معقوله الكذب شي تافه - منتدى عالم الأسرة والمجتمع

20-03-2011, 02:19 AM

ام هياء29

عضو جديد

تاريخ التسجيل: Mar 2011

المشاركات: 15

معقوله الكذب شي تافه

السلام عليكم ورحمتوا الله وبركاتوا

انا كتبت قصتي من اسبوع تقريبا وهذا الرابط

http://www.66n.com/forums/showthread.php?t=221411

[SIZE="3"]

بعد التفكير والدعاء والاستخاره رجعت لزوجي طبعا جاني في بيت اهلي ورحت معه قلت راح ابدأ صفحه جديده

طبعا المهم توقعت اقضي اليوم كله معه لكن الشكوى لله كالعاده نام وصحى وقال بطلع بروح القهوه ابي اشوف

مباراه قلت له بااسلوب خلنا نشوف المباره في البيت رفض وقلت له كان ودي اجلس اليوم معك وقال لا قلت

طيب ياقلبي وداني لهلي ورحت عندهم طبعا كان وقت المغرب وجا خذاني على الساعه 12يمكن المهم جلسنا

مع بعض نسولف وفتحت موضوعنا وقلت له مستعده افتح صفحه جديده عشان ولدي وانا شاريتك مبي اخسرك

ابي اثق فيك وابي احس بالامان والاستقرار قال لي سوي اللي اطلبه منك مثال تكشخين وتلبسين وماتحنين

مع العلم اني البس واكشخ بس يلا تقدرون تقولون يتسبب يدور عذر قلت انشاءلله من عيوني مشيت الموضوع

وقلت له انا بعد ابغاك تعاملني زين تهتم فيني تتقرب مني ماتكذب علي اي شي قول لي مبي ادري من الناس

قال طيب وبعدها سألته عن جواله بلاك بيري قلت من معك من ضايف قال عيال اختي وخوياي سكت قلت

ماضفت فيه بنات او بنات خواتك قال لا سكت ومشيت الموضوع وجااء اليوم الثاني قلت له طلعنا تحجج وقال

ظروف وماعندي فلوس وزي كذا قلت طيب ناخذ لفه ابي اشم هواء مع انا كان عند هلي عشاء عازمينا قال

والعشاء قلت انت اهم من العشاء وطلعني وماطولنا رجعنا للعشى كان على اعصابه المهم تعشى وطلع كالعاده

القهوه وانا ظليت عند هلي وفجأه كنا مجتمعين كلنا الا بنت اختي الثانيه مب اللي تكرهني معها بلاك بيري

قالت بصوت عالي عمي راسل لي رساله يقول فروا على قناة البحرين طبعا يصير عمها انا انصدمت قالت

بنت اختي الثانيه لها عمك معك قالت اي انا مشيت الموضوع مابينت شي لهم وبعدها رحت لبيتي لانهم كلهم

راحوا وماحبيت اجلس لحالي كلمته وقلت تعال انا لحالي بالبيت وجلست يمكن ساعه الاربع وجاااا وكنت مضايقه

جلست ادعي ربي انه يصبرني ومااتصرف تصرف يضايق عادي جلست اسولف معه واضحك مابينت له بعد

ساعه يمكن قلت له واناامزح ورني جوالك قال نفس جوالك وش تبين تشوفين قلت عادي بس كذا رفض بشده

وعصب قلت ياقلبي ماله داعي تعصب شي عادي ارتبكت وقلت له ابي اتأكد من شي سألني وشهو قلت انت

ضايف بنت اخوك سكت وقال اي قلت ليه تكذب انكروبعدها قال انتي ماسألتيني عنها قلت لي ليه الكذب

انا اتكلم معك وابي ابتدي صفحه جديده شلون تبيني اثق فيك وانت تكذب مخليني قدام الصغارمغفله ليه

تحطني بهالموقف قلت ورني جوالك رفض قلت وش دراني اللي بجوالك انه خوياك اثبت لي رد بوقاحه قال مب

مثبت لك تبين ولا بكيفك وعصب قلت له انت شاريني ولا قال اي طيب ليه ماتثبت لي اشلون اثق فيك

من جد منصدمه كل ماحاولت انسى اكاذيبه يرجع ويكرروقام يعصب وانا ماسكه نفسي عشان معصب

وقلت بسلوب لاتعصب عشان ولدي مبي ينتبه لانه تعقد صحيح صغير بس يفهم وقام يهاوش وبدون مقصد

زل لساني وقلت له اي زي سالفت المطلقه هو سكت مدري علامه تعجب على وجهه وقمت اسحبه ليه تكلمها

قال من قالك قلت اللي قلت لهم واناابكي قلت ليه تسوي فيني كذاا سكت وقلت له من متى تعرفها قال من اسبوع

من شريت البلاك بيري يعني انا اتكلم عن وحده هو يعرفها من زمان هو ارتبك ويحسبني اعرف اللي هو

متعرف عليها قال جاتني وكلمتني نفس اسلوبك وكلمتني وقلت اكيد مرسوله انتي راسلتها قلت مجنونه ارسل لك

وحده واصلن ليه تكلمها ليه تخوني قال حبيت اعرف من راسلها وكانت تقول تزوجني وانا مطلقه ومدري ايش

مدخلت مزاجي السالفه سكت قلت تبيني اثق بعد ابي حل الحين لوضعي عصب وقال قومي اوديك لهلك

قلت اذا رحت مب راجعه تطردني قال مطردك بس انا معصب مبي اتهور اسوي شي اندم عليه وقلت مااني

رايحه وقام يهاوش وقلت انا تعبت خلاص بروح بس مب راجعه ووداني ورحت مع انا الساعه2 الليل قبل انزل

من السياره قلت تبي شي لاني مراح اكلمك قال سلامتك وبعدها مكلم ولا شي كان يوم الجمعه فتحت المسن

وشفته وسألته رحت للرياض قال شوي وفتحت الموضوع وقال لاتحاولين ماعندي كلام انا مقهوره منه مفكر

اعترف بغلطه واللي قاهرني يقول موضوع تافه تكبرين وهو ميستاهل امانه يناس تشوفون الكذب تافه في

هالموضوع انا ابي اعرف وانا داريه بتقولون ليه تبين تفتشين بجواله شسوي مخلاني اثق فيه ويقولي عدلي

اسلوبك الخايس وتهاوشت معه طبعا لااخذت منه لاحق ولا باطل كل محاولت اتقرب يبتعد كل مره اطنش

وامشي الامور واذل نفسي لكن مافي فايده مطنش انا اكره الكذب هذااللي متحمله ويقول بعد شي تافه اخر كلامنا قال لي حنا مانصلح لبعض هذي مقولته لي دايم يقول كذا قلت يعني انت ماتبيني قال كل نتهاوش ومدري ايش قلت تعال بيت هلي وقول لهم انا بعد تعبت وقال انا مشيت اذا جيت بعد اسبوعين جيت

الحين انا تعبانه مدري شلون اتعامل معه قاهرني مطنش ولا يتأسف حتى اذا غلط عنيد وفيه كبرياء

ابيكم تريحوني وش الحل معه والله تعبت من كثر مروح له والاحقه كرت هالشي نفسي يجيني يلاحقني

والله يوفق اللي بيرد علي بكلمه او دعوه حلوه

[/SIZE

]

20-03-2011, 03:54 AM

تعاندني

قلم مبدع

تاريخ التسجيل: Sep 2007

المشاركات: 1,055

أختي ,, أحياناً التّغابي ,, أبلغ من المواجهة ,, في مثل هذه المواقف ..

__________________
ستذكرني إذا عاشرت غيري ,,, وستبكي عِشرتي زمناً طويلا ...

أخــــوكــــم/ تعـــانــــدني ..

20-03-2011, 07:12 AM

جوري1427

عضو نشيط

تاريخ التسجيل: Aug 2006

المشاركات: 144

فعلا اختي انتي سببت مشكلة على شي تافه . وانت مو لازم تعرفين كل شي ! خلي الرجال يرتاح وانت استودعيه الله , لاعاد تدورين وراه ترا يمل منك ويطفش ! وكذبه هذا بينه وبين ربه انت ذكريه بالله وان الكذب حرام الكذب حبله قصير والباقي على الله ! ومو كل شوي ودني بيت اهلي ! انت ايش دورك في اصلاح حياتك ؟ المفروض حتى لو قالك ابوديك بيت اهلك تقولين له انا ما اطلع من بيتي .

