خبراء دبي ساعدوني في أفضل الأسواق - منتدى عالم الأسرة والمجتمع

18-07-2010, 06:58 AM

مها الكويت

قلب المنتدى النابض

تاريخ التسجيل: Feb 2004

المشاركات: 3,437

خبراء دبي ساعدوني في أفضل الأسواق

السلام عليكم

انا مسافره قريب لدبي وحجزت الحمدلله 4 ايام

بروح انا وزوجي بس وبخلي عيالي بعد ما وعدتهم بالهدايا وهذي اول سفره لي وماعرف بالمحلات الي موجوده عندهم مو عندنا عشاني ماحب اتسوق وودي اقضي وقتي بسنما وقهاوي ومطاعم واماكن ترفيهيه لي ولزوجي واعيد ايام شهر العسل خاصه هذي اول سفره لي بدون الجهال

فيارريت تنصحوني بالمحلات الي اتشري منهم وخاصه ابي لعيالي سوق اسعاره زينه عشان اخذ كل الي احصله لهم واي شي تعرفونه ما يطوف بدبي قولولي خاصه روحتي بس 4 ايام

وابي اسم السفينه الي بخور دبي للعشاء اي وحده تنصحوني فيها لانهم كثار

__________________
ارجوكم دعواتكم لقريبتي بالشفاء العاجل بان يرجع لها بصرها ويشافيها من الجلطات الي اصابتها ويرحم ضعفها وترجع لها عافيتها ويرجعها لاطفالها وزوجها سالمه اللهم امين

لايرد القضاء الا الدعاء

19-07-2010, 01:01 PM

سلاسييل

عضو دائم

تاريخ التسجيل: Mar 2005

المشاركات: 58

وعليكم السلام ورحمة الله وبركاته
حياج الله أختي مها الكويت بين أهلج في دولة الإمارات العربية المتحدة

وبما أني من دبي فقلت لازم أدخل وأشارك في الموضوع.

بخصوص أماكن السياحة في دبي، فكون الجو حار فأحسن الأماكن هي المراكز التجارية المغلقة، وحاليا أغلب المراكز مسويه عروض تجارية لجميع أنواع السلع، فأنصحج تزورين مردف ستي سنتر، كونه مركز يديد، توه فاتح، وفيه جميع المحلات اللي تتبينها، وهو مركز ضخم جدا وجميل ورائع في تصميمه.

وأنصحج بعد تجربين مترو دبي/ قطار دبي، وممكن تستخدمين محطة الراشديه وتروحين فيها إلى مول الإمارات وفيها صالة للتزلج، وهو بعد مول جميل وكبير أو مول دبي وهو أكبر مول في الشرق الأوسط وفيه أكواريوم الأسماك (ما أدري إذا مفتوح أو مغلق للصيانة).

أما اسم السفينة عشان العشاء، فبصراحة أنا ما جربت أي منها، وممكن تختارين الأفضل منها من خلال شكل السفينة وفخامتها، وأنصحج بالبعد عنها لما فيها من الاختلاط بين الرجال والنساء.

والحمد لله جميع المراكز عندنا يرفع فيها الأذان للصلوات الخمس والحمد لله جميع المراكز فيها أماكن للصلاة، وما راح أقول لج كيف هي مصليات المراكز وراح أخليها لج عشان تحكمين على فخامتها ونظافتها.

وأما بخصوص السينا، فبصراحة ومن باب النصيحة أنا ما أشجع عليها لأنها تحتوي على موسيقى وأغاني غير المشاهد الفاضحة لبعض الأفلام المعروضه، فالبعد أفضل طال عمرج.

ولا تنسين بأن دعوة المسافر مستجابة فلا تنسين قريبتج من الدعاء، عسى الله أن يشفيها يا رب العالمين.

ولا تنسين دعاء دخول السوق فأجرها ألف ألف حسنة ، يعني مليون حسنة، ويكفر عنج ألف ألف خطيئة.

ولا تنسين بأن ما من ساعة تمر عليج ولم تذكرين الله فيه، إلا كانت عليج حسرة، فالله الله في المحافظة على ذكر الله في كل وقت وحين.

أسأل الله لج ولزوجج قضاء أمتع الأوقات وأحلاها في ربوع دبي ودمتم في رعاية الله وحفظه.

19-07-2010, 01:28 PM

الجوري_86

عضو جديد

تاريخ التسجيل: Dec 2009

المشاركات: 45

وعليكم السلام ورحمة الله وبركاته

٤ ايام حلوين ان شاء الله...

بما انج هناك مدة قصيره فانصحج تقعدين من الصبح عشان يمديج اتخلصين اللي تبغينه و تشترين كل اللي خاطرج فيه

بالنسبه للسوق... فدبي متروسه اسواق ما شاء الله...

عندج امارات مول.. ودبي مول... اكبر مركزين تسوق بدبي.. امارات مول جدا قريب من الافنيوز اللي عندكم بالكويت...

وعندج مركز وافي وبرجمان.. وفيستفال سيتي في محلات حلوه بعد..

هاذيل اهم مراكز التسوق

واما بالنسبه لعيالج.. اذا كنتي حاطه في بالج تشتريلهم العاب.. فعندج محل اسمه هامليز في دبي مول وهم عندج تويز ار اس في فيستفال سيتي...

وبالنسبه للسفينه اللي بالخور... في كثير وباسعار مختلفه طبعا... بس اللي اعرفه اغلب السياح الخليجيين ياخذون اللي تابعه لقرية البوم السياحية... لانه جوها عائلي على حسب ما سمعت...

اما بالنسبه للسنيمات والقهاوي.. في كل مول عندج سينما ومطاعم.. وشوفي الرابط هذا ذكرت انا فيه كمن مطعم حلو.. اما السينما فانا احب اروح جراند سينما اللي يم وافي مول...

http://www.66n.com/forums/showthread.php?t=210842

ان شاء الله تقضين وقت حلو وممتع في دبي... الله يعينج عالحر

واي استفسار ثاني ما يردج الا لسانج حبيبتي

20-07-2010, 06:31 AM

مها الكويت

قلب المنتدى النابض

تاريخ التسجيل: Feb 2004

المشاركات: 3,437

ماقصرتو وفيتو وكفيتي وجزاكم الله الف خير

انا سمعت ان في محل شنط ونعال مره روعه بس ماعرف اسمها

اي شي يخطر في بالكم قولو لاني جاهله كل الجهل عن دبي

20-07-2010, 12:24 PM

الجوري_86

عضو جديد

تاريخ التسجيل: Dec 2009

المشاركات: 45

محلات النعل والشنط يا كثرهم في دبي.. وان شاء الله اتحصلين اللي على ذوقج ويعجبج...

وانتي بعد اي سؤال يخطر في بالج ما يردج الا لسانج

وحياكم الله في دبي..

21-07-2010, 04:43 AM

مها الكويت

قلب المنتدى النابض

تاريخ التسجيل: Feb 2004

المشاركات: 3,437

ماقصرتي يالغلا

دايم من ارجع ديره وامدحولي شي معين فيها خاصه اسامي محلات اموت قهر

فعشان شذي طرحت موضوعي

التعديل الأخير تم بواسطة مها الكويت ; 21-07-2010 الساعة 04:45 AM

23-08-2010, 07:35 PM

مدام إيمان

عضو دائم

تاريخ التسجيل: Aug 2010

المشاركات: 54

سوق دبي مول روووووعه لاتفوتينه فيه عالم تحت الماء

اللووك ستريت هو شارع مثل الشانزليزيه في باريس كله مطاعم ومقاهي بس ماادري حلو بالحر او لا

سوق ابن بطوطه

سوق الامارات مول وااااااااااااي يجنن فيه مدينة الثلج روعه لاتفوتينها انتي وزوجك

امممممممممممممم وبس اذا تذكرت شي برجع لك

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه