الرجل بشكل عام يكره الإنتقادات ،. فأسلوب الرسالة راح تخليه يتجاهل أكثر من إنه يشعر بالذنب تجاهك
أختي الغالية ..
بأحاول أعلق على كل نقطة قدر المستطاع باللي يجي في بالي وقتها .. 
في اسباب خلتني اطلع من البيت و احرد عند اهلي بالمعني البلدي يعني الاسباب الي ما قدرت اتحملها :
حبيبي ، يعني معقولة ما جاء في بالك بأي لحظة ، ليه زوجتي حبيبتي تركت البيت و راحت عند أهلها ؟ قد كذا أنا مالي أي قيمة و مقدار عندك ؟
.
.
1- حسين فجأه ما بيحكي معي علما انو بنفس اليوم الي قرر ما يحكي معي كنت انا حاكية معو و مصالحتو مع انو انا الي كنت زعلانه بس بتفاجأ بحسين لما بنزل على السيارة انو ما بدو يحكي معي ؟؟؟؟؟!!!!!
تكلمت معك و صاالحتك ، لإني ما أستغنى عن وجودك ،، بس تفاجأت بتجاهلك لي ؟ بعدم حديثك معي ؟
بصمتك الغريب ؟؟؟ و مادري ليه ؟ حتى لما بنزل عالسيارة .. بتفاجأ إنه ما بدو يحكي معي ؟
.
.
2- حسين دائما عند اهلو لما بيطلع بيكون بس للنوم و انا متل الهبايل قاعدة لحالي و كأنو محبوسة انفرادي و مع هيك بحاول اعمل كل جهدي عشان ما يحس انو لمجرد انو ما بيحكي معي اني خلص ما رح اعمل شي من و اجباتي
جالسة لوحدي في البيت ، حاسة بملل .. نفسي تجلس معاي و تتكلم معاي ،، لو تخلي لي وقت قبل النوم
عشان أستمد طاقتي من جديد ؟ و أحس إنه هناك شخص يحس فيا ؟؟؟ ليت تعطيني جزء من وقتك
(( حاولي لا تقولي دايما إنت عند أهلك ، بيفهمك غلط و بيفهم إنك بتمنعيه عنهم ))
.
.
3-حسين بطل يهتم بالبيت يعني هو بيعرف انو انا حاليا ما باكول اي شي يعني بس خضار و فواكه و حضرتو مطنش على الموضوع لدرجة انو بطلت اكل شي بالبيت
مرات أكون جوعانة و استحي أطلب منك .. بس أنا ما بأكل أي شئ ..
(( الرجال مرات ما يعرفوا إيش ناقصك في البيت ، إذا ما تكلمتي و قلتي جيب كذا و كذا ))
.
.
4- توصيلة الصبح الي ما الها اي داعي يعني السيد حسين بصحي مرتو الحامل الي بتكون بس بدها تنام يعني متل ما الكل بيعرف الحامل ديما بتحس حالها نعسانه -حسين بيحينا على الشغل من الصبح و بنكمل السهرة تقريبا ابو ساعة عند باب شغلي قاعدين يعني مش لو خليت مرتك تفطر زي العالم و الناس بالبيت مش احسن و الاهم انو لما حاولت افهمك انو بدي افطر و صرت اطلع معي الصبح كاسة الشاي او الحليب تحاول تدور على الحفرة و المطب و تنكب الكاسة علي -حط حالك مكاني مرتين بتنكب الكاسة علي و ما بحس انك حتى بتهدي عشاني او عشان انا حامل بالعكس صرت بتسوق زي المراهقين و طبعا ما بننسى الكلام الحلو الي بتحكيه للعالم و مرتك قاعدة جنبك (حسيتك بدك تأذيني و بس)
(( عزيزتي .. ما فهمت هنا ؟ يعني تبغي تفطري قبل لا تخرجي ؟؟ و إذا أخدتي كوب الشاي أو الحليب
فمرتين كانت راح تنكب عليك ؟؟؟ .. طيب ليه ما تصحي قبل زوجك بنص ساعة و تفطري في البيت قبل
لا تخرجوا ؟؟؟ ليه ما تجهزي فطور لزوجك قبل لا تخرجوا مع بعض ؟؟؟
اسباب موجودة دايما و انا بحاول اطنشها مع انو هي من حقي بس عشان ما احسسك اني متطلبه او اني بدي شيئ فوق طاقتك مع انها برجع و بكرر من حقي عليك :
1-حسين انت عمرك ما عرضت علي تروح معي على الدكتور تطمئن على البيبي او احس انك بدك تشوفوه
يعني انا حاسه انو ابني لحالي و حاسه انك بالمرة مش مهتم
(( الرجال ما يفهموا هذه الأشياء ،، إنت أطلبي منه ، مو لازم هو يطلب منك .. إنت أحكي له عن النونو ..))
.
.
2- حسين انت ما بتعرض علي فلوس و ما بتعطيني الا لما اطلب و كل مرة بطلب فيها بحس انك بتدايق و انا و الله ما بطلب غير مصروف عادي يعني حق صاندوش او علبة عصيير و حاليا بعد الحمل بس بشرب لبن او عصيير او حليب
(( يا عمري ، لاا تستني مصروف منه ،، قولي له محتاجة كذا و كذا ، و لا أعطيني كذا ))
.
.
3-حسين انا حاسة انك ما بدك اياني اشوف الناس يعني حتى لعند اختي مشوار ما اخدتني طيب لعند اخواتك او اخوانك ما بتاخدني و اهلي و خوالي و خالتي بفكروني انا ما بدي اروح عندهم و انا بعدني عروس يعني عمري مو مليون سنة و بحب اطلع و اشوف الناس
(( يا ستي .. إذا زوجك طيب و حبوب ، خلي الناس يفكروا اللي يفكروا بيه .. بس بالتدريج ، زوجك عوديه
بس لا تتعودي تخرجي كل شوي و الرجال يبدأ يزهق ))
.
.
4- الموضوع الاهم : انت بطلت جدي بموضوع البيت يعني بحس انك صرت تتهرب مني و ما بدك ندور على بيت
(( اللي فهمته إنكم عايشين مع أهله ؟ ))
.
.
5- حسين انت لما ما بدك اي موضوع بتحاول تتهرب منو بأي شكل يعني ما بتواجه المشكلة و ما بتكون صريح معي و مرات بحس انك مو صريح مع حالك
حسين حبيبي انت الوحيد الي حبيتو بحياتي و بعدني بحبك كتيير و ما في حدا رح احبو متلك حتى لو كان ابني
بحسك بتغار من هلأ يعني بتحسسني انو انا بس كان بدي بيبي منك و بس و بعدها رح اترك حسين يعيش لحالو
طيب يا عمري هادا ابنك و حبيبك زي ما هو حبيبي و مستحيل احبو اكتر منك لانك انت الاصل حبيبي
حبيبي اقرأ كل هاي الاسباب و علق عليها زي ما بدك بس يكون بصراحة و برضو بدي اعرف الاشياء الي انا غلطانه فيها
بحبك كتيير
(( هذه النقطة حلوة كتير و حسيتها من جد من قلبك .. ))
19-02-2011, 06:34 PM
ضوابط المشاركة
العرض العادي
