هذا زوجك..وهو صادق يوم قالك اطلبي الامان من الله...ادعي ربك تتحسن اوضاعكم وانه يعطيك الامان

وهو قال مايقدريوعدك لان احتمال ان انتي تغلطين عليه او تعاندينه دائما وهو كاره هذا الطبع يعني انتي غيري من نفسك واسلوبك صدقيني راح تضمنين انه ماراح يطلق دام انك زوجه مطيعه وماتغلطين في حقه ومو معقوله يهدد باالطلاق كذا من الهوى اكيد انتي اخطأتي وهو يبي يأدبك على قولته مستحيل يههد باالطلاق من دون سبب...راجعي نفسك

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها

طلبتي الجواب يكون من شخصيتنا وبكتب لك من شخصيتي لكن حطي ببالك انه كل شخصية تختلف عن الثانية سواء شخصية الزوج أو الزوجة وكل زواج وله ظروفه .
بالنسبة لي زوجي حقرني لما تمسكت فيه وخفت من الطلاق .. ورحمني لما أنا طلبت الطلاق ولو انه لفترة مؤقته ورجع بعدها مو مثل أول لكن قريب منه .

طبعا هذا بسبب ظروف زواجنا ...عمر زواجنا كبير ... الطلاق غير وارد حتى لو أردناه أنا واياه لأسباب كثيرة .
فبالتالي كان طلبي للطلاق مجرد رسالة له اني وصلت حدي من الصبر .
طبعا ممكن زوج غير زوجي تاخذه الحمية وعزة النفس ويطلق زوجته لو طلبتها منه حتى لو ما كان ناوي يطلق .

انا قرأت مشكلتك وما شاركت لأنه ما كان عندي لك حل أفيدك فيه لكن أنصحك هنا انك بدل ما تطلبي الطلاق من زوجك انك على الأقل لا تظهري له خوفك عند تهديده لك ... لا تتحديه لكن لا تظهري رعبك من الطلاق ..قولي له ...الامان عند الله ...تبي تطلق أو لأ بكيفك ..في رب يرزق الطيور اللي طايره . وانا ماغلطت غلط يستاهل طلاق ..يعني ضميري مرتاح .. تكلمي بهدوء أعصاب حتى يفهم انك جاده .. استمدي الهدوء من فكرة انه زوجك قاعد يستفزك أو يعاقبك بكلامه وما يقصد الطلاق عن جد . انما ماسك الشغلة هذي لانه شاف انها تخوفك ولما يشوف انك مو خايفه ما راح يعيدها لانها ما جابت نتيجة ..

توكلي على الله ... وقولي دعاء الاستخارة بسرك خلال كلام زوجك وقبل ما تبدئي كلامك ..
الجئي لله وادعيه واطلبي منه يوفق ما بينكم ويحنن قلبه عليكي

ونصيحة ثانية أتمنى تتقبليها مني وانتي بمقام بنتي .... حبيبتي ابعدي عن المعرفات المثيرة للجنس الاخر ... منتدانا والحمد لله محافظ لكن مو كل المنتديات ومو كل النت مثل هنا ... ليه تجيبي لنفسك وجع الراس ..أنا متأكدة من سلامة نيتك وبراءتك لكن ما تضمني اللي يقرأ .

ربي ييسر أمرك ويحنن قلب زوجك عليكي

__________________

لما تطلب المرأة الطلاق بدون سبب و على اتفه المشاكل ينفر الزوج و يكره زوجته
لكن لما تطلب الطلاق على اسباب جوهرية و حقيقة يتمسك الزوج إما من أجل أبناءه او لأجل ان يذلها
و رب العالمين نهى عن ذلك
لا أعتقد ان هناك من يزيد حبه لزوجته لأنها طلبت الطلاق
بالمنطق لو حدا قال لك : أريد ان أرحل و لا أعيش معك ، هل سيزيد حبك له ؟

الأخت الغاليه بيتا تو جزاك الله الجنة ورفع الله قدرك دنيا ودين وبارك الله لك في أعمالك جميعها أصبت في النصح والنصيحه وكتبتي شئ جال في خاطري بارك الله فيك كفيتي ووفيتي الله يجزاك الجنة .

