أبي نصيحتكم يالغالين
السلام عليكم ورحمة الله وبركاته

راح أدخل بالموضوع ع طول انا متملكه وزواجي بعد حوالي 10 شهور وأحب خطيبي وهو بعد يحبني وعلاقتنا سمنه

ع عسل والحمد لله لكن فيه شئ يزعجني فيه هو يبي بيهديلي لابتوب وأنا قلت له حبيبي لاتكلف ع نفسك انا عندي

جهاز قال لا أنا حاب أهديلك جهاز قلت اوك ع راحتك قال يبي يرسله مع اخته قلت اوك وقال بس لا أحد يدري إن أنا

اللي جايب لك الجهاز قلت ليش قال ما أبي أحد من شباب جماعتنا يمسك علي شئ >>> قهرني بهالكلمه (هو مايبي

أحد يمسك عليه شئ ويقعد يقول له انت اهديت لخطيبتك وانت وانت مع اني اشوف مافيها شئ بس تعرفون تفكير بعض

الشباب).

قلت طيب وش أقول لأهلي عن الجهاز قال قولي انتي شريته قلت طيب اذا قالوا ليش تشترين جهاز وانتي عندك قال

صرفيهم بالله مو شئ يقهر وحتى لما يكلمني يقول لا أحد يدري كأنا نسوي شئ حرام اووووف بس قلت له ان اهلي

يدرون وانا ما أخبي عن اهلي شئ ومستحيل اسوي شئ من وراهم تكفووون انصحوني وش اسوي معاه والله كل شئ

فيه زين وانا والله احبه بس هالعيب هذا قاهرني دلوني وش اسوي معاه بسالفة الجهاز هو للحين ماأرسله بس والله

مدري وش اسوي مع اهلي اكيد بيشكون بالموضوع خصوصا مافيه سبب مقنع اني اقول لهم اني شاريته وانا عندي

جهاز وأخاف اذا قلت لأهلي يزعل علي تكفووون ساعدوني0

أسفه ع الإطاله ومشكووووورين0

يمكن زوجك مثل أخوي ، يحب يكون انسان مستقل ، له خصوصيات ماحد يعرفها و لا يتدخل فيها

الصراحة ، زوجته صارت تعمل اللي يبغاه أخوي و أهلها حتى متضايقيين منها و من أخوي

الحل برأيي ، بما إنه هذا طبع عنده و ماحد خالي من العيوب

إنك تقولي له أول مرة طيب ابشر من عيوني

و شوي شوي تحاولي تناقشيه إنه تبيني له الموضوع عاادي و زي كذا

مرات هناك ناس يحبوا يعايروك على أقل شئ فيمكن هو خايف من كذا ؟ و إنه النااس تحرجه ؟ : (

الحمد لله على العافية

قولي له أنت الي تسويه جريمة ،، ما أبي أسكت فيها عنك

إذا وصلني الجهاز بأسوي مؤتمر صحفي و أصرح للعالم بتفاصيل الجريمة

و بعدين عندي سؤال :: ليش مب أخته الي بتنشر غسيله

خلاص خوذي الجهاز سوي مسابقه بالمنتدى هذا ...الي يفوز حلال عليه الجهاز ..... لاتتحسرين وتكبرين الموضوع

عادي صارحيه بالموضوع وقوليله انو هالشي في مرة يدايقك كأنو تسوي شي غلط
كوني صريحة معه من البداية

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

وعليكم السلام

اقتباس:

وقال بس لا أحد يدري إن أنا اللي جايب لك الجهاز قلت ليش قال ما أبي أحد من شباب جماعتنا يمسك علي شئ

خذي على قد تفكيره ، هو يفكر إذا دخل المجلس عند
الشباب أنهم يعلقون عليه ويتريقون ويكايدونه بالكلام
وينادون يا الرومانسي والعاشق وغيرها من التعليقات .....

لذلك شكله مشغله هالتفكير <<<<< ما له داعي هالتفكير !!!


لذلك اقبلي به وقولي له ترى الناس بيدرون حتى لو ما خبرتهم ....
ولا تنسي تثني على اختياراته وهداياه حتى يثق بنفسه
ولا يفكر وش بيقولون اللي حوله ...!!! ويصير همه إسعادك ورضاك



والله يتمم بينكم على خير




عزوبي بس رجل

__________________

يا حي يا قيوم برحمتك أستغيث أصلح لي شأني كله ولا تكلني إلى نفسي طرفة عين

والله ياقلبي قوليله ارضاء الناس غايه لاتدرك مافي داعي يسمع للناس يقولوا اللي ييقولوه بكيفهم ماني مسوي شئ غلط وش يعني خطيبي جايبلي للابتوب خير فهميه انه غلط الواحد يسمع للناس ويحسبلم الف حساااب اكبر غلط الذات في حياتكم00

مثل ما قال اخونا عزوبي


رح يتريقو عليه الشباب ويمكن اهلو ويقولو ليه ترسل هديه وغاليه وووو

خليك رجال


كلام الشباب يمكن يقلبو عليكي من تريقتهم لذلك مثل ما قال ما حد يخبر افضل


خليه يغدق عليكي بالهدايا وافرحي بهم

اذا خبرو يمكن يتريقو عليه وهو يصدق ويتوقف

__________________
http://live.gph.gov.sa/
اللهم اني استودعك اولادي

صراحة موضوع غريب

يعني وش فيها يوم أعطي خطيبتي هدية وغالية

أنا أشوف هـ الشيء يعلم الناس قد ايش انا متعلق فيها

وبكذا بيزيد احترامهم له
بعدين الشباب عندنا يعلقون ع أي شيء

لو ماعطيتها قالولك قريطي

واذا عطيتها قالولك أحلىىىى يا عاشق مين قدك ياهووو . . والا خلوو العاشق ولاتشغلونه اذا شافوك مفهي

والله عن نفسي

كلام الناس ما اهتم فيه

اسوي اللي اشوفه صح

والصح في نظري إنك تقوليله اذا تستحي مني وتخاف من كلام الناس لاتجيب

المفروض يهتم فيك أكثر من اهتمامه بكلام الناس

رأيي . . قولي له لاتتعب حالك ياعيوني
انا ماني بحاجته + إذا الناس مايرحمونك بكلامهم لاتجيبه عليك لأن أهلي مليون بالمية بيدرون
اصلا كيف يجيك لابتوب وتصرفين أهلك < مرة ماتجي

أو إنك تقولين أوكي أقبلها منك . . بس عندي أهم من الهدية إنك تهتم فيني وتنسى كلام الناس لأني أهتم فيك وأقدرك ومهما قالوا الناس عنك مابتقل في عيني وراح اسويلك اللي اقدر عليه وآخر اهتمامي حكي الناس عني وعنك

خطيبك مثلي بلضبط اني احب اسوي اي شي بدون ما احد يعرف ولاكن خطيبي مثلك يتضايق من هل شي
الصراحه اني احب كل شي يبقى بيني و بينه يعني افضل هل شي ارتاح اكثر اعتقد خطيبك يفكر مثلي و انتي تفكرين مثل خطيبي.
بس شغله الابتوب كوليها الاهلج حاولي تقنعي بطريقه بس لتزعلين خطيبك علمود غير شخص لانو انتي التخسرين