الله يفرج همج ويعينج
حبيتي المفروض دامه يحبج ما يمد يده
والمفروض إن لما يمد يده انتي تاخذين منه موزقف حازم
والمفروض أهلج ما يدرون الا بالشديد القووي
ألحين , انتي حاليا في بيت أهلج
خلج عندهم فترة زيادة
خليه هو يحس إن اللي يسويه غلط
خليه يراجع نفسه
ويراجع كل اللي يسويه
لو انتي رجعتي له مباشرة
ما راح تستفيدين ولا شي
ليش
لان هو راح يفكر في قرارة نفسه
إنج ما تقدرين تستغنين عنه أبد
بمعنى لو كرر هالتصرفات راح تزعلين عند أهلج
فترة بسيطة وتردين
لكن لما تظلني عند أهلج لفترة أطول
وهو يظل يبيج تردين
هني راح يحس بقيمتج
و راح يعرف إن هو زودها
الواحد يعصب اوكي
لكن ما توصل المسألة لجذي
يعني في حدود
ثم مسألة الضرب هذي ما تصلح
احنا مب عايشين في الغابة
إذا حس روحه معصب يمسك نفسه
مايقدر يطلع من البيت ولما بهدأ يرجع
إلى متى بيظل مسلسل الضرب في حياتكم
خليه يحس بخطأه
هذا واحد
اثنين
مسألة أهلج
اسمحيلي انتي فتحتي على رووحج الباب من البداية
وكنتي تقولين لهم عن كل شي
ألحين انتي حاولي قدر المستطاع ما تخبرينهم بهالأمور
والنصيحة الأحسن
إن تسكنوا مكان ثاني
يكوون أفضل بعد
شي آخر
بالنسبة لسوالج عن الأشيا اللي انكسرت وطلب التعويض
تقدرين تتفاهمين معاه بهدووء
وتقولينه بطريقة غير مباشرة
إن الأشيا اللي انت كسرتها آنا احتاجها
يعني عطني حل
هو بيفهم المعروف من نفسه
أو إن بيعطيج فلووس
أو إن بيشتري لج غيرهم
ختاما , لما تردين بيتج
أول شي تسوينه تقعدين معاه قعدة جادة
وتكونين حازمة بالحجي وياه
وتخبرينه عن كل هالأموور
وتقولين له آنا صح أحبك وايد
وأدري إنك تحبني وايد
بس في امور لما تزيد عن حدها تقتل هذا الحب
وآنا إذا كنت صابرة ومتحملة فكل هذا لأني أحبك وأحب العيال وما أبي أهدم البيت
و آنا ما أطلب منك شي مستحيل او صعب
و لو إنت ظليت على هالمنوال لا حياتنا بتستقر ولا بنقدر نعيش صح
إضافة إلى إن العيال راح يصيرون مثلك
وهالشي له أبعاد مستقبلية
وإذا تقول تحبني من قلب
لازم ما تسوي شي يزعجني وايضايقني
العصبية لها ألف مئة حل
تقدر تسوي ألف طريقة و طريقة
أما تكسر الأشيا
ورميها
والضرب
كل هذا خطأ وعواقبه وخيمة
شوفي وش بيقوول
وظلوا تناقشوا لما ترسوا على بر
إنشاءالله ربي يهديه ويصلح أمره
ويوفقكم دووم
ودي
__________________
"إخوان سنـة وشيعـة هذا الوطن ما نبيعـه ,, خذ هالشعار و ذيعه و تذووب الطائفيـة"
( منصووووووووووووورين والناصـر الله )
30-12-2010, 05:29 PM
ضوابط المشاركة
العرض العادي
