مشكورة اختي على المرور

مشكورة اختي الكريمه بالطبع ماراح اجامل اي احد كان ان لم اشعر براحه نفسيه

تعقيبا على ملاحظتك من وين استشفيتي انه عندي رومانسيه زايده ؟؟؟؟؟!!!!
عشان اعدل من نفسي !!!!
مع انه واقعي والظاهر للناس شي اخررررررر بالمررررررة
لكن مااكتبه هنا هو ما ابوحه لكم ولا ابوحه لاي احد ممن حولي
طيب فرضنا انه عندي رومانسيه زايده هل هذا يطعن في صفاتي انا كرجل ؟؟؟؟؟
اليس الرومانسيه وان كانت زايده هي مبتغا وهدف كل امراة ؟؟؟؟
والله ما فهمت لكم ؟؟؟؟؟؟؟
اشكرك على المداخله

قصدي من الرومنسيه الزايده يا اخي الكريم انك لا تتوقع وايد من زوجة المستقبل
فهي انسانه حالها من حال الغير: فيها اشياء حلوه و اكيد راح تشوف منها اشياء مب حلوه بس الزين اكثر من الشين و الواحد لازم يكون واقعي مو خيالي
الرومنسيه حلوة و ابد ماراح تكون طعن في رجولتك يا اخوي
بس خايفه الرومنسيه الزايده تخليك تبتعد عن الواقع
تحياتي

كلامك جميل لكن هل تقصدي اني لا ابالغ في مشاعري واحاسيسي تجاه زوجه المستقبل حتى لا اصدم بردود افعال غير متوقعه مدري هذا اللي تقصديه ولا انا غلطان ولا تقصدي شي اخر
ياريت اذا تقدري توضحي اكثر لاني استفيد منكم ومن تجاربكم
ايضا سوال اخر هل من الحكمه اني اوضح لها خلال هذه الفتره بعضا من صفاتي الغير الجيده مثل الغضب في حالات معينه والقصد حتى لا تصدم بمثل هده التصرفات لاحقا وتكون على بينه وتحرص مثلا على ان لاتغضبني في امور ماتعجبني ولا اخلي عجله الحياه تدور وتكشف لها الايام ماتكشفه
يعني هل الصراحه في مثل هده الامور الى هدا الحد من الامور المحموده او لا

اخي الكريم مو هذا قصدي
قصدي ان لو الانسان يكون وايد رومنسي و وايد يتخيل ..ساعتها تكون عنده نظرة غير واقعيه عن البنت و عن الزواج ... و تكون عنده توقعات غير عادية من زوجه المستقبل
و بهل شي تظلم نفسك قبل ما تظلمها
صحيح الحياة حلوه و فيها الحب و الرومنسية و الكثير من الفرفشه ان شالله
بس في نفس الوقت فيه التعب و الصبر و المحن
و هي ما راح تكون في قمه عطائها عاطفيا و اخاف هل شي يخيب ظنك مع ان واقع الحياة يفرض علي الزوجه انها ساعات تكون عمليه
ما اقصده ان الزواج فيه الكثير من الوناسه و الرومنسيه و الحب ولكن في نفس الوقت فيه الكثير من المسؤؤليه و المشاكل و التعب بعد
اعرف شنو اللي تبي من الزواج و من الزوجه قبل الاقدام علي الخطبه عشان ما تنصدم في المستقبل
و لك منني خالص التحيه اخوي

اخي الكريم النظره الشرعيه جداااا مهمه

سبحان الله حتى الارواح تتألف فاذا احسست براحه واعجبك شكلها فخلاص استخير قبل الملكه والحمدلله

ولاتنسى الاستخاره قبل النظره ايضا


ظع في بالك انو فيه بعض العوائل ماترضى بالنظره الشرعيه يعني يخلو الحريم بس هم الي يشوفون اما الرجال لا

فانتم اسئلوا قبل عشان ماتتعبون انفسكم

__________________
وعند الله لاتموت الامنيات

مساك الله بالخير اخوي
ما شاء الله اللي قبلي وفو وكل وجهات نظرهم صحيحة
انت تبحث عن جميلة ولا جذابة
فيه جميلة ممكن مثقفة متزنه تطالع فيها كل يوم لجمالها بس ماهي جذابة
بس في جذابة جمالها عادي مثقفة متزنه وكل يوم تخق وانت تطالع لها تحس انه قلبك هو اللي يطالعها تحسها غير غير غير لان الجاذبية تدوم بس الجمال لا
وعلى العموم اذا راح تحب شخص حبة لذاته

__________________
تراب كلنا حتى لو إختلفت بنا الصور