السلام عليكم ورحمة الله وبركاته

ان شاءالله الموضوع ينال على استحسانكم

هذا الموضوع خاص فقط للمواقف المضحكه والعجيبه لأطفالنا { الله يحفظهم }

راح ابدأ انـا مواقف مع عصفوري اللي قلت لكم عنه (ولد عمي ) اللي يناديني ماما .
عمره 4 سنوات

سلمكم الله هذا الولد ماشاءالله تبارك الله عسل..وماخذ بنفسه مقلب على انه ابو 20 سنه.

المواقف :

الأول.
انا وامه جالسات وهو يلعب..ويجي عندنا ويجرني من يدي ابي ابس توب (ابي البس ثوب)
واقوم اجيب له الثوم والبســه..يقول واتره واقال (وغتره وعقال)
اقول له لا مايصير : يطالعني بإستخفاف واحتقار ورافع صبعه : اقول اقــول..اقــول ..
اقوله:اقول يلا مافي غتره ولا عقال..يقول بنفس النظره بس اشد:بابا قــال اووويييلك انا بجي انت مايبس توب ياويلك..بابا قال لازم انا ابس توب (نصاااااااب درجه اولى)..

والبسه ثوب وشماغ وعقال ويهزء يقول : لون ابيس توب وين الم..وين افتاح صياره..وين ساعه..وين بوك..وين نفاره
ترجمه(شلون البس ثوب وين القلم وين مفتاح السياره وين الساعه..وين اليووك وين نظاره)
نروح ونلبسه كل هالأشياء والشراب والجزمه السودا

ويمشي بعربجه تخيلوا قصير مره صغيرون يضحك مضغووط
يلا يلا انا امشي..روه دكان روه مطعم جيب بردقر جيب سانوس وبرسي(برقر وساندويش وببسي)
ماما اس تبين انا يلوه دكان...امه تقول لا يلا ادخل حبيبي مايصير لازم نطلع مع بابا وبس..يجينا حرامي

قال بإستخفاف : اقــول يلا يلا باي باي..انا يلوه انتي سكر باب زين..يلا
ويطلع ويصفق بالباب ومعه مفتاح سياره قديم وجوال لعبه
ونجلس نطالعه من العين السحريه حقت الباب..وهو واقف يكلم جوال ويخربط يابوزعم يكلم ربعه

شوي دق الباب قال : ماما..وماما..آفي ببسي (ماما..وماما(انا)مافي بيبسي)
قالت امه خلاص جيب عصيرات وايس كريم
قال : لا بأدين روه اتشفى دتكور يجيب ابره كبيره
قالت يمه يمه خلاص نسيت ماابي ايس كريم...طيب يلا بنروح معك
قال وهو يهزئ:آآآيــب..نووووو...آآفي عيب عيب ..اقول اقول آلإي آيب
قالت ليش انا مسكينه طفشانه وانته رجال عادي انا معك : قال بثقه : ذين قوم ابس عباتك اول..

ونضحك ضحك لين طلع من خشمنا هههههههههههههههههههههه
قمت انا سويت نفسي بطلع بدون عبايه..
فتحت الباب وانا ورا الباب:قلت يلا نروح دكان
ماشفت الا الأرض ارتجت: يـــــــــــــــــا الأدب....يــــــــــــــــــا الأدب...بــــــــــــاس ايب يلا اويلك اويلك اسم الله اووويلك والله والله اوويلك (ترجمه:ياقليلة الأدب اقسم بالله ياويلك)(ويشيل العقال وريرفعه فوق )
وقلت كيفي بطلع بروح البقاله..وافتح الباب..

قام يصيح بصوت عالي ويضرب راسه ويصارخ ويضرب نفسه .. لين تقطع صياح
يوم جلست وخلاص مشى الموضوع وسكتنا ضحك
جاء بعد ساعه يمكن قلت له روح جيب كلينكس من الغرفه
مايرد علي...اكلمه مايرد..بعدين يخزني شوي ويرجع يكمل لعب بالتليفون يكلم ربعه (نصب مافي احد)
وتم مايكلمني بعدين قال انتي آدب انتي وجع..انتي خلي ولي .انتي وجـــــــــــــــــع انتي هاله (انتي حاله)
ويجلس يرطن ويتحلطم وانه مايحبني وزعلان علي

موقف ثاني صغيرون
مره كان يبي يروح الشارع امه مارضت طبعا شي اكيد
قال لها بابا قال انا يروه برى سيم سيم بابا..هههههههههههه
وبعد دقايق راح لأبوه قال بابا انا روه سارع .. ابوه قال لا
قال حق ابوه : والله والله ماما قالت اويلك لازم روه انا سكين [مسكين] سيم سيم بيبي انا سكين طيب يا ممتاز..ياساطر بابا اسمع كلام يقول ان شاءالله مايقول لا....[ورافع صبعه بتأكيد]

ابوه قال لا ههههههههههه الشارع بيجيك عمو حرامي
قال : عمو حرامي نوم..
قال ابوه : لا مو نايم توني شايفه وانا جاي قال اذا طلع ولدكم الشارع بلحاله كلمني
قال : لا بابا خلك رجال...عمو هرامي نوم مايجي.يجي بوليس شيل عمو هرامي..
عمو هرامي آدب..عمو هرامي وجع..عمو هرامي هاله...




