السلام عليكم ورحمه الله وبركاته

شخباركم اخواني الاعضاء ؟ عساكم بخير

بصراحه انا تعبت من المشكله اللي عندي ..

وانا اشتركت في المنتدى بس عشان اطرح هالموضوع وتعطوني الحلول ارجوكم لا تردوني..

انا بنت مراهقه وقمت اصير شكاكه بشكلي من بعد ماقالولي اشبه وحده من الممثلاث وهي اجنبيه ولكن مايبين عليها..
المهم من بعد هالكلام انا صرت واايد شكاكه وماشوف نفسي حلوه ابدا لانه قبل لا يقولون هالشي كنت دايما لما اشوفهم يتابعونها اقول لامي او اخواني انا هذي ابدا ما تعجبني ابدددااا وهي اصلا ما كانت تعجب اي حد ..

ومره ربيعتي قالتي فيج منها .. وانا هني حسيت بشعور مب حلوو .. ولله الحمد انا الكل بصراحه لما يشوفوني يقولولي حلوه سبحان الله ..فيج جمال مبهر ..وصديقاتي بعد ماتعودوا علي خبروني انه اول يوم دراسه كانوا يتكلمون عني ويقولون اني جميله جدا..بس هذا كله ماقام يحسسني بأي شي ..قمت اشوف نفسي ابدا مب حلوه ..حتى اللي اسألهم انا اشبه هذي البنت والا لا؟ يضحكوون علي ..

انا ما اعمم واقول الكل قاللي هالكلام ..وانا اعرف انه الجمال جمال الروح .. بس قمت يوم اشوف نفسي في المنظره اتذكر هاييج الممثله ..وانكسر في داخلي ..احس انه حالتي وصلت لمرض نفسي والله انا تعبانه .. اللي تقول انا مثل باريس هيلتون واللي تقول انا مثل فلانه وفلانه انا اتذكر شكلي ..احمد ربي الف مره ولكني اتقطع في داخلي ..قمت ماحب اشوف صورها ولا احب اشوفها في اي مكان .. امي دايما تقولي والله انج ماتشبهينها بس احس خلاص هذا شي صار في داخلي ..

اتمنى منكم تساعدوني ارجوكم

اذا فيك شبه من أحد فهذا لا يعني انك على نفس درجة الجمال أو نقيض الجمال ..

يعني ممكن اكون أنا أشبه مثلا ..مثلا أوبرا ولا أقول بأن هناك أي شبه فعلي ..انما هو مثال ...
مثلا فيني منها عيونها أو نظرتها أو جبينها أو أنفها ... وهذا ما يحدث عادة عندما يقول لك أحد انه فيك من فلانه .. يكون بينكم لمحة معينه ... لكن ونرجع للمثال اللي طرحته ونقول أنا فيني لمحة من أوبرا .. عندنا نفس نظرة العيون لكن مع اختلاف باقي التفاصيل مثل لون البشرة وشكل الفم تكون درجة جمالي رائعة وجذابة بينما اوبرا متوسطة الجمال ..

حتى أنه أحيانا يكون هناك أكثر من نقطة تشابه ..يكون تشابه بالعيون والفم ولون البشرة والشعر لكن مع تغيير بسيط سبحانك يا ربي ينقلب شكل الانسان وترتفع درجة الجمال درجات كثيرة بهذا الفارق .

وبالنهاية الجمال جمال الداخل ..جمال الروح .. والجمال يشع من ثقتك بنفسك ... صدقيني أيام يعلقوا الناس ويمدحوا بجمالي ولما تكون نفسيتي متحطمة وثقتي بنفسي مهزوزة يعلقوا علي ويسألوا ليش اليوم متغيرة وكبرانه وكأنك مريضة .

خلي ثقتك بنفسك كبيرة وانتي تشوفي كيف بيشرق وجهك جمال ودلال

__________________