كيف أكتسب التأني في ردود فعلي ؟ - منتدى عالم الأسرة والمجتمع

30-12-2010, 05:56 PM

عضو جديد

تاريخ التسجيل: Dec 2010

المشاركات: 7

كيف أكتسب التأني في ردود فعلي ؟

السلام عليكم جميعاا

عندي مشكلة كتيرر مضايقاني انا بعترف انها عادة سيئة الا وهي التسرررع في ردود الافعال!!!!!!!!!!

اتنمي اجد عندكم استراتيجيه اتعلمها لكي اكتسب التأني في ردود الافعااااااااااااااااااااااااال

وبالاخص اختي لمني بشوووق ارشديني فانا احب نصائحك...

يمنع المنتدى تخصيص العنوان بعضو محدد

التعديل الأخير تم بواسطة ماريا ; 30-12-2010 الساعة 06:12 PM

30-12-2010, 06:07 PM

Love Of Life

كبار شخصيات المنتدى

تاريخ التسجيل: Jun 2007

المشاركات: 1,344

وعليكم السلام و رحمة الله و بركاته
اهلين فيكي اختي بيننا و ان شاء الله تستفيدي

ياليت لو تضربين امثله على بعض المواقف و ردود افعالك كيف تكون
و ان شاء الله اختي لمني بشوق و الأعضاء ما يقصروا بالنصائح

__________________

الامومة هي ان تضحي بكل شيئ جميل ليكون في اطفالك الاجمل

30-12-2010, 06:45 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

حبيبتي miss pink .. اشكرك على الثقة الغاليه ...والله يقدرنا على اننا نفيدك ..

بس مثل ما قالت اختي Love of life .. اذكري لنا بعض المواقف علشان نقدر نساعدك كلنا ..
وهل هالشيء كان فيك من قبل ولا الحين صرتِ جذي ؟ ننتظر اجابتك حبوبه .. وربي يوفقك ..

__________________

للاطلاع والاستفاده : 1 ، 2

30-12-2010, 06:51 PM

♥♥♥MISS PINK♥♥♥

عضو جديد

تاريخ التسجيل: Dec 2010

المشاركات: 7

اقتباس:

المشاركة الأصلية كتبت بواسطة ][ لمني بشوق ][

لا انا اصبحت كده مع الضغوط بس انا ما حبه فيني هالتسرع.....يعني مثلا بمجرد ما زوجي يستفزني بالقاء اللوم علي مثلا تلاقيني الجئ للتسرع في الرد مع اني عندي ثقة بنفسي اقدر التزم الصمت بها ولكن ما احب احد يغلط علي واصمت تلاقيني باستخدم التسرع في الرد وما يهمني النتيجة بعدها اراجع نفسي وهذا ما يضايقني
اتمني اجد عندكم ما يفيدني

30-12-2010, 07:28 PM

@ الباش مهندس @

عضو نشيط

تاريخ التسجيل: Aug 2010

المشاركات: 103

وعليكم السلام ,,

قال رسول الله صلى الله عليه وسلم

( إذا غضب احدكم وهو قائم فليجلس، فإن ذهب عنه الغضب وإلا فليضطجع )

اذا غضبتي .. او استفزك زوجك .. تعوذي من الشيطان .. وطبقي الحديث فالرسول الكريم لاينطق عن الهوا ..

فكري قبل لا تردين .. واذا رديتي ابتعدي عن التجريح

الله يوفقك يا رب

30-12-2010, 08:11 PM

][ لمني بشوق ][

كبار شخصيات المنتدى

تاريخ التسجيل: Aug 2006

المشاركات: 2,856

اقتباس:

المشاركة الأصلية كتبت بواسطة ♥♥♥MISS PINK♥♥♥

حبيبتي اول شيء لازم تتخلصين من هالضغوط او اسبابها واللي خلتك تكونين انفعاليه .. ونصيحه لا تجلسين تكررين
( انا ردود افعالي متسرعه ) ( انا ما اقدر اسيطر على ردود افعالي ) ( انا ما اقدر اسكت اذا احد غلط علي ) ..
حتى لو بينك وبين نفسك .. ترا المخ يتبرمج على هالشيء وبعدين بتحسين ان ما في أي طريقة للتخلص من هذي
المشكلة ...
اما اذا صار الموقف وشفتي ان زوجك بدا يستفزك ويلومك ... خليك ساكته .. ترا الصمت نعمه .. فالكلام اللي
يخرج من الانسان يوم يكون منفعل .. مستحيل يكون كلام طيب ..وبعدها يتبع الكلام الندم الشديد ..
فخليك ساكته هذا اول الحلول ..
في حل ثاني وهو انك توقفينه بذكاء يعني وهو يستفزك خليه يكمل كلامه وبعدين قولي له بكل هدوء وابتسااااااااااااامه
مو ضحكه : انزين حياتي كيف تبيني ارد عليك .. بانفعال ولا هدوء ؟ السؤال هذا يحرجه بس بأدب
وتذكري أي انسان يستفزك .. يتلذذ بانفعالك .. فلا تعطينهم هذي اللذه ..
الحل الثالث .. اختاري لنفسك حاجه تهديك وتحبينها .. يعني بعطيك مثال : اذا شفتيه يستفزك .. تعوذي من الشيطان
وانتظري لين يخلص كلامه ... قولي له لحظة شوي حياتي .. روحي مثلا ( وكلي ايس كريم ) اذا تحبين الايس كريم
او سوي لك وله شاي او قهوة ... واذكري الله لين تهدين .. وبعدها لما ترجعين غيري الموضوع .. وبعدها اختاري
وقت وبكل هدوء ناقشيه وبيني له الاشياء اللي متضايقه منها .. حتى لو بعد يومين ثلاث ..بس نبهيه ..خليه يحس ان
طريقته الاستفزازيه مو عاجبتنك وتضايقك .. واكرر بهدوووووووء ..
واستمعي لملاحظات زوجك حتى لو كان اسلوبه ينرفز .. لان الرجل ما يتكلم وايد واذا تكلم قال اللي بخاطره ..
فلا تزعلين من كلامه بالعكس خذيها كنقاط تستفيدين منها لتصحيح الامور .. حبيبتي الانسان المحظوظ هو اللي يلقى
احد يقول له عيوبه وتقصيره .. لاننا سبحان الله ما نشوف عيوبنا .. واي عادة ما تلقين من وراها فائده على طول
اتركيها .. اريح لك انتِ ..
اتمنى اني افدتك واكيد الاخوان والاخوات ما بيقصرون .. واسمحي لي على الاطاله ..

ربي يوفقك ويسعدك ..

__________________

للاطلاع والاستفاده : 1 ، 2

30-12-2010, 08:44 PM

♥♥♥MISS PINK♥♥♥

عضو جديد

تاريخ التسجيل: Dec 2010

المشاركات: 7

شكراا كتيررر لمني يشوووق وكل من جاوووبني

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه