ماشاء الله تبارك الرحمن
والله العظيم يا أخي موضوعك هذا يثلج الصدر ويحسسنا أن الدنيا لازالت بخير ..
وهذا كان نهج النبي صلى الله عليه وسلم يتعاون مع زوجاته ويحزن لحزنهن ويفرح لفرحهن ...
في الفترة الحالية :
طبعا هي في بيت أهلها , مطلوب منك دااائما تروح تزورها واطلب منهم لا يكلفون أنفسهم ويعتبرونك واحد من أهل البيت , قول أنا جاي أشوف زوجتي وولدي وقبل لا تجي اسالها دايما وش تحتاج تجيبه معك ...
دائما اتصل عليها وسولفها اذا لها مزاج سوالف واذا مالها مزاج اتصل عليها قولها وش بخاطرك ( اكل منمطعم , شوكليت , احتياجات لها وللطفل وغيره )
وأي شي تحتاجه جيبه لها
لا تنسى طبعا هدايا لولدك ولها وحسسها انك فرحان فيه , واذا كنت مخطط بهدية لها بعد ما تخلص النفاس فممكن ولكن لا تقطع الولد وأمه من أشياء بسيطة لبعد الولادة
مثلا في موسوعات للطفل تفيدها من هي حامل الين يصير لسن كبيرة وتقرأ وتتعلم خصوصا اذا اول طفل لها , بيعلمها أمور كثيرة عن ولدها وبتستفيد ...
دائما اتصل عليها وأمرها أمر تأكل زين في نفاسها قولها أبغاك تطلعين من نفاسك مثل الغزال فلازم تاكل زين ولازم تشرب حوائج النفاس المعروفة وتهتم بنفسها ...
بعد ما ينتهي النفاس :
فيه فنادق تقدم للزوجين عروض حلوة ممكن تحجز بالسعر اللي يناسبك وتاخذ زوجتك وتنبسط معاها , واذا ما قدرت على فندق سووا حفلة لكم في البيت ...
بعد النفاس عزز ثقتها في نفسها ولا تحسسها انها قل جمالها او اي شي من هذا ...
واهم شي ابني حياتك مع زوجتك على التفاهم وأي شي في القلب تناقشوا فيه بهدوء وباذن الله اموركم تسير بالشكل اللي يرضيك ويرضيها ...
الله يوفق بينك وبينها لما فيه خير وصلاح