اذكر الله اخي الكريم واستعذ من همزات الشياطين

واذا كنت مصر

اقترح عليكان تبتاع شريحه بدون اسم
وترسل لها انك ابن خالها وهذا رقمك الثاني وتود منها
ان تتصل

ان اتصلت فأنت ستعرف
وان لم تتصل فهي ستفكر كثيرا وتكون في حيره


قد تصيب وقد لاتصيب !

ان اصابت فهذا جميل
وان خابت فهي لم تخيب بالكامل فإنك حتما ستلحظ ارتباكها وسرحانها وقلقها

__________________
المرأه العاقله تضع السكر في كل ماتقوله للرجل وتنزع الملح من كل مايقوله الرجل

طيب واجها بلي شفته يوم جيت بتلغي الشريحه..وشف ردة فعلها...

وبعدين يمكن المسكينه ظلمتها يعني قبل لايضيع الموبايل كانت فعلا تكلم بنت خالها لان بنت خالها ماعندها جوال ...وفي نفس اليوم الي رحتوا فيه كلمتها وانتوا رايحين وماقالتلك بسبب خوفها منك وتهديدك لها..وياليت تتاكد اذا بنت خالها فعلا مامعها جوال او لا ...اذا مامعها معناه زوجتك بريئه من شكوكك

ترى تصيردايما...انا احيانا يوم القى جوال اختي مقفل ادق على جوال زوجها ويرد واقله ابي اكلم اختي...
الحل..انك تواجها بلي شفته اخر شي...واضغط عليها وشف ردة فعلها...واطلب منهاثاني مره اذا تبي تكلم بنت خالها تدق على تلفون بيتها ومن جوالك..وفهمها ان الارقام الصادره والوارده تقدر تشوفها من الاتصالات بقصد التخويف..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

عشان ترتاح انا اشوف انك تصارحها وتقول لها ان هذا الشي مو مريحني ابدا ولازم تمسحي رقم ولد خالك من جوالك اذا تبغي تتواصلي مع خالك وبنات خالك خذي رقم بنات خالك او زوجة خالك او خالك نفسه ماتوقع ان ماحد فيهم ماعنده جوال او تلفون ثابت ...
واذا فرضنا ان مافي عندهم قول لها انا مو عاجبني ان رقم ولد خالك في جوالك وقدامك واحد من حلين :
اما ان يكون رقمه في جوالي انا ومتى مابغيتي تكلميهم تتصلي من جوالي وفي حضوري ..
يا اما انك تقطعي اتصالك بهم لين ماتصير فرصة واوصلك لعندهم تسلمي عليهم ...

السلام عليكم ورحمة الله وبركاته
انا بقوولك الي عندي زوجتك محرومه من خوالها
فما اتوقع انه بينها وبين ولد خالتها اي شئ
واكيد اهي حبت بنات خالتها واعتبرتهم خواتها بالخصوص انهم لهم فتره طووويله مااشافو بعض
وبما انك شفت رقم في جوالها رحت لها وواجهتها وقلت لها لو اشوف رقم هاذا ثاني مره راح اعطيك ورقتك وهاذا اسلوب تهديد وتخويف فالحرمه خافت على زعللك وصارت تكلم بنت خالتها من وراك علشانك حذرتهاوهددتها بورقتها ومع ذالك البنت صارت تمسح كل شئ علشان متعصب وتنفذ اللي وعدته فيه اللي هي الورقه طلاق ونا احس زوجتك ضعيفه وتخاف وماتدري يمكن صدق ضاع في بيت خوالها او احد اخذه وفي نقطه بعد علشان تتاكد انك تحب تزرع بشك بداخللك وهاذا اكبر دليل يوم رحتو للمطوع ورفضت تتدخل يعني بالله عليك لو دخلت وقر عليها شيخ ولاصار لاقدر اللله فيها جني ونطق وقال زوجتك تسوي وتسوي بتصدق الجني ؟؟؟؟؟ترا شيطان اكثر شئ يفرحه اهوا تفريق بين المرء وزوجه فللذلك تعوووذ من ابليس وقبل اي خطوه تخطيها او تظلم بنت ناس فيها ارجع خطوتين وتاكد وارجع برضو خطوتين اكثر وتاكد وصدقيني والله لو زوجتك بتخون فتأكد ان ربي يمهل ولايهمل فالله يستر عليك وعلى زوجتك ويجمع بينكم بالخير احرص احرص ان تفعل شئ وترجع طووول عمرك تندم عليه
وعلشان بعد ترتااااح لاتصير تخليها تكلم بنت خالتها الا من جوووالك
وشكرررا