هههههههههههههههه

وبس هذا موقفين من مليون موقف ياحبي لقلبه ادعوا له الله يحفظه ويخليه
واتمنا مااكون ثقلت عليكم...

هههههههههههههه
ما شاء الله عليه الله يحفظه
والله المواقف كتيييييير الله يخليهم ويحميهم بس الواحد بينسى والمواقف بتتكرر يوميا

بس لفت انتباهي ان طفل عنده 4 سنوات كلامه لسة مش مظبوط ؟يعني بينطق الكلمة مش كما هي وبيحتاج ترجمة لغير الواخدين عليه
كلموه كتير وصلحو له الكلام صحيح لغتهم لزيزة وبتضحك بس لابد نعلمه نطق الحروف صح وفي السن ده يعيد الحرف لحد ما يضبطه بس مش بطريقة مملة عشان ما يزهق الطفل

واخر موقف لطفلي احنا كان عندنا ضيوف وطول ما هم جالسين يجي يقولي طنط انا اشرب مية طنط كذا ويكررها كتيييييييير طنط طنط طنط
ويقول لابوه طنط فوق >>علي انا طبعا بس طالعة منه سكككككككر >>طبعا تقليد للاطفال اللي كانو عندي
هو عنده سنتين ونص

وكل شوي اقوله انا مين يقول انتي طنط اقوله وفين ماما ؟ يقول اهي ويأشر علي
وبعد ما مشيو
بقوله انا مين قالي انتي ماما هههههههههه

__________________

موسوعة الطفل ===ثقافية ===ترفيهية ===دينية

لا يكون الولد تربية شغالات.. خذوا بالكم.. والله خفت من " سيم سيم " حقته.. الله يحفظهم أحباب الله..

__________________
اطبع الطين ما دام رطباً، واغرس العود ما دام لدنا، لو رأيت ما في ميزانك لختمت على لسانك.

انا كمان استتتغغغررررررربت من كلام الولد
والظاهر فعلا تربية شغالات 4سنوات يعني المفروض انه في الروضه والسنه الجايه تمهيدي


بنتي 3سنوات ونص
قبل كم يوم كنت دوبي مخرجتها من الحمام بروب الحمام دووبها اخدت شاور

وقبل ما البسها رحت المطبخ بجيب غرض ورجعت فجأة البنت اختفت!!!

دورت في البيت كلللو مالقيتها اناديها اصرررخ ابداا مافي رد وباب الشقه مفتوووح

قللبببي طااااح بالذات انه العمارة عندنا مليانه رجال الدور الارضي فيه مؤسسة طوافه للحجاج >>>احنا من سكان مكة

اهلي ساكنين فوقي

قلت معقول ح تطلع لهم بدون ما تلبس؟؟بس ماقد سوتها قبل كدى

وفعلا لبست عبايتي وطلعت ادووور
قالوا لي اهلي ماشفناها

خلااااااااااااص حسيت قلبي بيوقف

قلت معقول راحت الشارع؟؟ او احد دخل بدون ما احس وخطفها؟؟؟

رجعت البيت ابحث وفجاة طالعت خلف الكنبة لقيتها جالسه وساااااااااااااكته وحاطة سيارتها الكبيرة اللي تركب عليها قدام الكنبة عشان تغطي رجولها
ف ربي الهمني اطالع خلف الكنبه

تخيلوا طلعت لبيت اهلي ونزلت وهي لا زالت متخبيه في مكانها

على اساس تمزح معايا

قللللبي كان بيووووووقف

ما اقول غير الله يهديها ويحميها بس
ما ادري كي

__________________

لا ياخواتي مو تربية شغالات

عندهم شغاله بس لشغل البيت,
لكن ما تلمس الأطفال,,,كل شي على امهم
لكن هو يسمع الخدامه تقول سيم سيم
خلاص عجبته الكلمه صرنا للأسف نعلق عليها كثير ههههههههه

الحين تاركين الموقف كله جايين حق سيم سييم وتربية شغالات فتحتوا موضوع ثاني ماشاءالله


وبالنسبه انه 4 سنوات مفروض روضه
المدرسه اللي جنبهم مافيها روضه اول..واللي ابعد شوي كمان
ان شاءالله الترم الثاني


تمنيت اشوف تفاعل مع الموضوع
واتمنى مانطلع من الموضوع

ههههههههههههههههههه

الله يحفظ طفلك ويخليه لكم ان شاءالله وتشوفونه معرس
اما بالنسبه لكلامه
ايه الله يحفظه لسانه ثقيل ههههه
اخوي كان كذا بعدين الحمدلله الحين نفهم كل شي
اغلب الاطفال لسانهم ثقيل خاصة الاولاد..البنات نشوف لسانهم سريع ماشاءالله