السلام عليكم
مساء الخير

عندي مشكلة واريد حل يمكن استفيد من خبراتكم ..

انا متزوج لي سنه وشهر

زوجتي تحب الدراسة شييي عجيب غير اجتماعية مطلقاً

حملت قبل بداية الدراسة ومن الحمل ماجلست عندي يومين على بعض

مع اني نصف الاسبوع ما كون موجود بسبب دوامي

عدت ايام وهي عند اهلها توصل لشهر احيانا ماتجي لبيتها وتتعذر بالمرض وانها مريضة وهي تداوم وتروح وتجي

وغير مهتمه بي مطلقا

حياتها نوم ودوام ومرض وبس

المهم حضر الشيطان مره وطلقتها وماخليت ولا بقيت من كلام التجريح احس ان كل اللى بقلبي طلعته

المهم بعد اسبوعين رجعتها وهي ترجع


والحين ولدت ورحت لها كم مره ولا احس انها طايقة تشوف وجهي

وتقول ما ارجع له

علما بانها بنت بين اولاد ومدلعه مررررررررررررررررررررره اكثر من الازم

ولا تسمع كلام ام ولا اخ ولا احد اللى براسها تسوية

وهم مايجبرونها على شي نهائي اللى تبيه تسوية

والحين ابي منكم الحل واي استفسار انا جاهز ..


شكرا لكم

الحمد على سلامة زوجتك و مبروك المولود الجديد ...

زوجتك الان في فترة نفاس و تعبانه و هم المسؤوليه مقلقها كثير ..

هذا بالاضافه الي تغير الهرمونات التي احتمال كبير تسبب لها بعض الاكتئاب ..

زور زوجتك و حسسها بالامان و لا تجيب لها سيرة انها لازم ترجع البيت بسرعه ..

اثناء زيارتك لها بين لها مدى حبك لها وانك سعيد جدا بتكوين الاسره ..

خلها لحد ما تكمل الاربعين في بيت اهلها ..

خذ امها على جنب و تكلم معها انها تنصح ابنتها بان بيتها و زوجها هو حياتها و استقرارها و خلها تنصح بنتها انها تهتم

فيك و انكم لا بد من فتح صفحه جديده ..

و طمنا عن اخبارك ..

بالتوفيق ان شاء الله ..

مشكوره اختي أميرات على سرعة تجاوبك

أختي يوم ماكانت بالمستشفي اقدر اجيها لانها ماتتحكم بشي

بس بالبيت جيتها مره وحده

والحين ارسل لها رسايل واقول ابي اجي اتطمن عليك تقول تبي الولد اطلعه لك ؟؟

والحين صارت حتي الرسايل ماترد عليها

والمكالمات ماترد عليها نهائيا من اول


وشاكر لك

هنا الصراحة هي تستاهل اللي جاها منك ..
إنت تزوجت علشان تجلس زوجتك عند أهلها و لا عندك ؟؟؟؟؟؟

و طاعة الزوج مقدمة على الدراسة .. و مين يعف الرجال إذا زوجته مو مهتمة فيه و تاركته ..؟؟؟؟


دام إنها ما تسمع كلام أمها و لا أخوانها و لا أحد .. و اللي في راسها تعمله ..
و إنت عملت اللي عليك ، دقيت ، اتصلت ، ارسلت رسايل ..

خلاص اتركها أسبوع ، أسبوعين .. شهر .. لحد ماهي بنفسها تتصل ..

مشكور اخوي روح الطير على مشاركتك

قد تركتها مرة 20 يوم ولا دقت ولا ارسلت ولا شي

ومرة تركتها فوق الشهر يمكن شهر ونص ونفس الطريقة رجعت اربع ايام وراحت لاهلها بعذر المرض

(( ملاحظة )) بيتنا وبيتهم المسافة بينهم مشوار دقيقة واحدة يعني مافي حتي 10 امتار

ومع هذا من حملت وبدات الدراسة وهي عند اهلها مع قرب بيتها ماتروح له

والمشكلة الحين ماهي متقبلة شي مني
مع اني اعتذرت لها عن الطلاق وعن الكلام الجارح اللى قلته لها

زوجتك دلوعه كتير ولازم تاخد علي راسها شوي حتي تحس انها زوجه وتدرك الفرق بين ما كانت

بنت وبين الوضع الحالي زوجه و بيت واولاد

وانت بالفعل اخدت موقف وطلقت ورجعت ولا حصل اي تغيير

من رائي انك تصبر عليها للاربعين و تقولها كلام حلو و تشجعها انها ترجع البيت

وبعدين ترجع لبيتها وزوجها وتبدا معها صفحه جديده واذا رفضت الرجوع تتحمل نتيجه اعمالها وخليها واهلها ساعتها

ينفعوها بالدلع وقولها ( براحتك وانا راح اشوفي حياتي وخليكي هنا)

وما تروح بيت اهلها الازياره وترجع انت ليه تخليها عندهم بالشهر عيب عليها ولو الموضوع متعلق انها ما تنام لحالها بالبيت

وانت مسافر ممكن تروح لهم وانت مسافر وتنام عند اهلها ولما انت ترجع الوضع الطبيعي انها تكون بانتظارك ببيتها وبيتك مو

نايمه عند اهلها

كون حازم معها ووضح لها الخطوط العريضه

__________________
زي القمر زي

الف مبروك المولود الجديد جعله الله من مواليد السعاده .. وأقر الله به عيني والديه ..

ربما كما ذكر من قبلي أن زوجتك بنت صغيره أو بالأصح فيها دلع ..

ماذا لو تركتها دون اتصال أو طلب حضورها للبيت أو بأي شكل من الأشكال ..

فقط أتمنى أن تحضر لبيت أهلها لترى ابنك واصبر على هذا الأمر ولو لمدة ثلاثة أشهر ..

وكان الله معك .. ربما سيسأل إخوانها عن السبب عندها أخبرهم بأن أختهم ترفض

ذلك ..

لكن المهم حاول التحلي بالصبر شهر .. شهرين .. ثلاثة .. صحيح صعبه .. لكن

سترى النتائج بإذن الله ..

لكن بشرط أن لاتقطع زيارتك لابنك .. مع إحضار هدايا له .. وإياك إن حضرت أن تسأل عنها

إطلاقاً .

ولو أشعت بعد مدة شهر بأنك ستتزوج ربما يكون ذلك أفضل .

لعل ما سبق سيكون له ردة فعل لها بأن تطلب منك أو تتصل عليك أو تحاول الاتصال بك..

حينها تطلب منها العودة بشروط تضعها أنت كما تريد لا هي ..!!

أسأل الله أن يعينك ويوفقك ويجمع شملك بزوجتك وابنك .

__________________
كيف اقاوم الهم والألم. بالسجود راحة واطمئنان.

نهاية نوال..!

ليه انت ماجذبتها فيك شكلها متعلقه باهلها واجد يمكن حاسه ان اهلها يدلعونها اكثر منك واحسها تحب الغموض دايم اللي لاهي فدراسه غامض وربي يجمع شملكم ويوفقكم عاجل غير اجل
سؤال /انت تحبها؟

المهم حضر الشيطان مره وطلقتها وماخليت ولا بقيت من كلام التجريح احس ان كل اللى بقلبي طلعته

هناك كلام جارح يسبب جروحا تلتئم بسرعة، وهناك كلام يخلف جروحا تحتاج فترة طويلة كي تتعافى.

اعطنا امثلة عن هذا الكلام الجارح كي نستطيع تقييم مدى تأثرها بكلامك..

لك مطلق الحرية في الاجابة او عدمها.

__________________
تستطيع أن تعرف ما وراء الجبال، ولكن لا تستطيع أن تعرف ما وراء الرجال..

اخ فواز...اذا انت تحبها لازم تتحمل علشان تكسبها..

اللي مبين لي انها مو متعلقه فيك..لو كانت متعلقه فيك كان اتصلت عليك ومستحيل تصبر عنك ....

اجذبها..والهدؤ والين هو الطريق الصواب..

وتوكم متزوجين والبنت متعلقه بأهلها بشكل اكثر واكبر...

وجهة نظري اذا حبتك راح تنتهي مشكلتك..

ومبرووووك المولود الله يسعدك..