لا حول ولا قوة الا بالله
والله خنقتني العبرة عندما قرأت مستجداتك بالطلاق وشعرت بصدمة وحزن شديدين
يا اخي ما بدي زيد همك فوقه كمان هم لكن معليش تحمل واكسب الثواب بصبرك على ما ابتليت
زوجتك بدأت تتغير وتنفتح صحيح بدأ انفتاحها عليك بازعاجك لكن صدقني مو بايدها
هذا من اثار الرقية وستكون اشد وطأة لو تركتم الرقية في نصف الطريق
رجعها اخي وبين لها مقدار حبك واهتمامك بها وانها غالية على قلبك وانك تتمنى منها المثل
انت ما زلت في وقت تصليح غلطك فلا تجعل الطلقة الاولى تصبح ثانية
والله اشعر بالاسى والضيق الشديدين بسبب ما تمرون به، فلا تبخل علينا نحن اخواتك واخوانك في المنتدى ان تسمعنا الاخبار المفرحة والمريحة لك ولزوجك
اجلس مع نفسك وفكر بذهن صاف وتوكل على الله واجعل نيتك في ارجاعها عاجلا غير اجل
نسأل الله عز وجل ان يختار لكما الانسب ويفرج هميكما عاجلا غير آجل يا رب

اخ احمد ان شاء الله تكون وصلت لحل يرضي الطرفين

__________________

لا حول ولاقوة الا بالله ..ماكان ودي بالنهاية الحزينه ..

صحيح كلمة ا(انا تعبي باني مابيك) وصحيح الموضوع اللي كتبته (ماحبه) يجرررح بقوووووه ,,حطيت نفسي مكانك بتدمع عيوني دم بدل الدموع ,,واكيد تصرفاتك من صفعها على وجهها وطلاقها ناتجة من قوة الالم اللي بقلبك ومن قوة الحزن اللي بصدرك..

وعارفه ان طلاقك ما جاء ألا بسبب الضغط النفسي اللي تعاني منه ,,انت تعاني ومن الخطأ اننا نحمل الغلط كله عليك ..

توي مخلصة قارية موضوع العضو (حياة أفضل) حياته اتعس من حياتك بفرق ,, حب عروسته حب مخلص , ضحى من اجلها وبذل الغالي والنفيس علشانها , عيشته بعذاب نفسي رهيب زود على حياة الغربة اللي عايشها ,, اوقات ما يكون معاه فلوس تكفيه لوجبته ووجبتها فيشتري لها ويخلي نفسه , شكاكه وتتلفظ بالفاظ سوقيه بانه راعي بنات ومغازل , مرة مدت ايدها عليه وصفعته كف ومره كسرت اواني المطبخ ومره كسرت الجولات ومرة تدق على صاحبه علشان شي تافه وانواع قلة الادب , وجرب معها كل انواع الاصلاح ودلعها دلع وصبر وصبر
واخرتها ترسل رساله اكرههك اكرههههك اكرهههك << اشد من كذا ما فيه...
وبعده ترسل طلقني وتتلفظ عليه ,,
كتم الآم الحسرة وماحب يفضحها قدام امه واهله كله على واثرت المشكله على نفسيته ودراسته ,, بعدها تقرب لربه واستخار وارتاح لقراره ..

هو صراحه من حقه يطلق وحرام عليه يعيش مع وحده اللهم ياربي لك الحمد ,,,, لكن أنت زوجتك ما سوت ربع اللي سوته فيه زوجتك خلوقه ومحترمه وومع انك صفعتها كف جت واعتذرت لك ,, ورحت وخطبت وكسرت قلبها
بس مشكلتها قلبها مو بيدها
الرسول قال (هذا قسمي فيما املك فلا تلمني فيما لااملك ) استثنى المحبة القلبيه لانه شئ خارج ارادته ..ومع ذلك حاولت بنفسها لو ماحاولت نقول يمكن ..

الدعوى ماتستاهل الطلاق والله ماتستاهل ,,, بس يبيلكم شوية صبـــر
يبدو لي زوجتك قبل الزواج متخيلة فارس احلامها وحاطه له مواصفات وعليه عاشت عمرها وبنت احلامها عليها وحبت هالشخصيه على بالها بيكون زوجها نفس هالمواصفات, ويوم اتزوجت تعارضت شخصيتك مع الشخصية اللي بانيتها في احلامها ..
ارجع اقولك يبغالك شوية صبر ,, يمكن تحتاج سنه سنتين على بال ما تحبك , وعلى بال ما تمسح هالشخصيه اللي حاطتها براسها ..

وبعدين من هي اللي بتحب زوجها علطول ؟؟؟؟مافيه الا القلة القليلة ..
وياكثر البنات اللي بتقول ماحبيت خطيبي او زوجي بالبدايات ..

شف هالموضوع بقسم المقبلين على الزواج
http://www.66n.com/forums/showthread.php?t=222149

يعني لو كل واحد شاف موضوع خطيبته او زوجته ..وش بتكون ردة فعله ؟؟؟

فأنت خذ الموضوع ببساطة خلك ريلاكس,, وخل الموضوع عاااااااادي جدا ,,, متى ما حبتك حبتك .. لاتغير لا من طبايعك ولا من شخصيتك هي بتحبك يعني بتحبك بس محتاجة وقت..

