اقتباس:

المشاركة الأصلية كتبت بواسطة هيثم جابر لكن يا إخواني أحبها و لا أستطيع الإستغناء عنها و أتمنى أن ينصلح حالها فكيف السبيل إلى ذلك ؟؟؟؟

صراحتك تُحترم

بس هي دايما الاقوى منك واللي بتعمل خطط وتنفذها

وياريتها الاقوى بالخير والصالح للأطفال ،،

هي عاشت بجو ومتخيلة انه عادي ومش مشكلة عيالها يشوفوا كدا

يعني انت عشان تغير انسانه زي دي من وجهة نظري مستحيل الا اذا كنت انت الاقوى منها

لإن تربيتها وبيئتها مختلفة تماما ،، الغلط اللي بتشوفه انت غلط وشئ مرعب هي مش بتشوفه كدا بتشوفه عادي

وانا ملاحظة ان انت متسرع ورده فعلك عفوية وسريعة وهي خبيثة بتعرف تستغل ردة فعلك صح بالمحاكم والقضايا واللي فيه الصالح ليها

وحتى اعتقد ان قرار جوازك نفسه بيها كان متسرع جدااااااااااااا لإنك حتى ماسألتش عليها وعلى اهلها يادوب حبيتها وطلعت اتجوزتها فورا


اقتباسات للحاجات اللي حسيتها تسرع منك جدا::!!

اقتباس:

فكان ردها (مش مهم طلق) فأقفلت سماعة الهاتف و ذهبت فوراً للمحكمة الشرعية و قمت بطلاقها.

طلقت بسرعة البرق ،، انا في كل موضوعك مش شايفة اي خطوات انت عملتها لتأديبها من البداية

اقتباس:

طلبت مني أن أحضر لأستلم إبنتي الصغيرة للقيام بتربيتها فتم ذلك على الفور

كل ماتقولك حاجة تنفذه فورا .. يعني حتى انت مسألتش ولا عرفت ايه اللي ليك واللي عليك قانونيا

وواضح انها ماشية مع محامي او حد صايع بيخططلها

اقتباس:

حضرت هي و أمها إلى محل إقامتي لرؤية إبنتها و تم إقناعي بأنها تغيرت عن السابق و أن هدفها في الحياة أن تربي إبنتها في كنف والديها دون سواهم و أن ليس لديها مانع من العودة لي حتى و إن كنت متزوج من أخرى فتم عقد قراني عليها من جديد

انا هنا مش عارفة انت ازاي رجعتها يعني فين التغيير اللي هما قالوا عليه بان ازاي ،، فين الشواهد ؟؟

رجعتها فورا بدون ماتدي لنفسك فرصة تكتشف التغيير كان حقيقي ولا لأ

اقتباس:

و قد علمت فيما بعد أنها قصدت ذلك فأثارت غضبي حتى أني قمت بضربها بشدة مما حذى بها إبلاغ مركز الشرطة و تم توقيفي و عرضي للمحاكمة بتهمة الشروع في قتل

انا متغاظة منك جدا هنا

اولا انا مش فاهمة على اي اساس وثقت في زوجتك دي في انهاهتمنع الحمل ؟؟ ايه الشواهد على صدقها اصلا وازاي تسيب شئ مصيري زي ده لضميرها وهي اساسا مش بتتاخر في التخطيط والخباثة .. ليه انت ماتمنعش من ناحيتك اهو حتى زيادة حيطة وتقلل فرص حدوث الحمل

كمان ضربها وده دليل كبير على تسرعك الدائم ،، وواضح انه ضربك نتيجة رفضك الداخلي لضعفك ناحيتها ،، وياريتك بترجع تفكر ،،، الا انه انت بتضرب وتعمل حركات ابعد ماتكون عن الرجولة ،، وهي بتعرف تذلك وتمعن في اذلالك وتمشي شروطها عليك

اقتباس:

ووضعت المولدة الثانية و بعد سنتين رزقنا الله بتوأم و كان كل ذلك خلال الزيارات القصيرة التي أقوم بها لموطني

مراتك دي مش سهله كل ده وهي بتخطط وانت حتى مش بتمانع ،، يعني ماحولتش حتى تمنع الخلفة ،، كل ده وهي عارفة انها مش هتاخد فلوس الا منك وبالعيال وانت صيدها الثمين ،،

شوف يا ابني انت لازم تتغير كليا ولازم تراجع تصرفاتك واعصابك وقت احتدام المواقف

لإن تصرفك بيطلع بدون تفكير وبتصغر مخك عليها وهي اساسا لما بتصدق وتلجأ للقضاء

ومن دلوقتي توكل محامي صايع بكل امورك وتستشيره في كل شئ

ومراتك اللي بتضغط عليك دي اولا واخيرا دون الاولاد هي لاتساوي شئ ولا حتى تقدر تتجوز تاني

لإن الكل عارف اصلها وفصلها ومستحيل حد يناسبها ،، وانت مصدر المال الاحسن والانسب ليها ،، وعمرها ما هتسيبك ابدا ولا هتسيب العيال لإنهم مصدر المال الاكبر منك

هي دايما بتمسكك من ايدك الي بتوجعك

من هذا المنطلق انت المفروض تبتدي ،، وتمسك زمام الامور بقوة لإن نفس دول اللي هم مصدر قوتها هم مصدر ضعفها ،، ولازم تثبت بالشهورد انه عيالك كانو موجودين وقت وقوع القبض .. وتسأل هل ده ليه تأثير في الحضانه؟؟

كمان عاوزاك تعيد تفكير في الحياة الزوجية ومفهوم السُّكنى والموده

وازاي انك تأمن نفسك ومالك وعيالك مع زوجتك ،،

لإن هي مش هتعمل اي حاجة من دول رغم حبك ليها ،،

وعمر ما الحب يكون كافي لبناء بيت بدون ما الحاجات دي تتحط في نصابها الصحيح

وعمرك ماهتقدر تغير قناعات وحاجات اتزرعت جوة انسان بالسهولة دي

اللي رباها وطلع اخواتها مدمنين هم نفسهم الللي ربوها وزرعوا جواها حاجات كتير

لإنها مش شايفة ان هي ولا اهلها فيهم شئ غلط

يعني فرضا لو انا جيت وقولتلك ان اهلي ناس افاضل واتربيت تربية على الاصول والدين وكدا ،، وعاوزة اتجوز واحد اخواته رد سجون وكمان اجتماعيا واخلاقيا غيري ، وعلى طول الانسان ده بيبتزني معنويا وماديا وبيستغلني ،، هتقولي ايه ورغم انه مافيش حل الا اني اصرف نظر،، بس بقولك هل في حل اعدله رغم اني بحبه.. رأيك هيكون ايه؟؟

هترد تقولي ايه