الله يعينك يا أختي ويهدي بناتك ويصلحهم يارب ويجعلهم بارين بك بنتك توها صغيره إصبري عليها وسوي مثل ماقالوا لك البنات أنا عندي بنت عمرها أربع سنوات لوصحيت من نومها تجلس تصيح تبغاني أكون عندها ونومها خفيف لدرجة لو سمعت صوت كيس بلاستيك تحركيه عندها تصجى أو أحد قفل باب أو فتح باب غرفه أو جيت أغطيها على طول تصحي سبحان الله عندها ثلاثة إخوان أكبر منها وكمان أخت أصغر منها ما تعبت معهم مثلها الله يهدينا ويصلح لنا ذريتنا
الصبر الصبر على قولة دعاية الجبن لازم يكبروا علشان يعقلوا بكره تكبر وتساعدك بشغل البيت وماعاد تشوفي غيرها الله يصلحها لك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

.. ماشاء الله عليها بنتك عندها فرط نشاط ..

.. ( الجنة تحت اقدام الامهات ) .. وهذا ليس من فراغ , بل من اجل ما تعانيه الأم .. من تعب ومشقة وألم وسهر .. الخ

..

أختي انتي قلتي أنك عملتي لها ( شوكو ) شنو يعني ؟؟ يعني عملتي لها حليب شوكلاته ؟؟

..

..حاولي تسجلي بورقه وقلم , كل شيء تآكله , ومتى تنام ؟ ومتى تصحى ؟ ونظامها بالكامل .. وتشوفي وين الخلل ؟؟

.. لانه الا بسنها ينامون فترات الليل والنهار كامله بدون تقطيع ..

لانه يكونوا متعشين زين وشبعانين , ونظاف .. فيناموا طول الليل , وتكون نومتهم مريحه , بدون ما يقوموا باي ساعه بالليل

غير لما يكونوا مرضى , او يشكوا من شيء ..

..لازم تغيري نظام أكلها , قللي الحلويات والسكريات , والنشويات لانها تعطيها طاقه ..

.. أبتعدي عن الشوكلاته , لانها تفتح الذهن , وتنشط العقل ..

.. عطيها فواكه .. وخضار ..

لازم تشرب لبن قبل النوم , يساعد على النوم ..

.. تخلصي من عادة شرب الحليب او اللبن في القنينه , وخليها تشربها في كاس , وتكون بعد العشا ..

.. وغلط بنتك تنام معك على السرير , وزوجك مسكين تعبان وهلكان , وينام على الكنبه ؟؟

لازم بناتك يكون لهم غرفه خاصه وفيها سرير لكل بنت , ومهم السرير يكون فيه حواجز ..

.. ولا تبيني لبنتك ضعفك , وقلة حيلتك تجاه ما تفعله , لانها ستتمادى , ويزيد عندها العناد , وما راح تقدري تسيطري عليها

لانها فاهمه انها هي الا تقدر تسيطر عليك , وتتحكم بك .. وتفعل ما تشاء ..

.. كوني شويه حازمه معها , خصوصا وقت الاكل والنوم ..

..ولازم ما تخليها تاكل بين الوجبات اي نوع من المقرمشات والجيبس والحلويات , عطيها خضار مثل الخيار , وفواكه ..

..


أتمنى اني قدرت أفيدك ..لو بالبسيط...

.. الله يخلي لك أطفالك ويحفظهم من كل شر , ويهديهم ..

__________________

أهلين بدانا زمان ما سمعنا أخبارك

بنتك كنزي بعمر بنتي حلا و نفس الشي بنصحى الساعة 12 أو 1 الضهر و بتنام بالليل الساعة 12 أو 1 بس أنا من زمان فصلتها بغرفة لوحدها و أحياناً بتمر فترة بتصحى كتير بالليل تبكي و السبب هو الجوع لأنو أكلها خفيف كتير

حاولي تمنعيها عن الحلويات و الشوكولا من الساعة 6 لأنها منبهات بتسبب السهر
و خلي اهتمامك فيها أكبر من اهتمامك باختها لانو معظم تصرفاتها للفت النظر و السبب الغيرة ( الحال من بعضه بس بنتي التانية عمرها 4 شهور )