ترى انت مو أول ولا أهر واحد زوجته ما تحبه بالبدايه ..

وارجع اقولك بتحبك ,, وبتصير هالسالفه من ذكريات الماضي وبتذكرونها وبتضحكون عليها

انا ارى ان الرقيه ستفيدكم ان شاء الله
يعني انت لاتهمل نفسك وهي لابد اهلها يهتمون ويدونها للشيخ الراقي
وان شاء الله مافيها الا العافيه ومع ذلك فالقران يهدي النفوس ويطمئنها
اما الشئ الثاني ف ياجماعه لاتحطون كل اللوم والغلط من الزوج
انسان محترم عصامي ماشاء الله مزوح طيب له اسمه ومكانته بين الناس وشخصيه حبوبه
يعني هالانسانه وش تبي بالضبط
نفسي افهم يعني؟؟؟؟؟؟؟؟
وانا هنا لا اؤيد انفصالهم بل ارى في الطلقه
قرصة اذن لها حتى تستيقظ وتعرف قدر النعمه اللي ربي اعطاها اياها
وان شاء الله يااخي الفاضل احمد ترجعون لبعض
وتكون لك نعم الزوجه
لكن تثيقل واصبر
وان شاء الله رب العالمين ربي يفرجها

__________________
اللهم صلي على نبينا محمد وعلى اله وصحبه اجمعين

السلام عليكم

كل مافي الامر هذا من عمل الشيطان والرقيه مثل ماقال الاخ نسيم الوسم.

هذا سحر احد ساحرها او معطيها عين والعين مذكورة يمكن صج تحبك لكن مو مكتوب لكم تعيشون ويا بعض.

خلك ويا بنت عمك لان الاهل عزوه ولا طحت اهما يشيلونك ويعينونك والغريب طول عمره غريب

وربي يسعدك وين ماكان نصيبك ويوفقك والدعاء زين.

يا نااااااااااااس ياعالم هي فيها عين

ليه نحط اللوم عليها وهي تعبانه واللي قاعد يصير خارج ارادتها

هي تدري ان اللي تسويه غلط بس ما تقدر تمنع نفسها .. هذي العييين وهذا الحسسد

لاتقولون وتفسرون على كيفكم وانتم ما جربتوا العين والعذاب اللي معها

شعور زوجته تبيه وتحبه بس فيه شي يمنعها واذا ما عرفت تجلس تبكي مثل ما قال

قدروها لو شوووي

احمد الى الان انتظرك تبشرنا برجعتكم

اخي احمد كيف احوالها الحين

واحوالك انت
اخووي تحتااااااااج صبررررررر لانو يمكن هذا اثر العين او الحسد

شف اخوي انا جني فتره اصبت بعين لما بديت ارقي نفسي واخذ اثر الله لايوريك ودددددي ومنى عيني احد يقول لي( أ )عشان بس اتهاوش معه
ماتتخيل كيف كانت نفسيتي وفعلا والله شي غصببب عني وخاااارج عن ارادتي بطبعي انا هاديه ومأارفع صوتي
وذيك الفتره انقلبببببت كل البيت تهاوشت معه بلا مبالغه من صغير لكبير مافيه احد ماتركته بحاله

الاخلالاق كانت زففففففت وكنت اعصب وابي انام ولما اجي انام تجيني ظيقه واجلس اصيح

صدقني اخوي العين اثرها غريييييب ومع الرقيه تطلع اثاار غييير
<<<<يالييييييت اخوي تكووون صبور انا لو اهلي مثلك كان زماااان طارديني من البيت

حط ببالك انو مو شي بيدها وبعدين البنت باااين عليها طيوووبه يعني احس شخصيتها ماتقصد تجرح احد بالقصد

طيب لنفرض انها قالته عن قصد هالكلام
يمكن يوم شافتك بعد شهرين من زواجكم رحت خطبت بنت عمك
ماتخيلت انو يجي ببالها لو واحد بالميه انك كنت تحب بنت عمك بس فيه شي خلااك تتزوجها هي
وهي حست انها عثره بطريقك او انها حمل عليك قالت لك هالكلام
تلقها تقول ماصدق جت بيننا مشكله الا وراح لبنت عمه

اخوووي كن حلييييييييييييييييييم انت عجووووووووول بشكل فضيييع
اوك هي غلطانه بعد انت غلطان


وبصراااحه مسأله الكف اشوف انوو انساااانه صبووووره وعاااااااااقله انها سكتت وجت تعتذر

يعني والله لو انا لاسمح الله يصير فيني هالموقف ابزعل اولا طالعه مع اخوي ثانيا ماله داعي الكف مارتكبت جريمه

عشان يجيني كف مره وحده


ادري انو كلالامي قاااسي شوووي بس قس فعلتها بفعلتك كلكم اخطيتو بس شف ردة الفعل عندكم كيف
هي قالت كلمة وجاها طلاقها
وانت عطيتها كف ورجعت تعتذر

__________________
وعند الله لاتموت الامنيات

هي قالت كلمة وجاها طلاقها
وانت عطيتها كف ورجعتلك تعتذر

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

تو انتبه للشغله ..

انت انفعالي جدا ..

تعاقب عقاب اكبر بكثير من الذنب .. راجع نفسك .