ارجوكم ساعدوني مابي ارجع للبيت أهلي واعيش تجربت طلاق ابي زوجي وبي اطفل انا مريت في حياة صعبة انا الحين عمري واصل 32 سنة وماعندي اطفل كلة علشان ابوي كل واحد يجي يرفضة ... تقدم لي واحد كان يحبني وكان شخصة ممتاز كان فية دين وخلاق بس رفض علشان خارج القبيلة وبعدين زوجني واحد خريج سجون وبعد مازوجني وحبيتة وصار بينا مشاكل بينة ويبن خوي وصرت انا الضحية قال روحي لبيت اهلك وبعدين وابوي يقول لاعاد ترجعي طيب ليش كذا
وربي يوم تزوجتة كنت مضحية لامي لان صار بين امي وابوي مشاكل علشان الشخص الاول علي العلم كان زوجي ولد اخت امي... صرت انا ضحية بين زوجي وبوي وامي ... ماذا افعل هل ارجع لزوجي وتحمل كل شي يجي منة او ابقي يبت اهلي مطلاق ... ابي احد يعطيني حل ارجوكم لاتبخلون علي...

لحظه إنتي شو دخلج ليش تروحين بيت أهلج من الأساس زوجج ويا ولد خالته يعني حسبة أخوه ومتزاعلين إنتي شو لج تهدين بيت ريلج؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ممكن توضيح أكثر

أصبري لين الله يرزقك بولد يشيل ضعفتك

حاولي تحملين .. اذا ابوة رجل صالح ويتحمل المسؤولية

__________________

الله يفرج همك وكربتك وادعي لبل مع نهار انه الله يرد لك زوجك ردا جميلا انا حاسه فيك انا بامر واعاني بس معاناتي يمكن اشد واكبر لكن ما اقول الا الحمد الله على كل شي والله يفرج همك ويرد لك زوجك ردا جميلا ويرد ليه زوجي يارب انصرني على من ظلمني ولا حول ولا قوة الا بالله

يابنات هو كلمني وتاسف مني ويقول الا تامرين علية وانا عطيتة شروط قوية مرررررررررة وقال انا حاضر بالي تبين بس يقول انا كيف اقابل عمي انا مالي وجة علشان المشكلة الي صارت وانتي مالك دخل في السالفة انا ماقدار حط عيني في عين عمي ماذا افعل يقول اخلي اخواني يجونكم وخذون بخاطر عمي وانتي ارجعي معي اخواني وانا رفضت تماما وقلت لا لزام تجي انت علشان اوبوي يرضى وش تنصحوني يابنات ارجوكم لاتبخلون علي

أختي ألا يوجد أحد من العائله قد يساعدك في حل الخلاف ..

كلمي أهلك .. إن كنتي تريدين الاستمرا مع هالشخص ,, لحل الخلاف بشكل ودي ..

الله وياك,, اختي عسى إن شااء الله همك ينفرج ,,

جميل جداً .. الرجل أبدى أسفه ورضخ لشروطكِ .. ويبحث عن

حل لمواجهة والدكِ ..

لماذا لايحضر مع إخوانه أو أن يأتي هو ووالده لمواجهة والدكِ ..

ولا أعتقد أن الكبار (والدكِ ووالده) يعجزون عن المواجهه ولا أيضاً

عن التقدير .. فيما بينهم .

أختي الكريمه : اطلبي من زوجكِ يفعل ماسبق وإن لم يحضر والده يحضر

معه أخوه الأكبر ..

فليقدم عاجلاً ولا يؤخر ذلك ..

أسأل الله أن يجمع شملكم على خير ومحبة .

__________________
كيف اقاوم الهم والألم. بالسجود راحة واطمئنان.

نهاية نوال..!

يااختي دام انك تبغي زوجك ودامه اعتذر قولي تعال ولاتستحي من ابوي صدقني ابوي انسان متفاهم وقلبه طيب مايبغى الاسعادتي والله يسهل وترجعي لزوجك يارب وتعيشي معاه بسعاده ويرزقك ربي الذريه الصالحه يارب