و طالما أهلك جمبك ليه ما بتودي بنتك عندهم و تتركيها أحياناُ بفترات النهار؟ هيك بترتاحي شوي و بتتفرغي لنفسك و لزوجك كمان بنتك بتحس إنو كل الاهتمام من أهلك إلها بس بدون مشاركة أختها و هيك ممكن تهدا شوي

أنا هيك بعمل مع بنتي حتى صارت ترجع على البيت مشتاقة كتير لأختها و بس تفوت بتسأل عنها أول وحدة


حاولي تشغلي وقتها بقنوات الأطفال جربي تحطيها على قناة طيور الجنة كل الأطفال بحبوها

ما تعوديها إنو تاخد كل شي بدا ياه لإنو رح تتمادى أكتر

حاولي تاخديها على حدائق أو أماكن مفتوحة خليها تنط و تركض لتفرغ طاقتها

كتري من العلاقات الاجتماعية مع ناس عندهم أطفال بعمرها

الاخوات اي قبلي كفو ووفو

بس اركز على نقطه وحده

انه يكون عندك نظام للنوم
تعشيها و تشبعيها و توديها للحمام
تلبسيها بيجامتها و تفرشي اسنانها و توديها للغرفه

تكون مظلمه و تنام وكل ما قامت ترجعيها كم مره تتعود و يصير روتين

وتعرف بعدها انه في ليل و نهار

__________________

حياتي والله كلكم كفيتوا ووفيتو ربي ما يحرمني من طلتكم الغاليه
شكرا كتير الكم ومتاسفه اني تاخرت بالرد عليكم بس الظروف شو بدي اعمل
بالنسبه لبنوتي الحلوه الشئيه عم بحاول اعمل معها كل لي تفضلتوا وحكيتولي اني اعمله
باخدها على الحديقه بئول خليها تطلع الطاقه لي عندها وتفجرها ههههه وباخد معي الاكل علشان هناك تاكل وهي بتلعب ومرات بنجح ومرات بفشل بالنسبه للحلويات ما بعطيها الا بكميات ئليله يعني منتبهه لهاي النقطه انه بتزيد من طاقتها وتوترها وكل هالامور علشان هيك عندي اياها شبهه محرومه منها
بالنسبه للعشا بحاول اطعميها واعشيها قدر المستطاع علشان تنام وهي شبعانه بس يا عمي مهي رافضه على طول الاكل بس ولا البلاش بتاكل وجديد صارت تشرب حليب او شوكو يعني لازك حليب وشوكو حليب لوحده بترفضه وانا بحطله شويه شوكو انه يتغير لون الحليب بس وبالنسبه لاختها بتحبها وبتلعب معها ومرات بطسها ههههه بس مش كتير حرام وبالنسبه انه افصلها في غرفه لحالها هالشي بصراحه انا متصعبته بئول هالبنات رح يضلهم على جنبي لحتى ما اجوزهم لانه جوزي مش كل ليله بنام في البيت ف كيف انيمهم في غرفه لحالهم وانا لحالي في غرفتي ليش ما يكونوا جنبي وبحضني ربي يحميهم ويعطيهم لكل مشتهي نازله بكتب في روائه اليوم لانهم نايمات بكير ربي يحميهم ويهديهم والله عطول بستدعيلهم
وبالنسبه للاخوات العزيزات لي طلبوا مني اكتبلهم نظامها تفضلوا
اول شي نهارنا ببدا الساعه عشره ونص الصبح بعمللها فطور بيضه مسلوقه بتاكل منها شويه بحكي يلا ولا البلاش ومرات بتاكلها كلها وبتشرب حليب مع شوكو وخلص عيدت ومش دايما برضه بتشرب الحليب وبحاول اني أأخر وجبة لفطور انه لحتى ما تصحصح وتشعر بالجوع ومرات بتطلب مني شوكو وبتكون مصره بدها اياه بحكي يلا مهو حليب ومفيد شو بدي احسن ما اكون طماعه بعطيها اياه وخلص بتمها عليها لوجبه الغدا
بين الفتره هاي ممكن اعطيها بسكوته او بكيت شيبس بس برضه مش دايما
وجبة الغدا بكون عامله اغلب الوئت شوربه خضرا لاني بشعر انها بتحبها وبترغبها
بتاكل صحه وهنا شوربه بس طبعا لتطلع روحي وانا بنط ئدامها وبلعبها وطبعا بتكون ئاعده على الكرسي والطاوله تعونها مخصصين للاكل
وبعد ما تاكل بكافأها انه واووووو ما اشطرها كيف خلصت صحنها بكون احكل لاختها لصغيره شايفه كيف اكلت صحنها بدنا نعطيها شوكلاته لانها شاطره وبصير اعجئ فيها عاد واختها لصغيره فاتحه تمها ومش فاهمه شي حبيبة روحي المهم وخلص خلصنا من وجبه الغدا وبعطيها بعدها شي زاكي
وبحطلها على التلفزيون طيور الجنه او كراميش او كاسيتات تسجيل لولاد اخوي لانها بتحبهم ومرات باخدها وبنروح على الحديقه او على المول طبعا وبكون كل الوئت اشكر فيها انها اكلت بس مش دايما انا بعمل شوربه يعني متل اليوم ما اكلت لئميتن او تلاته من الطبيخ لي عملته رغم انه زاكي وعمتله خصوصا الهم بس شو اعمل
المهم
بالنسبه للعشا اكلت ئطعتين جبنه صفرا واكلت علبه لبن وشربت عصير بردئان صحه وهنا واكلت ئطعه كيك بس كل هاي الاشياء لي اكلتها على فترات مش وره بعض بس كله ئبل لتنام واليوم ما نامت كل النهار علشان هيك انهد حيلها بكير ونيمتها على التسعه وطفيت كل لضواو في البيت وعملت جو نوم واختها نامت ورحنا انا وياها على التخت وئلتلها يلا بدنا نام طبعا رفضت وصارت تنكد بس رجعت اسم الله عليها استسلمت ونامت هيك يومنا بكون مع الاخد بعين الاعتبار انه مش كل يوم هيك بتكون وبالنسبه لاهتمامي فيها بالعكس كل الاهتمام الها وما بتركها بالمره ولا بتبعد عني بالمره يعني لسه اختها بتركها عند اهلي وبروح وباجي بس هي ابدا ما بتبعد عني عطووول معي ويا رب عطول الحياة تمها معي هي واختها يا رب ويعطيهم لكل مشتهي ويرزقهم لكل محروم يا رب