بالنسبه للأخت صاحبة الموضوع يا أختي الرجل مايتحدث بالطلاق إلا لأسباب فأبحثي وراء تلك الأسباب حتى تقدري تسيطري عليها سوى من ناحيتك أو ناحيته أحيانا الرجل مايهدد بالطلاق إلا إنه متضايق من شئ في داخله إحتمال يكون هناك أسباب خارجية تخليه يهدد بالطلاق إحتمال سمع كلام أثر في نفسيته لو مو من عندك يكون من عند أهلك وأنا قرأت موضوعك السابق وشفت الردود عليه وحسيت إن أنتي عندك خوف على مستقبلك ومستقبل أبنائك من هالزواج وأنت جالسه تستمعين لضغوطات خارجيه من أقارب وصديقات لك وجالسين ينصحونك بأن هذا الزواج غير ناجح وإنه لازم تاخذي شخص تضمني معاه مستقبلك ومستقبل أولادك وإنك أنتي أرتكبتي غلطه بزواجك من هاذا الرجل وجالسين يضخمون لك الموضو ع وأنتي ضميرك يأنبك
وصرتي بين نارين نار قرايبك وأهلك ونار زوجك وصدقيني إن زوجك حاس باللي في نفسك
وحاس بللي أنت جالسه تفكري فيه وإحتمال إنه يسمع منك أو من أهلك بعض التلميحات بأنه إحمد ربك زوجناك بنتنا ورضينا فيك ولوكان ناس غيرنا كان مارضيوا يزوجونك بنتهم علشان أنت كذا وحنا كذا فأنا نصيحتي لك إنك تقفلي آذانك من كلام الناس وكلام أهلك إذا كان هناك فيه تصريحات وتلميحات وأنت عندك بنت وزوجك يحبك
وشاريك وأنت حسسيه بتمسكك فيه وحبك له وأظهري له إن هو أغلى ماعندك في حياتك وإن لوصار ماصار ماراح تفارقينه أبد وإن هو كل حياتك ومالك غناة عنه وأي كلام يسبب لزوجك حساسية أبتعدي عنه ولو سمعتيه من أحد لاتقولين له عنه لأن بعض الناس إذا تحكيت عنده بسالفه قريبه من وضعه يحس إنك قاصده بهاذي السالفه حتى لو مالك فيها قصد أنت أهتمي بزوجك وبنتك وبيتك وأهم شئ رضا زوجك عليك وبالطيب واللين كل شئ يجي أبتعدي عن العناد وعن مضايقته بالحنه والزنه علشان دراستك لفتره وعامليه بأحسن مايكون وأطلبي منه بلطف ورقه طلباتك وفي أوقات حلوه مهيأه لنقاش
في ما بينكم وربنا يصلح الحال إن شاء الله تعالى ربنا قادر أن يهديه ويوافق على إ كمال دراستك أهم شئ أنت غيري طريقة حوارك وتعاملك وأسلوبك معاه بكل شئ هاذا زوجك وفي النهاية يا أختي ترى رضا زوجك عنك يدخلك الجنة فرضاه أولى من الشهاده لأنها بتنفعك الشهاده في الدنيا ولاكن رضا زوجك بينفعك دنيا وآخره أنت أستعيني بالله وهيئ
الاجواء بحسن التبعل والمعامله الهادئه والناعمه والأسلوب الحلو وأهم شئ قربك من زوجك خليك قريبه منه جدا في جميع الأمور وأمدحيه أمدحي أخلاقه وتعامله وعشرته معاك
وآخر شئ ترى مافيه حياة زوجيه إلا وتوجد فيها بهارات و مافيه أحد خالي من العيوب وكل شخص وله نقطة ضعف وكل قلب وله مفتاح أنت شوفي عيوبك وحاولي إصلاحها وشوفي نقطة ضعف زوجك واستغليها لصالحك وشوفي مفتاح قلب زوجك وأفتحي قلبه وأعرفي مايكتنزه لك في أعماق قلبه من محبه وموده
أسأل الله أن يوفقك في حياتك ويسعدك مع زوجك يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله