معاها حق وإنت غلطان
توكم عرسان وجاعد ترسل لبنات الناس
انا م ناحيتي رافضه فكرة الزماله بين جنسين مختلفين او صداقه ولو لمصلحه
الله يهديك بس
حاول تفهمها واعتذر لها وإشتريلها هديه وعزمها ع عشاء رومانسي
وفهمها إنو اول وآخر مره وإنك ما بترجع تكمل دراسه إلا وهي معكـ
وإنك مو قادر تستغني عنها
بعدها صغيره وعواطفها تحكما عليك بالكلام المعسول وبترضى
بس يكون قول وفعل مو قول وبس
ربي يهنيكم ويصلح بينكم
طليت هنا ^_^

انت وشوله تخوون وملاهي وخرابيط حتى لوكنت تبي منها خدمه مب بها الطريقه لوانك زوجي كان مدري وش سويت فيك

هي انصدمت فيييييييك ولاتلومها انت المهم تقطع علاقتك في البينت نهاااااااااااااااااائيا وزوجتك صغيره حرام عليك تجرحها ترى البنت اذا انجرحت انجرحت يوه منكم يالرجال قلوبكم قااااااااااااسيه مررررررررررررررررره

اذا تبيها ترجع مثل اول اخلص لها ولا تخون ولاتقرب من البنات وخلها هي الوحيده بحياتك هي الحين بتفكر انك راعي بنات ولوكنت مكانها كا سويت اكثر وانا مب عارفه القصه هي انصدمت صدمه قووووووووووووويه مررررررررررررررررررره

رجع لها قلبها اللي مزقته ورجع لها ضحكتها ولاتخلي بقلبك غيرها الله يوفقكم ويحفظكم من كل مكروه

مادري ليش فار دمي <

__________________

الزم الإستغفار بنية أن الله يصلح مابينكم وبتشوف الخير بإذن الله

وانت غلطت فاتحمل وراضيها

وطمنها وقول لها الحين بتسافري معايا وبتشوفيها بنفسك وبتشوفي الوضع هناك وبتثقي في كلامي اني مستحيل اخونك لأني أخاف من ربي قبل لاأخاف منك

ولو أبغى الحرام ماكان تعنيت وتزوجت كان عندي كل شيء في الغربة بدون لاتعب ولاشيء

بس أنا انسان أخاف الله وماأبدل حلالي بحرام

صدقيني الحرمة بكلمتين حلوة ترضى

أهم شيء خليك كتاب مفتوح لاتخبي جوالك ولاجهازك عنها ولما تسافروا بإذن الله خليك واضح معها


بس ملحوظه : ربي يعينك زوجتك ملسونه يمكن بحكم سنها او عمرها .. لكن لازم تعودها على الاحترام وانها ماتقاطعك وحاول تثقفها في الحوار .. مو في هالوقت لكن مستقبلا لانه اللحين هي زعلانه منك

ربي يجمعكم على خير

__________________

اخي الفاضل00

إذا لم يعجبك ردي مو مشكله 00

لكن 000لا تأوله و لا تعنونه على كيفك00




وخذها مني وانا اختك 000 زوجتك بإخلاقها والتزامها 00 لن تحترمك إلا بإخلاقك والتزامك00

واللي يجيك منه الريح سده واستريح00


حتى لو ما كان بينك وبين هالبنت 00إلا مكالمه واحده ونظيفه00 فزوجتك يا اخي لا تعلم الغيب

وابليس ما مات !!!!!