20-03-2011, 01:08 PM

ام هياء29

عضو جديد

تاريخ التسجيل: Mar 2011

المشاركات: 15

اقتباس:

المشاركة الأصلية كتبت بواسطة تعاندني

أختي ,, أحياناً التّغابي ,, أبلغ من المواجهة ,, في مثل هذه المواقف ..

مشكور على ردك اخوي

20-03-2011, 01:13 PM

ام هياء29

عضو جديد

تاريخ التسجيل: Mar 2011

المشاركات: 15

اقتباس:

المشاركة الأصلية كتبت بواسطة جوري1427

انا مسويت كذاا الا لاني منقرصه من قبل بسبة بنات اخوه مستغفليني وانا مابيه يكذب ابي احس بالامان
والثقه وهو يكذب وبعدين حتى لو اذكره باانه حرام ماينفع معه

اتمنى حد يفيدني بكلمه من جد هالشي تاعبني ممكن تشوفونه شي تافه بس انا لا

20-03-2011, 01:35 PM

البليغ

عضو المنتدى الفخري

تاريخ التسجيل: Dec 2010

المشاركات: 5,761

لا تخنقي الرجل بالأسئلة الكثيرة؛ لأن طبائع الرجال تتضايق من ذلك.
امنحيه ثقتك حتى لا يضطرّ للكذب.
لا تكثري عليه العتاب.
اجعلي له مساحة من الحرية يتحرك فيها، ولا تضيّقي عليه في زاوية حتى لا يملّك، ويملّ الجلوس معك.
الموضوع ليس استغفال، إنما هو يضطر لذلك بسبب كثرة الأسئلة.
أكثري من الجلوس في بيتك.
احتويه بأنوثتك، وبحس تبعلّك، وبذكائك النسويّ، وبكلامك المعسول، وبالدعاء له أمامه، وبتقديره وشكره على مجهوداته معك ومع البيت.
قرّبيه منك كثيراً بأساليبك المحبّبة.
أشغلي وقتك بالقراءة في كتب العلاقات الزوجية، وركّزي على نفسية الرجل.

21-03-2011, 02:51 AM

موهبة الكويت

عضو مميز

تاريخ التسجيل: Feb 2009

المشاركات: 3,769

شوفي اختي مافي ريال شرقي يعترف جدام مرته ان غلطان علنا

الا من رحم الله

وزوجح من النوع اللي تاخذه الحمية وما يتعرف فلا تنتظرين الاعتراف منه ابدا

وضحيه بطريقة غير مباشرة انج تدريتي انه ضايف بنات اخوه مع ضحكة خفيفة

وبسسسسسسسسسسسسسسسسسسسس

سدي الموضوع ولا عاد تفتحينه

راح يدري انج مو ساذجة ولا غبية

بس متخذته على عقله

ومع الايام ببطل

موفقة حبييتي

__________________
لا اله الا انت سبحانك اني كنت من الظالمين

21-03-2011, 03:42 AM

% قلبي حنون %

قلم مبدع

تاريخ التسجيل: Mar 2011

المشاركات: 1,292

عزيزتي أم هياء..الله يفرج همك والله انا حاسه فيكي انتِ تبغي تحسي بالأمان

وتبغي ترجعي ثقتك فيه.. هذا ياخد وقت ومو بالسهوله حتنسي.. حتتذكري الأشياء دي كل مازعلتي منه

ولكن حاولي انك تتناسي زي ماقالو الإخوه والأخوات.. وقوي نفسك.. خليكي قويه..طنشيه .. ألبسي واتزييني.. كلمي أهلك

وصحباتك .. أضحكي بصوت عالي.. خليكي دايما مبسوطه قدامه

ولا تسأليه عن شي .. أضغطي على نفسك.. ولو تقدري خليه هو الي يغار عليكي .,

هذا الإحساس لو حسه حيبرد قلبك شويه

أدعي الله انه يفرج همك .. انتِ سامحتيه هادي المره ولك الأجر ان شاء الله

مستنية أعرف ايش صار معاكي

__________________

>> لا إله إلا أنت سبحانك إني كنت من الظالمين <<

التعديل الأخير تم بواسطة % قلبي حنون % ; 21-03-2011 الساعة 03:49 AM

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه