اولا انالي 6 شهور متزوجه هو كان يحب زوجته الاولى لكن هي ماتبغاه وهو ماعنده اطفال انا كامله والكامل وجهه الله لا جمال لا اخلاق حتى هو بنفسه يقول انتي ذهب مافيه شي ناقص بس ماقدرت احبك والاولى ماقدرت انساها احبها طبعا انا واجهته بخيانته وذكرت له مقاطع من كلامه وقلت له اسمها بجواله وهو حاط اسمها ازعاج اسف الشك ذبحني ماقدرت اتحمل خيانته طعني طنعه اشد من طعنات السكين مشكلته عيا يعترف انا يوم واجهته قلت له خلاص ماابيك طاب الخاطر منك اكرهك ودني لاهلي تخيلو حلف لي ايمان انه مايكلم وهو كاااااااااذب انا مشيتها له بس داخليا ماقدرت انسى
اما بالنسبهلعلاقته معها ماادري هي اعجاب او تسليه بس اقرب ماالها تسليه اما عن علاقات سابقه الصراحه مااقدر اظلم الرجال ماادري عنه تو جديده بحياته
المشكله انه يبخل علي بكل كلمه حلوه مااسمع منه اي كلمات غزليه اذا جيت من اي مناسبه اسمع المدح من كل جهه ورب البيت بدون مبالغه يشبهوني بممثلات اجنبيات واذا جيت يمه يجيني احباط مااسمع منه الا التطنز والاستهبال وش الحل قلت له انا صبرت سنين ماجربت الحرام ابي كل شي بالحلال ويوم جاء الحلال مالقيت شي تكفون وش اسوي

لا ماادري عن البنت بس اليوم دقيت عليها وتاكدت انها بنت بس ماادر يهي متزوجه والا لا اما زوجي فهو من النوع المكااابر مايعترف بالخطأ بس تكفووووووووووووووووووووون ادعو لي ان الله يبعدها عنه ويسخره لي

معليش وش مقعدك عنده
دام اعترف لك انه مايحبك
ومن كلامك خيانه ومقصر معك!!!!!

انقرت عليك حبيبتي
مافي حب
اجل وش الفائده
ولا بعد

معترف لك
!!!!
ليته سكت افضل ولا يجرحك!لو انا كان لميت حاجاتي ؤرحت بيت اهلي يكفي خيانه ومافي حب !!!!وش ابي !

هو يقول الحب مايجي بسرعه اولا الراحه ثمالموده ثم الحب ويقول انا اودك واعزك وافقدك ومااتوقع اني راح استغني عنك المشكله يوم قلت له خلاص ماابيك بروح بيت اهلي جن جنونه ورفض يوديني وحاول انه يبرر موقفه ساعات اقول يموت علي وساعات اقول يكرهني تخيلو اقوله تحبني يقول مااحب احد اقول والله انك تحبني يقول مادامك واثقه من كلامك ليه تساليني وش اسوي

ما هكذا تورد الابل أختي احنا نبي نحل المشكلة مو نناقش الصح والغلط ونثبت مبادئ ...وقلنا تكلمه تلميح ومو تصريح حتى ما تخسر زوجها مو تساهل أو تهاون بعظم غلطته .
وقرار انها تواجه زوجها يعتمد على الوضع ... يعتمد على طبيعة شخصية زوحها وعلى نوع العلاقة بينهم وعلى نوع العلاقة بين الزوج والبنت وعلى نوع شخصية البنت ... وبما اننا ما نعرف هذي المعلومات فالتلميح أسلم ولما نشوف نتيحة التلميح نقدر نقرر الخطوة اللي بعدها .

ربنا يلهمنا الرشد والصواب ..

أختي خففي النكد بينك وبينه اذا مو ناوية تخسريه واذا يئستي وماهو عاجبك زوجك روحي بيت أهلك وانهي الموضوع بينكم ... انتي أخبر مننا بزوجك وتقدري تحكمي اذا فيه شي يستاهل الصبر أو لا .

معاه حق ...احمدي ربك انه صادق معاكي وما يمثل عليكي الحب ...
اشوف انك مستعجله على علاقة رسمتيها بخيالك للعلاقة بينك وبين زوجك قبل الزواج ... والحب ما يجي بنظرة مثل الافلام ... وما دام انه يعزك ويودك ويفقدك لا تخربي على نفسك وتخسري هذي المشاعر بكثرة الحنه ...

الشكل الخارجي للبنت له تأثير بأول قترة والبنت الحلوة اذا كانت نكدة وكثيرة الشكاوي ما راح يشوف زوجها جمالها ... ما حد يحب يكون مجبور على اظهار الحب غصب حتى يتجنب النكد .

حبه لك جاي على الطريق اذا ما قفلتي انتي الطريق بزود النكد والتكشير والجو الحزين بالبيت طول الوقت ...
خل يشوف شخصيتك الحلوة الواثقة من نفسها ... وش ناقصك دام انك حلوة ؟؟؟ ليش تخليه يروح لمثل البنت اللي كلمها حتى يسمع منها المدح وكلمات الحب

جربي انك تقعدي على اسبوعين تظهري حبك له وتسمعيه عبارات الاعجاب بكل شي فيه يعجبك وما تسأليه عن حبه لك ... وشوفي النتيجة

المفروض حبه لك تحسيه وتشوفيه بتصرفاته مو كلام ينقال وبس .

ولو انه اللي بينه وبين هذي البنت شيء جاد كان ما أنكر ... انكاره معناه انه يبي يحافظ عليك لكن واضح انه في خلل بعلاقتكم وانتي اللي بيدك تصليح الخلل هذا.

حبيبتي اكيد يحبك بس شكل مشكلته مع زوجته الاولى ماثره عليه ومايقدر يثق بسرعه مع الوقت بتعرفين شدي حيلك معه وجريه لعندك الرجال سهل امتلاكه خليك ذربه ووريه الوجه الثاني طبعا وجه الحب لاتطفشينه بلمشاكل والتذمر من اولها لايعبيف الحياه وهي لسى مابدت

__________________