الأخت الفاضله رضاك

طرحك لمشكلتك أو مشاكلك ينقصه الكثير من التفاصيل , ولابد أن توضحي أكثر مما وضحتي .

هل المشاكل التي تمرون بها , هي سبب أو نتيجه ؟
هل هذه المشاكل هي كل شيئ , ولا يوجد ترسبات تثير هذه المشاكل ؟
أم أن هذه المشاكل هي نتيجة لسبب أو أسباب لم تذكريها , أو قد يكون مجهولا لديكِ ؟

اوكي راح افصل اكثر


انا مثل ماذكرت الحب موجود وميه بالميه
لكن ببداية زواجي تفاجأت بانه يشاهد افلام اباحيه من وراي وكل مااكشفه يوعدني ومن هالكلام
بعدين اكتشف بعلاقات قديمه عن طريق الموبايل والمسن وكان شرطي حتى ارضى انه مايدخل مسن وجواله يكون مرمي ومن غير رقم
بعد كذا جاله عمل بمدينه ثانيه وراح يجلس تقريبا سبع سنين واكثر والاقيه يقولي ماراح اخذك سكت عنه لاني كنت بفترة نفاس
واكتشف بعد كذا تفكير بزواج مسيار هو واصحابه المتغربين مع اني مو مقصره معه بشئ حتى يتزوج
طبعا عرفت انا لما نسي جواله مفتوح ..
فعشان يراضيني جابلي تذكرة سفر وسكن بديرته طبعا من خوفه من ردة فعلي تغاضيت من اجل حياتي وبنتي اللي توها جايه
ونقلت معه في سكنه
هذي الاسباب خلته كل يوم يسويلي مشاكل ولاتفه الامور .. انا عارفه لانه يبغى حريه يبغى جوال ونت وعلاقات وخرابيط في مقابل اني اكون مغفله واسكت
وهو دايم يقولي مشكلتي اخذت وحده ذكيه مايخفى عليها شئ وقويه ماترضى على نفسها بشئ
مع اني تغاضيت عن كل شئ ومااشوفها قوه ابد
انا بغربتي تعبت من المشااااااااااااااااكل

الله يعين

لا حول ولا قوة الا بالله
الله يهديهـ ويسخره لك يارب
المشكلهـ كلها بسبب صحبتهـ وهو للاسف من كلامك انهـ وراهم يعني يسمع لهم
حــــاسهـ فيكي الله يكون في عونك نفس مشكلتي مع طليقي..لاكن عمري ماقلت له طلقني وكنت اشغل نفسي عنهـ باي شي لدرجة انهـ منعني من النت عشان مااعرف بلاويهـ عالمسن
وكان على اتفهـ شي مشاكل..
لاكن انصحكي يااختي انك تنشغلي عنهـ يعني لاتحطي هو كل اهتمامك راح تتعبي
خلي انسان عادي تكملهـ في حياتك ادري ان هالشي صعب بس حاااولي
بس في نفس الوقت لاتهملي واجباتهـ وحقوقهـ كزوج وسوي كل الي تقدري عليه عشان اذا لاقدر الله وانفصلتوا تكوني مرتاحهـ لان مو انتي السبب
الله يهديهـ ويسخر قلبهـ لك يالغاليهـ ولاتتعبي نفسك ترى محد يستاهل الزم عالواحد صحتهـ لاراحت محد بيدور عليكي انتبهي لنفسك وبنتك ولاتنسي الدعاء التجئ لله في الثلث الاخير وربي ينصرك
دعــــــــــواتي لك

وعليكم السلام ورحمة الله وبركاته اولا صحتك فوق كل شيء والدنيا ماتسوى تهلكين نفسك عشان ارضاء الزوج الذي يحكم بمعايير مختلفه لابوها من عيشه ولابوه من زواج اذا الانسان كل يوم في هم ونكد وحرق اعصاب ,طنشي وانسي بس ماادري حصل حمل او انجاب؟

__________________
اياك اياك..في صاحبك تطمع حتى ولو ان كان بسطلك ذراعه

اختي الله يكون بعونك
بس يبي لك تكوني معه قويـــة+حنـــونة+صارمة بهدوء
اذا زوجك والله اعلم انه يحب الكلام المعسول فانتي لا تقصري معاه فالناحية دي
واتفقي معاه عالاشياء اللي بتحصل بينكم وحدديها في نقاط يعني تقولي له انا يضايقني كذا وكذا وكذا
واتمنى انك تقدر مشاعري وتحاول تصون بيتك وتحافظ عليه!!!
وشوفي بعدها مدى الاستجابة والتحسن
ان كان تمام فالحمدلله استمري معاه بهذي السياسة
وان ما جاب نتيجة وابدى اعتراض وعدم تجاوب
فقولي له انا والله كمان ابي اخذ حريتي بالروحات والطلعات ابي اخذ راحتي
ولازم نكون مثل بعضنا
الله يفرج همك اختي

فعلا احرجيه انتي بطريقة
لما يجي يسوي مشكلة ابتسمي وقوليله اوك الي تبغا ماشي وهلاكلام
وبس يهدا عاتبيه وقوليه انا سكت عشان احبك بس ياريت تتغير ومو كل يوم تسوي مشكلة وهالكلام الي يحبه
ربي يسعدك

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

ماينفع حاولت بهالطرق مانفع مانفع
والله اكتبلكم واني محروقه بكيت لين مو حاسه روحي بتطلع وانا لوحدي بهالغربه
توه سمعني كلام يهد جبال عشان يبي يسدد دين .. لانه بيوم احتاج مبلغ كبير ووفرته له لما شفته ضايق
ودحين جاي يحطها براسي بعد مافكيت حرجته وقتها .. والله ظلم