السلام عليكم ورحمة الله وبركاته
ابني الله يحفظه عمره سنتين و 4 شهور
الى الان لا يتكلم كلمات مفهومة الا قليلة جدا
والباقي كلمات غير مفهومة.... يعني طول النهار يتكلم كلمات غير مفهومة ويأشر بيديه
خصوصا عندما يمسك الهاتف ... انا اقول عندو لغة خاصة بيحاول يعلمنا اياها
واذا حاولت انو يكرر من ورائي الكلام... يكرر مرة او لا يكرر اصلا
هو عصبي كتير... يعني لو يلعب ليجو(مكعبات) وما زبطت معو... بيخرب كل اللي اشتغلو وبيعصب
مش عارفة شو اعمل
وهل لازم اراجع اخصائي.... دكتورو استشاري اطفال... وقلي انو طبيعي طالما بيسمع منيح
والله محتارة... وهل هذا طبيعي
يا ريت الاخصائية تجاوبني اذا سمحت... وكمان اي ست عندها خبرة بالموضوع تفيدني
مع خالص شكري وتقديري
و الله يا اختي الاطفال و خاصة الصبيان لما يكونوا اول طفل و يكونوا من النوع العصبي و المزاجي بتأخروا
لاحظتها بأكثر من طفل
ابني لما كان بعمر ابنك ما كان يقول ولا كلمة حتى صار عمره 3 سنين بقول 3 كلمات (ماما - بابا - لولو ) اسم اخته
و طبعاً شافوه اخصائيين و قالولي طالما سمعه جيد فمافي مشكلة المهم انه يختلط بالأطفال و الناس بشكل مستمر
و بعدها رحت لامضاء الاجازة عند أهلي و الحمد لله الله فرجها على لسانه بعد شهر من الاجزة بدأ يكرر كلمات ورانا
و بدأ يقلد ابن عمته (اللي عمره عامين ) ما شاء الله بتكلم افضل من ابني
إله للآن 3 أشهر بكرر كلمات بعدي و بدأت افهم احتياجاته و بالتالي خفت عصبيته
لأنه بدأ يقول (كاكا) تخيلي ما كان حتى يقول كاكا مشان آخده للحمام ! و بدأ يقول (مي) للماء و (آكل ) اذا كان جائع
إلا ما تفرج عليهم بس الموضوع بده صبر و بال طوييييييل
كانوا الناس يقولولي انتي السبب و لازم تعلميه و تكرري الكلام أمامه و انا تعبت و انا علمه
المسألة متعلقة بالوقت اكتر شي
لما هو يقرر يتكلم بتكلم ان شاء الله