استهدي بالله يابن الحلال وش تذبحها دجاجة هي؟
انت الشيطان راكبك من راسك لرجولك ولا عندك دليل قاطع لحد الحين..يابن الحلال اتقي الله باين من اسلوبك انك شكاك
وبعدين مايجوز تشك فيها الا بعد مايكون عندك شئ قوي يدفعك للشك..اجلس معها وصارحها ولا بين لها انك شاك باخلاقها ترى ماهو طيب احساسك هذا..وبعدين تكلمت عن خوالها وانهم من جيزان وانها معقدة من هالناحية..طيب اذا خوالها من جيزان اين المشكلة؟؟ هل هذا عار..!!
للاسف عادات وتقاليد ليست من الدين وانما تخلف وعدم وعي..اذا جاك الوسواس اهرب من افكارك باي طريقة وغير توقعاتك..يوم تمسك عليها شىء فعلا لك الحق بالتصرف..وحتى ان مسكت انتبه تتهور وتذبحها
سمعت قصة واحد بدوي..كان يغيب بالشهور تاجر ..المهم اول مايطلع زوجته تدخل واحد البيت وتاخذ راحتها وهي تعلم ان زوجها لن يعود الا بعد شهر..المهم في مرة من المرات نسى غرض له ورجع بعد يومين من سفره..وهذا لم يكن في حسبان الزوجة غير انها تفاجاءت بدخول زوجها عليها وهي متلبسة..الله اراد يفضحهم واراد لهذا الزوج رق بدل سفره وتبعه ومرمطته..المهم حجز عشيق زوجته وليعذ بالله عنده ودق على اهل الولد وطلب منهم مبلغ يمكن 300 اللف ريال
واذا ما سلموه المبلغ علق راسه عند باب البيت طبعا غير الفضيحة..وفعلا استجابو له واخذ المبلغ وطرد زوجته الخيانة وقالها بجيب بنت البنوت بالفلوس الي معه..اعترف انه (بدوري ذكي)
طبعا هذه قصة ولكن دائما استخدم حكمتك كرجل وابعد عن حياتك الشك وتقدر تختبر زوجتك في امور بدون ماتحس وبدون طبعا تجسس لانه مايجوز..وصدقني الخاين ربي يفضحه انت توكل على الله وهو حسبك واكثر من الاستغفار وارقي نفسك من همزات الشيطان .

__________________

تعوذ بالله من ابليس

كل اللي تمتلكه مجرد شكوك واوهام

ريح راسك واجلس مع زوجتك وصارحها باللي شفته

واسمع ردها وبعدين احكم

وفي اسوء الاحوال الموضوع ما يوصل لقتل والكلام الفاضي هذا

تضيع حياتك وسمعتك وسمعة اهلك وتصير سالفة المجالس

عشان شكوك سيطرت على مخك.

__________________

السلام عليكم ورحمة الله وبركاته


اشكر كل من وقف وسعى لما فيه الخير

للأخوان والأخوات الي قالو صارحه

انا صارحتها بكل شي

نزلت ولدي عند خالتي ورحت انا وياه لم البر في مكان انا وياه محد يسمعنا ولاحد يشوفنا غير الله سبحانه عشان ناخذ راحتنا كلمته بكل صراحه حاولت اني اكون هادي المهم في بدايت الامر رفضت الاعتراف وحاولت النكران لكن بعد الظغط عليها قالت انا لما كنت عند خواته خواته ارسلت كولمي على اخوها من جوالي طيب قلت لها والجوال طالع من رسائل من بعد يوم الجمعه مع مكالمه واحده حلفت لي بالله انه ماتدري عن شي وتقول الشي الوحيد الي اعرفه ان لما كنت جالسه مع خواته طلبت مني واحده من خواته جوالي عشان ترسل له كولمي لان جوالي مافي رصيد طبعا كل الكلام هذا ماجا الابعد الظغط عليه انا ماني مقتنع بكلامه جابتي سوالف عن خواته حاولت تبرر الموقف بس كل الكلام مادخل مخي المهم بعد التهديد بالطلاق قالتلي انا راضيه بالي تسويه فني تبي طقني او طلقني اودفني في المكان الي حنا فيه بس تاكد في النهايه اني احبك وماحب احد في الدنيا غيرك المهم قبل مانروح مكه طلبت منه انها تترك حبوب الحمل عشان كنت انا ابي طفل ثاني وكانت رافضه بعد الظعط عليه وافقت ولما امس كنا انا وياه في حوار حاد طلبت منه ترجع لحبوب الحمل هي زعلت لما ركبنا السياره راجعين وكانت تردد علي كلمت تبي طلقني قلت لها يصير خير قالت وش معنا طلبت مني ارجع للحبوب قلت لين اتاكد من حقيقت ولد خالك وبعدين اقدر اتفاهم معاك انتهى الحوار ورجعنا البيت وكل واحد شايل على الثاني

المهم الحين انا صراحه عايش في حيره مادري اطلق او احول اظغط عليه ثانيه او مادري المهم كل ماجي بنام واتذكر السالفه احس اني غبي اذ خليته تجلس عندي دقيقه واحد

ابي ارأئكم وأعتبروني أخوكم الصغيروصدقوني اتخذ قرار الأغلبيه اذ قررت لاني بصراحه احس اني ضايع ولاقدر
اتكلم في هذا الموضوع عند اقاربي ولا لاحد اصدقائي انتم الناس الي اقدر افضفض لكم وطلع مابداخلي

اللهم استرنا فوق الارض وتحت الارض ويوم العرض

من المؤكد انك لاتستطيع قول هذا لـ اي شخص كان من اقربائك مهما بلغت الثقه والعلاقه



اخي الكريم
إهدأ واذكر الله واستعذ من وساوس الشياطين


هل سألتها لما لم تخبرك الا بعد الضغط عليها !!


هي الآن زوجتك وام لطفلك لاتقدم على شيء ثم تندم بعده
تروى وتروى وتروى


هل فكرت في اقتراحي السابق عليك !

ان لم ينل استحسانك مارأيك في ان تخبرها بإنك ستتفاهم مع والدها
وتخبره للتخويف فقط

واخبرها ان عليها ان لاتحادث والدتها ولا والدها وانظر الى ردة فعلها !


والله لااعلم بمااجيبك يااخي هذا مصير لااريد ان اتسبب في خراب اسره
فيلعنني الله وتخرب اسرتي



ارى ان تبتعد عنه عاطفيا مع استمرار الاحترام والجديه الشديييييده
حتى تأتي وتعترف لك او ان تقتنع انت بحديثها اذا لمست منها صدقها

__________________
المرأه العاقله تضع السكر في كل ماتقوله للرجل وتنزع الملح من كل مايقوله الرجل

ياخي خلاص تعوذ من ابليس وانسى اللي صار لانه صار ماضي وانتهى لاتنكد على نفسك ,,,

الحين ابدا صفحة جديدة والجوال وضاع جيب لها جوال ثاني ورقم جديد واطلب منها ماتسجل رقم ولد خالها وقول لها هالمرة سامحتك وبنسى لكن لو تكرر منك هالفعل مرة ثانية لاتلومي الا نفسك ,,,

وسوي زي ماقلت لك في ردي السابق ارجع له ...

اخوي لاتنسى الاذكار والاستغفار والدعاء وردد دائما(اللهم سخر لي زوجتي واجعلها سكنا لي وسخرني لها واجعلني سكنا لها واجعل بيننا مودة ورحمة )

هذا الرد اعجبني خلاص كون مامعاك دليل يمكن تكون فعلا ظالمها المسكينه ابنصجك نصيحه الشك مايدخل بيت الا وكانت نهايته الطلاق يمكن تكون فعلا بريئه وانت ماعندك دليل ياانك تعاملها معامله محترمه والثقه ترجع زي ماكنت واحسن او انك تجيب دليل مقنع مفحم ويكون كلامك مع ابوها فقط
الله يوفقكم ويرجع الامور لمجاريها
بس بسالك انت لك علاقات مع بنات ؟؟
اخاف انك تكون من النوع الشكاك واغلب الي يشكون هم الي مسوين النون ومايعلمون يعني قد شكيت فيها شك غير ولد خالها
هل انت شكاك عموما بغض النظر عن موقف ولد خالها جاوب بصراحه عشان نحل المشكله؟؟
انتم لكم فتره متزوجين قد انتقدت منها تصرف او كلام او نظره منها غير سويه ؟؟؟

__________________
(أفحسبتم أنما خلقناكم عبثا وأنكم إلينا لاترجعون )
قول الله تعالى