شكرا الكم

لا أختي حراااام لا تقولي هذا الكلام ، ورب الكون على كثر ما أعاني من أولادي ما أكرههم أبداً هذولا صغار ما يعرفون شي واللي يسووونه غصب عنهم طفولتهم وعايشينها ، بعدين حاولي قد ما تقدري تهدينها وتدعين لها حتى في صلاتك والله اني أدعي لأولادي في سجودي وربي اني ملاحظه أن فيه تغييير مثلاً عند النوم ما يعذبوني أبداً أبداً ما شاء الله تبارك الله عليهم الكبير ينام لوحده بدون ما يزعجني أحياناً يقرأ المعوذات قبل النوم إذا ما غلبه النوم قبل القراءة والصغير أبو سنه أيضاً هادي في نومه بدون إزعاج صحيح انه طوال اليوم ما شاء الله عليه متعبني بس وقت النوم ينام بكل هدوء .. الله يهديهم ويصلحهم ويهدي بنتك ويصلحها إدعي لها دائماً وأبداً بصلاح حالها
بس ملاحظه أختي بسيطة أنتي كتبتي أن بنتك (( وبتشرب حليب مع شوكو )) تدرين أختي إن الحليب بالشكولا بيزيد النشاط والحركه عند الأطفال !! .

__________________

شكرا لمرورك غربة الروح
بناتي همه لي ردولي روحي للحياه ربي يخليهم ويحفظهم ويهديهم ويستر عليهم ستر فاطمه بنت النبي وبنات المسلمين اجمعين
انا كتبت اني كرهت حياتي كتر التعب لي اانا فيه بس اكيد ما كرهتها والله ليناموا اني بشتاق الهم وبكون امسك ايد هاي وابوس وجهه هاي ربي يخليهم بس انا كتبت هيك لاني كنت كتير تعبانه وما زلت طبعا
ومتل ما حكيتي ما الي الا الدعاء الهم الله يهديهم
وبالنسبه حبيبتي للشوكو في الحليب بنتي بترفض رفض نهاااااااااااااااااائي وتااااااام وهي عمرها سبع شهور من شرب الحليب ف عشان هيك انا ما صدقت انها تشربه لو بدها تجنني ليل ونهار بس تشرب الحليب ومش دايما والله بتشربه الله يهديها يا رب ويخليلي ويخليلكم

شكرا كتير