها كبرت على هالسوالف!

ياليت ياخوي ترااااجع نفسك ولاتظلم هالمسكينه الي عائشه ببيتك وصاينتك وكفااايه انها محترمه اهلك وش تبي اكثر من كذا

فعلا وش تبي تبي وحده تشرشحك تكره اهلك تسلط لسانها عليك اذا شافت نفورك !

راجع نفسك زين ياخوي وكتاب الله عندك اقراء سوره البقره كل يوم والله يوفقك ياخوي ةيسعدكم بحياتكم

ايش الي صاير في الدنيا...حالتلك صارت ظاهره منتشره..واكثر من زوج وزوجه طرحوا نفس مشكلتك هنا اما من طرف الزوج او من طرف الزوجه..ولا احد فيهم قادر يفسر سبب الكره الي يحس فيه تجاه الطرف الثاني فجأه تتبدل الاحوال..لدرجة عدم القدره على التحمل وكره الحياه ..


اعتقد هذي حاله عابره تجي في بداية الزواج ..ويبيلها صبر وايمان قوي..

وانت ماقلت ليش في هذاك المشوار بالذات الي انت رايحله كرهتها..و وين كان مشوارك هذاك اليوم؟؟؟وايش نوع الخلاف الي صار بينكم؟؟اذا ماتضايقك الاسئله..

وبصراحه انت حبيتها من البدايه ولا ماحسيت باي شعور من ناحيتها..؟؟هل تزعجك تصرفاتها او بدر منها شي كرهك فيها..او انك تحب وحده قبل لاتتزوجها ؟؟؟ياليت توضح عشان الاعضاء يقدروا يفيدونك

ومو معقوله تكره بنتك لانها بنتها..حرام عليك...اكيد انت مو طبيعي...ارقي نفسك بنفسك..والعين او الحسد او السحر ماتبان من اول القراءه...لاوم تستمر شهر شهرين حتى ينكشف مابك..

وعليك بالصبر عشان بناتك بس..ليش تخلي هالبنات يطلعون للدنيا وبعدها تفكر بالطلاق ..ليش مافكرت من قبل لاتجيبهم..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

اخي اللي لونته لك بلاحمر .....
قرئه زيييييين ...اعراض مو طبيعيه
اخي في الله
ارق نفسك ..خذ لك مويه مقري فيها
اقرء سورة البقره لو صفحه بليوم الاهم تقرء
او خذ شريط قران للرقيه واسمعه بليوم اكثر من مره
ان زادت الاعراض فااستمر بلرقيه ...

وماانسى لاتهمل نفسك ..لاتقول انا طبيعي اكل اشرب امشي ووالخ لا
انت ذكرت اعراض وهي من اعراض العين والله اعلم
والاهم
هل قد جربت وسمعت قران مره ومرتين و3 وبلاخص ايات عن العين والحسد هل تاتيك تعب او نوم او ثقل او تنميل ؟؟
وانت تنام متاخر يعني بك قلق
نفسيتك متقلبه مره تكره ومره لا عادي وحتى بنتك احيانا تكرهها
انقلبت حياتك من استقرار الى تاخير بلدوام وشعور بعدم الراحه ووالخ .. ع فكره
انا لست خبيره بل تقدر تقول مجربه من فتره واتتني نفس اعراضك لا بل ابككي بدون سبب ضيقه بقلبي عدم النوم بدري نفسيتي وحياتي متقلبه مره كذا ومره كذا احيانا احس نفسي مو سعيده احيانا ابي اعيش بعالم مابه احد حتى امي وابوي ماابيهم واحيانا ودي اصرخ من ضبقة قلبي وكرهي لمن حولي احيانا ...ورقاني زوجي والحمد لله قعدت شهور وشفيت ولله الحمد وذهب التنميل والهم وذهب البكاء والتعب
وانت لا استطيع ان اجزم ان بك عين او حسد
ولكن
انت بنفسك تقدر تتأكد... لاتهمل حالتك وربي بتزيد الين معد تبي احد حولك لامن اهلك ولا شيء ..
منها تقوي ايمانك وتعالج نفسك بلقرااااان ولا في احسن من كلام الله سبحانه
وهو علالالاج للقلوب .
اسمع للقران والافضل تاخذ شريط للرقيه وتسمعه اكثر من مره .

__________________
اللهم فرج همي وهم كل مسلم ...

[شي مو طبيعي اللي قاعد يصير معك
كرهتها كذا فجأة .. وانت تقول انها موقاصرها شي.. لا تتسرع ..
حاول تدور علاج .. يممكن عين
الله يصلح حالك

مشكورين على كل تعليقاتكم
اما بالنسبة للي يسأل عن مشواري فهو مشوار عادي رحت المحكمة اصادق على عقد الزواج
واما قد حبيت وحده قبلها فلم احب وما كنت احب زوجتي قبل الزواج لاني ما قد شفتها الا الشوفة الشرعية فقط
وبالنسبة للرقية فاني رحت لشيوخ يرقوني بس ما احس شئ ولا كأن فيني شئ والله اعلم
مع العلم هي كانت مخطوبة من واحد قبلي واهلا ارفضوا وكان يحبها وقد قال لي شيخ فيك حسد
والله المستعان

وعليكم السلام ورحمة الله وبركاته
يا حبيبي
انته اول غير من حالك حاول تكون في حياتك اكثر اجتماعي يعني حاول مثلا تشارك زوجتك في عملها المنزلي بغض النضر عن نوعه اي كان ولا تنتظر كلمة شكر زد من نكهة المزاح معها وابنتك
زد قليلا من الهدايا
شاركها قراءة القران ذكر الله زد علاقتك بالله
وخل عنك سالفة الطلاق
لان الشيطان يرسل اقرانه منهم من يقول له لقد وسوست لفلان حتى زنى ومنهم من يقول وسوست لفلان حتى قتل ونهم منيقول وسوست لفلان حتى فارق امرأته فيقرب هذا منه منزلة
اذا انت اغلبه
بما انها طائعة لله اذا اطع الله فيها
واسأل الله ان يؤلف بينكم

__________________

إذا طُعنت من الخلف فاعلم انك في المقدمة

أخي الفاضل..الأخوان والأخوات ماقصرو .. اتبع نصيحتهم
حرام بناتك.. وزوجتك تقول انها حامل اكيد تعبانه جسديا ونفسيا..
وماشاء الله مواصفاتها يتمناها أي زوج
فعلا اصنع السعاده بنفسك .. جدد من حياتك.. سافر اعمل مفاجآت وهكذا
الله يجمعكم على خير

__________________

>> لا إله إلا أنت سبحانك إني كنت من الظالمين <<

لاحول ولاقوة الا بالله ترى العين حق شكلك معيون او محسود بنت الناس وش فيها المسكينه وش سوت لك عشان تطلقها
روح للحرم ادعي الله وابكي على حالك وعل وضعك لعل الله يرحمك برحمته دايم خل سورة البقره شغاله في البيت دايم حتى لو الصوت منخفض تعود على سماعها حتى وقت النوم تحصن يوميا بقراءة المعوذات ثلاث مرات سورة الكرسي كل صباح وكل مساء اقرى الرقيا الشرعيه
ابدا لاتجيب الطلاق على بالك يمكن الشيطان يوهمك انك ماتحب زوجتك ويجيبلك اعذار واهيه زي انك ماتتلهف لها او انك ماخذ فكره عن الزواج انه عشق وغرام ولهفه هذا مايوجد الا في الافلام الهابطه الله قال بينهم موده ورحمه ومافيه اعلم من الله عز وجل بشؤن خلقه
اصلح الله حالك

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى