السلام عليكم ورحمه الله
اولا 00بادخل بالموضوع على طووول انا متضاايقه مره من زوجي لي خمس سنوات متزوجه
هو طيب معايه وينفذ رغباتي لكن مو مثل زمان من بعد اول سنه زواج تغير
صار يتضايق كثير بالبيت
ويطلع كثير لوحده يسهر اويروح لاهله ماصار يحب الطلعات مثل اول كنا يوميا نطلع
وكل مكان نروحه وماكان يخليني اطبخ كثير
دايم نطلع نتغدى او نتعشى برى
الحين طوال الوقت طفشان ويعصب عليه كثييير لاسباب تافهه وكل مانطلع نتمشى او نروح للسوق او اي مكان لازم لازم نتزاعل بالسياره ويكرهني بالطلعه00
واخرها اليوم قبل مايروح الدوام قالي كلمتين الى الان في قلبي وماقدرت ارد بعدها الا بالبكاء مصدومه 00
مره كان يتابع برنامج لشيخ وجلس يتكلم عن اعراض العين 00ولما دخلت عليه الغرفه
قالي يوووه كل الاعراض عندي 00
انا شكيت من زمان في هذا الشي لكن ماحسسته انه تعبان
ولما خلاص معد تحملت نفسيته عليه وعلى بنتي قلت ليش ماتروح عند شيخ 00زعل ورفض ويقول انا بخير
مافيني شي -0000
راسه يابس ماادري كيف اقنعه احيانا يجيني كرهه غير طبيعي له
وبعدين ارجع اقول مسكين غصب عليه يزعلني 000




ارجوكم وش الحل معاه احس حياتي صارت تفكير فيه طوال يومي افكر ليش يسوي كذا
وش اللي غيره 00تعبت

أختي سؤال و اعتذر عنه
لأني رجل يمكن افهمه

مقصرة معاه انتي بشي ؟ بالأخص في اموركم الخاصة ؟

__________________

فهمت قصدك بس الحمدلله احنا صريحين مع بعض من هالناحيه مافيه مشكله

يمكن هو بيتوتي بس اول سنه كان يبي يرضيك ويدلعك
والا
يمكن من بعد ماجا البيبي تغير لما حس ان المسؤوليه زادت عليه
‏<‏متعقده وخايفه من هالموضوع

مااااينعرفلهم هالرجاااااال

ارقيه يااختي وتقربو لله بالعبادات

__________________
يارب عوضني عاجلا غير اجل واجعل ابني شفيعا لنا واحفظ زوجي لي وارزقنا من حيث لانحتسب

من ناحية تغيره في الخروج والمطاعم ...فهذا عادي يحصل مع مرور السنين بالزواج ...


كنت مثلك أطلع يوميا واذا ما طلعت يوم تضايقت بعدها تعودت يوم ورا يوم ...واذا مر 3 ايام ورى بعض ما طلعنا تضايقت ...وهكذا الى ان أصبحت ممكن اجلس الآن في البيت 3 أسابيع بدون خروج بدون مشكلة ....

وحتى المطاعم صرنا نكره الأكل من برى ونشتاق للطبخ ... طبعا هو طفش قبلي .... لكن الموضوع صار بالتدريج ...الى ان أصبحنا على نفس الموجة ..

أما بالنسبة لموضوع العين فالله اعلم ...ولكن عليك بالرقيه والنفث في ماء شربه .... صدقيني رقيتك له خير من رقية الشيخ له .... وهذا أمر مجرب


الله يفرج همك ،،

يااختي زوجك طبيعي لان الزوج مع مرور الايام وكثرت المسؤليات يتغير ولكن تغيره مايعني انه مايحبك بالعكس هويحبك ويحاول يرضيك قد مايقدر واذا كان فيه عين اقري عليه انتي افضل تلاقي ايات الرقيه من العين في النت والله يديم السعاده عليكم

__________________
اللهم فرج همي

المشكلة اختي الكريمة ان كثير من الزوجات ترسم صورة مبالغ فيها للحياة الزوجية

وبمجرد مايحدث تغيير بسيط في حياتها مع زوجها تظن أن زوجها تغير عليها او شيء من هذا القبيل

مايحدث بينك وبين زوجك حسب مافهمت من كلامك عادي ويحدث في كثير من البيوت

خذي الأمور بهدوء وحاولي التقرب لزوجك أكثر بالأشياء التي يحبها

وابتعدي قدر الأمكان عن النكد وكثرة الشكوى

وفقك الله وأصلح مابينك وبين زوجك