الله يعنيك يا اختي، ما في حد في هاذي الدنيا مرتاح ،وكل مسلم لازم الله تعالى يبتليه،،، حتى انا مبتليه بس الله كريم،،،،،على الاقل انتي احسن من زوجات اخوان زوج،،،،،،،اذا اتخانقتي معاهم ونويت الحرب،،،،،ما رح تستفيد شي بالعكس رح يسون لكي مشاكل زيادة ويمكن فعلا يحرضون زوجك على الانفصال،،،،،،خلاص ابعدي عنهم انتي واضح انه نفسيتك تعبانه منهم،،،،،،،،خلاص ابتعدي فتره بسيطه عنهم لين ما تهدى نفسك،،،،بس لا تطولين لان هيله اهل زوج أكييييييييييييييييييد هذا الكلام ما رح يعجبك بس مهما كان،،،،،،بعدين ارجعي وخليكي رسمي معهاهم واذا اراد منك فلوس انغزيهم شوي بس بادب واحترام،،،،واذا قالوا كلام حقك غير وحق زوجك غير،،،،،بين انك اتعرفين انهم كذابين يعني مثلا قولي لا بس انا اعرف انه زوجي قالي كذا وكذا،،،عشان توقفينهم عند حدهم،،،،،،والله يفرج همك وهم جميع المسلمين.

من أول أسبوع و أنا عروسة زرتهم ، جات تجري تقولي تعالي ننزل السوق عشان تشتري شنطة
أنا فرحت على نياتي و قلت لها طيب و انبسطت ، بعدين فضحت اللي في قلبها بنفسها قالت مو تاريخ اليوم 23 هجري ؟
يعني نزلت الرواتب و فيه عرض في السوق تشتري شنطة و تجيك شنطة هدية ،
اشتريها و اعطيني التانية يالله راتبك نزل ؟؟؟؟

أنا سكتتت هنا و انقهرت ؟ أنا بنفسي ما كنت أعرف متى ينزل راتبي و لا أمي تعرف حتى
و هي من أول أسبوع ، لسى تاني يوم أزورهم ؟؟؟؟ تقولي كذا ؟؟؟؟

زوجي يوم تقدم ، سألته تقدمت علشان الوظيفة .. لإن تصرفات أمه خلتني أفهم؟
اقسم بالقران عشاني و مو عشان الراتب و إنه ماهمته وظيفتي و إنه يحبني عشاني وووو إلخ

قالت يالله البسي العباية قلت لها استأذن من زوجي أول شئ و قالت خلاص هو موافق يالله بسرعة
و راحت قالت لولدها لإنه كان جالس مع أخوانه و أنا ما أكشف عليهم ، قالتله حرمتك تبغى تنزل السوق قوم ودينا ؟؟؟
ما قالت أنا قلت لها

زوجي بالقصد قالها ماعندي فلوس ، قامت ردت عليه و قالت راتبها نزل اليوم و هي تبغى تنزل ،
زوجي رد و قالها أنا ما أخد فلوس من حرمة

يعني هي تبغى راتبي لنفسها و دايما تحرضه تقول له خذ فلوسها و ارسله لنا

كيف بالله أحب وحدة من أول يوم و هي طمعانة في راتبي و تعلم زوجي ما يصرف قرش علي ؟
و مو مرة أو 2 ؟؟؟؟ أحس كل ما جلست معها عينها على وظيفتي و راتبي ؟ كل ما كلمت زوجي تحرضه ؟

و تجي قدامي تقول زوجك مو رجال ما يصرف عليك و تشحن قلبي عليه .. و من ورايا تقوله خذ فلوسها و اعطينا هو إنت مو
رجال .. و في الأخير تنكشف لعبتها ؟؟؟؟ هذه أم تبغى مصلحة ولدها ؟


مع العلم
إني ما اقصر مادياا على زوجي و لا بيتي و زوجي معترف لي بالجميل هذا ، لكن متفقين ما نبين لأحد ..
أنا عناد ما أبين لها إني بأصرف على البيت بسبب حركاتها هذه و كلامها ،
و هو ما يبغى أحد يعرف إني أساعده مرات و شايلة الحمل معه و دايما يقولي لولا الله ثم إنت ما كنت و كنت
و ربي يقدرني عشان أعوضك ، مع إنه بداية حياتنا كانت راح تنخرب بسبب أمه و أبوه و أهله
كلهم حاطين عينهم على راتبي و وظيفتي ؟؟؟؟
كنت أحسب بس أمه ، بس بعد سنتين عرفت إنه أخواته كمان نفس الشئ ، و اخر شئ اكتشف إنه
أبوهم عارف و ساكت و عاجبه الوضع ..

يقولوله إنت مو رجال ليه ما تاخد راتب زوجتك و تعطينا هو و لا تصرف عليها و لا على ولدك
و عندي يقولوا زوجك مو رجال كيف يرضى ياخد فلوسك ، بس اصبري و احتسبي الأجر و ادعي ربنا ، ثم يوم
من الأيام عيوني دمعت و كنت حامل يوم شفت أمه متعاطفة معاي و كنت هبلة أحسب قلببها علي،،

و قامت تخاصم ولدها تقول له إنت مو رجال كيف تاخد فلوس حرمتك و ما تصرف عليها ؟؟؟؟ ولدها وقتها
فهم حركاتها كلها




عالعموم ..
لو إني ما حسيت بتغيره و محاولته لتحمل المسؤولية ، ما كنت صبرت أكثر من كذا دحين و تساعدت معه


يوم يتورط لا سمح الله و لا ينزنق بأي وقت ، أهله أول ناس يتخلوا عنه و صارت مواقف منهم كم مرة
يعرفوه في الرخاء وو في الشدة ما يعرفوه

كيف أحبهم ؟

هذا اللي بأعمله ،،
و معليه ، مستحيل يكونوا في مقام أمي و أبوي ، إذا هم ما خافوا علي مثل بنتهم

عاملتهم كأنهم أمي و أبوي لدرجة إنهم إلى الان لو سألتهم عني بيقولوا عمرها ما قصرت معنا ..

بس ليت تقرا موضوعي كويس

أختي الحائرة

هدئي أعصابك .. فأنتِ الآن في حالة عصبية وزعل ممايحدث .. لقد قرأت كل كلمة كتبتيها ولذلك طلبت منك أن تقنني وتقللي زياراتك وتواصلك معهم بحيث تكون هذه الزيارات القليلة والتواصل القليلة مفعم بالإحترام والتقدير ,,

حبيبتي ، صاحب الحق وو المظلوم ما يخاف من الحق و أنا واجهتهم بأدب و احترام بعد سنوات من الأدب
و الذوق و كل شوي أقول طنشي .. و تكلمت معهم و تصارحت و لدرجة إنهم سكتوا في الأخير و ماحد قدر
يتكلم بكلمة و تكلمت مع أخوااته و رديت عليهم كلهم و صاروا مو عارفين يتكلموا لإنهم يرموا أي عيب
في ولدهم علي أنا و أنا أتكلم بصراحة و أتناقش بمنطق و عقل

لكن تعودوا حريم أولادهم يخافوا و يبكوا ..

حتى زوجة أخوهم قالتلي المؤمن القوي أفضل من الضعيف و أحسن اللي عملتيه يستاهلوا
أنا ما أكلمها علشان اللي فيا كافيني و ما أحب إنها تشحنني عليهم بزيادة فأتجنب اجلس لوحدي معها
بس مادري هي كيف جابت رقم جوالي بعد الموقف هذاك و قالت لي بس الجملة هذه و قفلت


أنا ما أبغى أعمل حرب معهم ، أنا مقاطعتهم نهائي دحين .. و هم يتمنوا إني اتصل عليهم و أسأل

قلت لكم كل ما حرمة أخوهم قالت أو عملت شئ ، دقوا عليها و قالولها ترى ياويلك بندق على أخونا
و نخليه يضربك و لا يطلقك ، فتخاف منهم و تسكت و تخدمهم

مثلا هم يجلسوا كلهم في بيتهم يشربوا شاي و يضحكوا و حرمة ولدهم في المطبخ تطبخ و تغسل القدور
و تعمل لهم حلى و حامل في الشهر التاسع و هي عندها بيتها و أطفااااااال كثيرين ماشاء الله
بس زوجها يجيبها عشان تخدم أخواته و أمه و أهله
تخدمهم تخاف منهم ، و بعد ما تنظف إذا زوجها جاء و لقي كاسة وحدة فيها ( ريحة ) ..
يكسر راسها و يخليها تغسل القدور كلها من جديد ؟؟؟؟؟؟؟؟؟؟؟؟ أي ذل بعد كذا ؟؟؟؟


كانوا يهددوني بالطلاق بطرق ملتوية ،، قمت هددتهم بالطلاق اخر مرة علشان لا يحسبوني ذليلة
أو أخاف من الطلاق و لا يحسبوا حالهم ما سكيني من اليد اللي توجعني ؟؟؟؟
و صاروا يقنعوني إني استهدي بالله و إنه ما يصير ووو إلخ


حبيبتي ، أنا ألقي مؤتمرات و مصاحبة ناس مراكز في الدولة و هذا من فضل ربي ..
و تعاملي مع أهل زوجي بطيبة و احترام لإني ما أحب اتكبر على أي شخص ،.
بس هم حسبوها ( هبالة و ضعف ) .. يوم أرد عليهم و اكون قوية يحبوني و يحترموني ؟؟؟؟


يوم كنت زمان على نياتي و أتعامل بتواضع من باب من تواضع لله رفعه
حسبوني مثل حريم أخوانهم أخاف منهم ؟؟؟؟
لكن من يوم ما رديت عليهم و أخذت موقف ، صاروا كويسين معاي ،، بس أرجع ألين معهم
و أتعامل معهم مثل بنتهم ، يرجعوا يحسبوني هبلة و غبية و يعملوا لنا مشاكل من جديد ؟؟؟؟


زوجي الصراحة يقولي أخيرا سمعتي كلامي و صدقتيني ؟
أمي تقولي تستاهلي اللي يجيك منهم ، دام زوجك مرتاح معاك و ما يطلب منك تواصليهم
ليه تجيبي على نفسك وجع الراس ؟ احمدي ربك إنه زوجك ما يغصبك تزوريهم

( على فكرة ، زوجي ما يبغاني أتقرب منهم ، لإنهم يبغوني أصير زي الجاسوسة على زوجي
و يبغوني أنقل لهم كل شئ عن ولدهم ، بعدين يروحوا عنده و يكذبوا عليه يقولوله زوجتك قالت عنك كذا
و تصير مشاكل بيني و بينه و هم يتفرجوا علينا و ينبسطوا )


كنت أقول حرام يمكن زوجي ظالمهم و هو الغلطان ، فيه أحد ما يحب أهله ؟
زوجي على نياته و يتودد لهم و يتمنى يلقى حنان منهم ، لكن كل ما راح لهم سمعوه كلام زي السم
من قبل لا يتزوج و هذه كذا حياته معهم ، علشان كذا تزوجته و كان مكسور و ما يعرف يرد على أحد
بس يبكي إذا أحد غلط عليه و علمته كيف يقول ( لا ) ، كيف يدافع عن نفسه

حتى إنه مبسوط من نفسه دحين و صاير أجرأ من زمان
يعني أنا ما أستغليت طيبة زوجي و ضعفه و فرضت سيطرتي عليه مثل بعض الحريم

ومن ثم أنتِ متأكدة أنه ليس هناك أي خطأ منكِ ,, وأنتِ الملاك التي لاتخطيء أبداً؟

راجعي نفسك وهناك بالتأكيد أسباب مشتركة ولو كانت منهم بشكل أكبر ,,

وفي نهاية الأمر أبقي بعيداً عنهم وهو أفضل لزوجكِ ولكِ بكل تأكيد ,,

أخوي خاطب محتار

الموضوع من سنوات و أنا مطنشة ، يعني مافي أي شئ بيني و بينهم علشان أكون معصبة منهم
مجرد إني خليت علاقتي معهم بحدود و بطلب و تأييد من زوجي و من الكل ،،

أنا متضايقة من مشاعري السلبية تجااههم ، ما أحب أكون كذا ، دخلت رمضان و قلبي صافي الحمد لله
من كل شئ ، بس ما أبغى أسمع عن أي أحد منهم ، مع العلم إذا صار لهم سوء لا سمح الله بأحزن
بداخلي و أطلب من زوجي يوقف معهم ، علشان كذا هم ملاحظين إنه تحسن و صاير يسأل عنهم


و أنا كذا أتعامل بحدود معهم و زوجي يبغاني كذا أكون معهم ، و هو اللي كان زمان يبعدني عنهم بس
كنت أحاول أتقرب منهم أول ما تزوجت ،، لحد ما ندمت و تبت ، مو مرة أو 2 ؟؟؟؟ مرات كثيرة

هم ينقهروا مو عاجبهم كذا أتعامل معهم ، يبغوا يسمعوا إنه هناك مشكلة مع زوجي عشان يرضوا عني ،
يبغوا يبحثوا عن عيب فيا بأي طريقة و مو قادرين لإني ما أحكيلهم عن مشاكلنا

أختي عايشة في منطقة تانية و هناك أقارب زوجي ، تقولي أهل زوجك يتكلموا من وراك و وصلني من
زوجي قالوا كذا و كذا أخواته عنك .. قلت لها عادي :
و اللي بيتكلم يتكلم براحته ،، و اللي يتكلم ردي عليه و قولي أهم شئ زوجها مبسوط منها و خلاص


أخوي خاطب ، عندي القدرة إني أرد على أي شخص يتكلم عني علشان كذا قلت ما أخاف غير من ربنا
بس يوم ما أسمع الكلام بأذني وقتها راح أرد


على فكرة نحن في دولة ثانية نقلنا لكن بنرجع بعد كم سنة

أنا ما قلت إني ملاك و ما أخطئ ،. لكن هناك ناس تحاسب نفسها أول بأول ، و هناك ناس تستعبد
الاخرين .. تبغى تعرف الإنسان اللي أمامك ، شوف تعامله مع الاخرين و مع الضعفاء خاصة ..
( أنتم شهداء الله في الأرض )

هذولا ناس ما يتعاشروا و الدليل إنه ماحد يحبهم ، ياخي أعطوني المهر و أمهم سرقت منها 500 ريال
و أمي أعطت لزوجي هدية 3000 من مهري مساعدة و ماحد ساعده في زواجه

شوف الفرق بين أمي و أمه ، علشان تعرف التربية اللي كل وحدة تربي فيه طفلها

جاني ليلة الزواج زوجي مطرطع من أهله ، و قال أبوي طوول عمره يحب ينكد في أي وقت نفرح فيه ؟؟؟
معروفين عند كل الناس إنهم ( بخلاء و ظالمين ) مو أنا اللي قلت عنهم كذا

كل ما رحت لأهل زوجي اشتريت هدية لأمه و أبوه حتى صاروا يقولولي ليه كل ماجيتي تجيبي لنا هدية ؟؟؟
كنت أحاول أتودد لهم و كان زوجي يخاصمني إذا شافني اشتريت شئ لأهله و يقول مو لازم ،
لكن اكتشفت إنه بالفعل هناك ناس ما تتعاشر ،


أنا بأتعامل بأخلاقي و تربيتي و أهل زوجي يوم تقدموا لنا ، موو أمه اللي اختارتني لإنها كانت تبغى تزوجه
ببلاش ،، زوجي سمع من أصحابه الكل يمدح في تربية أمي لنا و طلعنا نعرفهم من بعيد مرة يوم كلم أمه
لإن زوجي يصلي في نفس مسجد اللي يصلوا فيه جيران أهلي


و علشان لا تقول إني ملاك ياخوي و بريئة
أخواته سألوا عني عند صحباتي و كلهم مدحوا و الحمد لله قبل لا أتزوج
زميلات أخواته يوم سمعوا إنه أخوهم - زوجي - بيتقدم لي ، قالوا و الله إنها تستاهل واحد أحسن من اخوكم
سألوا أزواج أخواتي و حريم أخواني عني و ما سمعوا إلا كل خير و الحمد لله
راحوا لمكان وظيفتي و كنت توي تخرجت و تعينت و كلهم مدحوا و الحمد لله

و أنا هذا كله مادري عنه ، و عرفت بعدين إنه أبوهم هو اللي أرسلهم يسألوا مضبوط عني

اخواته يقولولي مادري كيف متحملة أخونا و من ورايا يقولوا لأخوهم ، احمد ربك إنه زوجتك صابرة عليك

يعني أنا ماني ملاك ، بس متربية أحسن تربية و هذه مستحيل أحد يشكك فيها
و كم وحدة من زميلاتي يوم كنت أدرس بكالوريوس كانوا ماشيين طريق غلط و كنت أنصحهم و أسحبهم
و صاروا دحين داعيات ماشاء الله ، مو لازم أكتب سيرتي الذاتية


بس أنا لو ماني متربية ، ماكنت جيت و كتبت موضوع هنا إني متضايقة من نفسي لإني عمري ما كرهت
انسان ، و لو بأتكلم عنهم قدام الناس كنت أرتحت و فضفضت و خلاص

الله اعلم

لاتعليق