جزاك الله خير أختي دلوعة مودي على دعائك لي وأنت إن شاء تكون حياتك أحلي بشوية تفاهم بينكم شوفي يا أختي الرجال بطبعهم يختلفون إذا أنت شايفه إن زوجك أناني وإنه يحب لغة تملك الأشياء إللي تخصك مثل صرافتك وإنه يتدخل براتبك وهوماعليه قاصرفهنا حطي خط أحمر وخذي صرافتك لأنها ملكك وتعبك أنت صح بتصير معك مضايقات منه بس خلك عاقله وأثبتي له بأنك هاذي المره ماراح ترديها له أبد وأبتدي تدورين لك مشروع تحفظي فيه فلوسك وتزيدين دخلك الشهري أختي الزمن هاذا ما أحد لك بكره عيالك يكبروا يدرسو ويتخرجون وش ضمنك إنهم بيحصلو وظائف وأنت عارفه كم نسبة البطاله الحين أقل شئ يكون عندك فلوس تساعدينهم فيها وتفتحين لولدك محل أومكتب عقار أو مكتب تأجير سيارات أوأي عمل حر توقفين معه حتى يبني مستقبله ويأمن إحتياجاته وبنتك تتخرج لومالقت وظيفه تقدرين تفتحين لها مشغل أومجمع نسائي وهي تديره بنفسها حتى ماتتعب من جلست البيت وتستفيد وتعتمد على نفسها شوفي معظم الأباء مايفكر بمستقبل عياله مثل مايفكر إنه يوكلهم ويشربهم ويلبسهم ويسكنهم ويحسن تعليمهم وبعدها خلاص دور لك وظيفه وأعتمد على نفسك وأمن مستقبلك أنت رجال طيب دور وظيفه وماحصل وش يسوي تتركه للفراغ والوحده هذا غلط إعطه مبلغ من المال حق مشروع ومن الأفضل تعطيه كسلف يرجعه يوم ينجح في مشروعه وعمله حتى مايعتمد عليك دايما ولوشفت إبنك أو بنتك نجحوا بأعمالهم وقت مايجوك يردون الفلوس إللي ساعدتهم فيها ذاك الوقت تقدر تردهالهم كهبه وتنصحهم بأن إن عندك أهم شئ يكونوا ناجحين معليش أختي أنا كبرت لك عيالك بلموضوع وفتحت لك مشروع معاهم الله يعافيهم لك إن شاء الله ويصلحهم لك يارب لاكن حاليا أنت تبغين لك حل تاخذين صرافتك وتوفرين فلوسك شوفي إذا أخذت منه الصراف وجلستي تجمعين فلوسك بدون ماتحطيهالك بمشروع نافع
في الحقيقه بتبقى عيون زوجك على صرافتك وإللي مجمعته في حسابك وكل يوم بيجي يبغى فلوس بأي حجه وبكذا لا وفرتي ولا أستفتدي شئ من وراء راتبك وأنا عندي لك نصيحه لومابغيتي تدخلي دوامت ديون البنوك وقروضها
روحي قدمي على مشروع باب رزق مشروع عبداللطيف لدعم المشاريع الصغيره أو صندوق المواردالبشريه أو بنك التسليف لدعم المشاريع وتمويلها هاذي المصادر ياطويلة العمر ماتاخذ عليك ولا فائده أبد تعطيك مثلا مئة ألف ترجعيهانفس المبلغ أهم شئ يكون مشروعك ناجح ويعطونك مهله أحيانا تمتد من ستة أشهر إلى سنه وبعدين يبدأ تقسيط القرض بأقساط ميسره حسب إستطاعتك أنت تقدرين تشترين لك أرض وتطلعين قرض وتبنين عليها قاعة أفراح أو إستراحه للمنا سبات صراحه دخلها طيب شوفيها بالإجازه والمناسبات كل ليله محجوزه وإفتحي لك فيها بوفيه ومحل تموينات وأجريها المحلين ذي لوما عندك عاملات فيهاكثير نساء بيستأجروها منك ويشتغلوافيها بالذات أيام المناسبات وإلا إشتري لك عماره وأجريها أو إفتحي مشغل أفتحي لك محل في مجمع نسائي عندك محل أدوات تجميل و
إكسسوارت أو محل ملابس نسائيه وعطورات خاصه بالذات إن الحريم بياخذوا راحتهم في الشراء مدام إن إللي تبيع من جنسهم ومثل ماتعرفين لوماقدرتي تديرنه لحالك جيبي لك وحده من ذولا البنات العاطلات تساعدك وتكون محل ثقه فيه بنات بتشتغل حتى بألف ريال وأنتي خليك مشرفه معها و المجمعات النسائيه ماتفتح إلا بعد صلاة العصر ولومابغيتي هلحوسه كلها خذي لك قطعة أرض أو أكثر من قطعه هاذي ثمنها إللي تدفعيه فيها بعد كم سنه بتكسبين أضعافه مضاعفه وماراح تخسري شئ عليها غير إنك تحطي صكوكها في خزانتك وتريحي بالك وبكذا وفرتي وريحتي نفسك من زنة زوجك
وأخر شئ أختي أتمنا لك السعاده الدائمه والتوفيق في حياتك الزوجيه وأتمنا أن ربي يهدي زوجك ويسخره لك في كل أمورك وتقبلي تحياتي.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

الله يعطيك العافية اختي بنت الحكمي على التوجيهات والارشادات الرائعة
اشكرك كثيرررا ع التفاعل المفيد

__________________

لا اله الا انت سبحانك اني كنت من الظالمين

http://www.66n.com/forums/showthread...51#post2512851

لطفك يارب

__________________

لا اله الا انت سبحانك اني كنت من الظالمين

ليس من حقه ان يأخذ بطاقة الصرافه ابد ابد ابد

لكن اغلب الأزواج يأخذها علشان ما يرواح الراتب لأهل زوجته

يقول هذا حق اعيالي احفظه لهم وهو ما ياخذ منه ولا اريال

وبعضهم اصلاً مرتبط بزوجته عشان الراتب فقط -- انقطع الراتب حصل الطلاق ودور غيرها

كلامك يخوووف اخوي

الله يستر يارب ويكتب لي اللي فيه الخيره

__________________

لا اله الا انت سبحانك اني كنت من الظالمين

اقسم بالله مقهووووووووووووووووووره

صارت هوووووووووووووشه اليوم بالرغم من هدوئي

فاتحته اليوم عن موضوع البطاقة وكشر بوجهي وجبت العيد وشكلي بجيبه الليله لاني بعد ردودكم بديت اصحى

والله هدفي مو مادي بس خلاص احسه يعتبرني آلة صراف ودخل اضافي

زهقققققققققققققققت منه ومن اسلوبه

اعذروني متلخبطه ومقهوره

__________________

لا اله الا انت سبحانك اني كنت من الظالمين

تكشيرة الوجه هي طريقته في ارهابك لتقفلي الموضوع ولكنه سيتفاجأ عندما يجد أن هذه الطريقة أصبحت قديمة ولم تعد تنفع

قبل كل شئ

روحي للبنك 000 وخليهم يعطونك كشف حساب لكم سنه ورى00000 وجيبيه البيت وادرسيه وافحصيه0000

وبعدها يكون خير00

الامر مو طبيعي000 لا تكوني سااااااااذجه000 زوجك ملغي شخصيتك بالطريقه هذي ؟!!

__________________

يا كثر ما سمعت كلمة ساذجة والله اني طيبه وعلى نياتي

ويارب تعطيني على قد نيتي ولاتفجعني يارب

مشكووره اختي شقرديه ع النصح والتفاعل

__________________

لا اله الا انت سبحانك اني كنت من الظالمين