وارجع اقولك 00 الزواج مسؤوليه00 ومراعاة مشاعر الطرف الاخر00

__________________

ردي فقط للتوضيح 00

دمتى في حفظ الرحمن

__________________

السلام عليكم ورحمته الله وبركاته
وش صاير يا أخواتي وش فيكم على الرجل سلختوه يكفيه ماسمعه من زوجته من بهذله وشرشحه وأتوقع إنه أول درس له بالحياة الزوجيه والرجل خلاص قطع علاقاته بالبنت والحين همه زوجته كيف يرد المياه لمجاريها معاها الرجل قال أحب زوجتي يعني موقاصد شئ بعلاقته بالبنت وترى هناك عندهم شئ غير عن عندنا عندهم عادي المرأه تصادق الرجل وحتى عندنا هنا في أماكن الإختلاط مثل التمريض والصيدله والمختبرات أبتدأت تنتشر الصداقات بين الجنسين وتبادل الهدايا وأنا شخصيا أعرف ناس من الجنسين لهم علاقات وصداقات مع بعض تنصح قالوا علاقه أخويه وصداقه نظيفه والله المستعان على هاذا الحال والشيطان مامات باقي عايش ويزين الفساد لإبن آدم والإختلاط والصداقات بين الجنسين له أضرار خطيره وأهمها وأخطرها نزع الغيره من القلب ويصير عنده كل شئ عادي ماعاد يفرق بين حلال أو حرام فنصيحتي للأخ بأن يخفف الإحتكاك بالجنس الأخر سوى عن طريق دراسه أو إجتماعات عمل أو واسطات رغم إن حسبت الواسطه بس عندنا حنا ماتوقعت هناك واسطات لأن هنا بس عندنا حقين الفزعات شكل البنت فيها عرق عربي علشان كذا أفزعت معاك وساعدتك إن شاءالله ربنا ماعاد يحوجك لها أنا كنت بقول جيب هديه وراضها وأطلع معها إجلسوا برى غيروا جو بس صراحه أخواتي سبقوني فيها كلها لاكن عندي لك حل إذا مانفعت كل هاذي الأساليب معك باقي فيه أسلوب آخر بقول لك عليه شوف زوجتك صغيره في السن وباين عليها إنها تحبك ومتعلقه فيك من غيرتها وكلامها عليك وبالذات في هاذا العمرالبنت تكون بحاجه للإحساس بالحب والأمان والإستقرار الحين هيه خايفه لاتاخذك أي وحده منها وأنت تنساها وماعاد تصير تفكر فيها هي الحين ودها إنك تصير لها لحالها هيه وبس حتى أهلك ماودها يشاركوها فيك
ليش أول شئ صغيره بالسن ثاني شئ توها عروس فأنت لازم تحسسها إنك لها لحالها يعني أنت ملكها وتحسسها إنها هي الأهم في حياتك من كل الناس حتى تثق فيك وتصدق إنك مابتتخلى عنها وإنك ماتقدر تستغني عنها أبد وإنك في حاجتها تكون معك وإلى جانك في كل الأوقات وإذا شفت مافيه مؤشرات إيجابيه منها مالك إلا تناقشها ولومافيه إستجابه شوف أقرب كنبه عندك بالغرفه
وطيح عليها وقول آه آه قلبي أحسه بيوقف طبعا حاول تطيح وأنت تتكلم معاها وسوي نفسك خلاص تبغى تموت
واطلب منها تجيب لك كأس مويه وشوف إذا أرتبكت وصارت تصيح أعرف إن أمورك زانت وبتدأت تصلح بس ماتصلحها على طول تقوم لها وكأن مافيك شئ بتحس بعدها أنه ملعوب لا أخذ واحد من أخوانك وروحوا لفلفوا لمدت ثلاث ساعات وبعدها مره أقرب صيدليه أملأ كيس علاجات أخلطها ضغط وسكر وأسبرين وبعدين أرجع لها البيت بس تميرض عليها وقول لها أنت ماتدرين إن أنا أحبك وماأدري كيف أعيش حياتي بدونك وأحلف لها إنها هي الإنسانه الوحيده بحياتك وإنها أغلى شئ عندك وإن ماعاد تسوي إلا إللي يرضيها وهي تحبه طبعا الأسلوب الأخير أنا صراحه يوم تزوجت زوجي كان عمري أقل من زوجتك بثلاث سنوات وكنت خبله ما أعرف من أمور الحياة شئ وكان زوجي لويمر
عليه أخويه وقال له نروح السوق كان أقيم الدنيا وأقعدها كأنه بياخذه مني كنت مره ما أبغاه يروح حتى لعمله كان ياخذ إجازه وبعد ماتخلص إجازته وبيسافر لعمله أقلبها مناحه أشيل إثباتاته وأخبيها
وكان عندي حب تملك فضيع جدا كنت ماأبغاه يجلس مع أحد ولايسولف مع أحد ولاياكل مع أحد إلا معي أنا وبس كان يوم أثقلها عليه وأزعل وراضاني ومارضيت كان يتميرض ويسوي نفسه تعبان بعدها أنا أخاف عليه وأحن شويه وأخليه براحته طبعا زوجي كان عمره سبعه وعشرين سنه ذاك الوقت ولوواحد غيره كان ماصبر كان رماني مع النافذه من زود الدلع صراحه مسختها مره معاه الحين لوجلست معاه يذكرني ذيك الأيام والله إني أستحي أناظر بوجهه وقت مايذكرني وأجلس أضحك أقول الله يا أني هبله كان عندنا غرفه عند أهله كنت محاصرته داخلها مابيه يطلع أخاف أحد ياخذه مني وأي واحد يدق البيت يسأل عنه على طول زوجي نايم أو مو بموجود وهو عندي داخل الغرفه سجن جوانتاناموا الله يجزاه خير ياصبر صبره عليه ما أنساه له لو واحد غيره ماعنده صبر كان كفخني تكفيخ ووراني شغلي زين ووخر المحبه الزايده عاد أنت أحمد ربك تسافر آخر الدنيا وبأول زواجكم وصبرت عليك فاتحملها ولكل فعل ردة فعل وخلافك معاها بسيط إن شاء الله ينحل بينكم وتسود بينكم المحبه والوفاق وأنا سردت لك تجربتي حتى تحتمل مايقابلك منها وتصبر عليها وتاخذ بخاطرها البنت صغيره وتوها عروس أي كلمه جارحه منك لها ستسبب شرخ في حياتكم فحاول أن تمتص غضبها بالحب واللين وقابل إسائتها بالإحسان وأنتبه عاد تكلم حريم حتى لوكانوا زميلات حتى الفكره تتضح لزوجتك جيدا وتقدر وضعك وظروف دراستك أسأل الله لك التوفيق في دراستك وحياتك الزوجيه وأسأل الله أن يحفظك من الفتن ماظهر منها ومابطن وأسأله عزوجل أن يؤلف بين قلوبكم أنت وزوجتك وان يسكن حبك في قلبها وأن يسكن حبها في قلبك سبحانه ربنا هوالقادر على ذلك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله