السلام عليكم .......... .... عندي مشكلة ان وجهي اسمر من الشمس وما احط وقاية من الشمس وعندي هالات سوداء حوالين عيني وعندي تجاعيد خفيفة تحت العين.......... شنو احسن طريقة لتفتيح لون وجهي وللهالات السوداء والتجاعيد ......... ممكن تعطون اسماء كريمات او طرق جيدة
وللعلم نوع بشرتي مختلطة
ارجوكم ساعدوني بلييييييييييز

لازم تروحي اول عند دكتورة عشان تحدد نوعية بشرتك وهي تقلك ايش ينفعلك احسن

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

لي عودة الحين ميتة نعاس لكن لي عودة عندي مقشر ومبيض وشوية وصفات بحول الله وقوته تجدين نتائجها وتدعيلي ...

__________________
((رب اجعلني مباركا حيثما كنت.))

حبيبتي اموره جيبي مره انقعيها في مويه ليومين كذا وسويها لوجهك كل ماتنشف طبقه حطي فوقها طبقه كم مره وبعدين اغسلي وجهك بماء الورد هذا الله يسلمك للتجاعيد تشد البشره مررره وتصفي الوجه تخلي وجهك رروعه ونضاره وعن تجربه اما بالنسبه للسواد عندي كريم ممتاز رحت للدكتوره ومناسب لجميع انواع البشره لانه اخواتي استخدموه الدوكين فورت من الصيدليه واكرتين الاخضر والازرق اخلطيها الثلاثه في راحه يدك كل ماحبيتي تحطيها ع وجهك يومين في اليوم والله بشرتي تجنن صارت واذا اشتريتي الدوكين اقرئي الروشته حتلاقي انه مبيض اللبشره الداكنه والمتضرره من الشمس اي سؤال انا جاهزه تحيااتي لكي0

امورة 2009 انا عدت وبكتبلك طريقة عبارة عن ثلاث مراحل لازم تتبعينها بحذافيرها مدة شهر كامل متواصل وشوفي النتيجة لو اتبعتي شي واهملتي شي مانتي مستفيدة والله ثم والله انا متاكدة بتنفعك بس بالضبط طبقي طبعاً اذا عندك فقر دم او نقص بالحديد او الكالسيوم لازم تعالجينه قبل لانه مهما سويته وانتي عندك مشاكل بالدم مو مستفيدة اي شي المهم هذي الطريقة:
1- الغذاء تسوين عصير خضار تشربين كاس واحد يومياً ويفضل على الريق طبعا تسوين كمية تكفيك عشرة ايام وتحطينها بالفريزر وكل يوم تطلعين كيس وتتركينه يذوب وتشربينه طبعاً كل عشرة ايام تسوين كمية تكفيك عشرة ثانية المهم مدة شهر وهذي طريقة العصير وممكن تضيفين لها اي خضار من عندك زيادة مايضر:
المقادير
نص كوب سبانخ
نص كوب بقدونس
تفاحة
خيارة
عصير ليمونة
4 خس او ساليري ماعرف اسمه بالعربي بس اعتقد يسمونه كرَفْس
قطعة زنجبيل بحجم اصبع الابهام تقريبا
(ممكن تضيفوا جزر او نوع خضار تحبوه )

المهم تحطون معاه موية باردة او ثلج بالخلاط حتى لما تخلطوه تحسون ان سائل وينشرب ،،
ترى هالشراب يشرب مرة وحدة في اليوم وفي الصباح على فك الريق لانه يحرق الدهون ,,
وممكن تزودين الكمية وتخلينه بعصارة الجزر بدون ماء...
2- هذي كريمات تصرفينها من الصيدلية في الرياض صيدلية الحبيب :
صابون للبشره الدهنيه والجافه
البشره الجافه اسمه سيتافيل وهو ينفع للبشره الحساسه المتهيجه
البشره الدهنيه اسمه CASTALIA
Dermopur gel Nettoyant
مكتوب على الغسول
ينظف الدهون يسكر المسام بنفس الوقت يرطب

اول ماتصحين من النوم غسلي وجهك فيها وعلى فكره كل هالصابون اللي كتبته طبي 100% وخالي من العطور
ثانيا
بعد ماتغسلين حطي الكريم المفتح
عندك شركة بابي
اسمها كذا تحصلينها بالحبيب
او اي صيدليه كبيره BABE

عندك مفتح نوعين شي فيه واقي وشي بدون واقي
اذا تطلعين للشمس خذي اللي فيه واقي رووعه يبيض ويصفي
وفيه شي مفتح بس وفيه شي للبقع ومفتح في نفس الوقت اذا عندك بقع خذي حق البقع
على فكره مكتوب عليها بالعربي يوضح لك يعني مترجم جزء من الكريم
وبا الليل تحطين مقشرررررررر
كلمة رووووووووووعه قليله عليها
تقشير روعه هادي مو مثل الرتن ايه
تقشيه حلو ولا يحمر بالوجه ويطلع قشور
فيه تركيزين 100 وتركيز 200 وسعره رخيص حدود 80 ريال
اذا وجهك حالته صعبه واثار وبقع قويه خذي 200 واذا وسط وخفيفه خذي100

اسمه EXFOLIAC
acnomega
طبعا مثل ماقلت تركيزين موجود

واذا حسيتي بجفاف
حطي مرطب سيتافيل اذا بشرتك جافه واذا دهنيه مرطب نوتراديرم
هو خاص بالدهنيه والمختلطه
وهذا برنامج يفتح وجهك يعطيه نضاره صفاااااااااوه بيااااااض خيالي باذن الله
وتلاحظين الفرق من اول اسبوع ان شاء الله

كم كلفني العلاج
الصابونه 99 ريال
المقشر حدود 80 ريال
المفتح 185 وعليك الحساب

3-اخيراً قناع 2ملعقة نشأ 2ملعقة ماء ورد تطبخينهم على النار لين يصيرو عجينة تحطينهم على وجهك نص ساعة وبعدين تغسلين وجهك وترشينه بماء ورد سوي كمية وحطيها بالثلاجة طبعا القناع بعد ماتخلصين الكريمات مو اثناء استخدامك
4-حول العين قناع يوم بطاطس نية مفرومة ويوم خيار مفروم تحطينهم نص ساعة بدون حركة وكلام وتشطفينهم بماء بارد وفي الليل فيه شي يشبه القلم حول العيون من شركة غارنييه حطي منه ونامي والغي السهر تماما من قاموسك وبتستفيدين تقريبا كل المدة شهر ونص وتنبهرين بالنتيجة الايجابية واخيراً ماابي الا دعاءك وترى هالاشياء استفدت منها من اخوات في منتديات اخرى واضفت زيادات والحمد لله استفدت جدا منها وتراها تناسب اي بشرة لاتتخوفين اطلاقاً...
واسأل الله الفائدة للجميع بالتوفيق ...

__________________
((رب اجعلني مباركا حيثما كنت.))

مشكورة حبيبتي على الوصفات اللي عطيتينا اياها وان شاء الله راح اجربها وراح اقولك على النتائج

مشكورة على مرورك الغالي

نصيحه لووووووووووووجه الله

لاتحطين اي خلطه تعدم لك بشرتك

انا مثلك تعبت بشرتي فمت احط من النت ونعدمت اكثر لان مرا ت تكون البشره حساسه

روحي لدكتوره ازين لك

__________________
سبحان الله وبحمده