القولـون وبعض النصآيح - منتدى عالم الأسرة والمجتمع

05-07-2010, 03:29 AM

محرقي_88

عضو جديد

تاريخ التسجيل: Mar 2010

المشاركات: 26

القولـون وبعض النصآيح

السلآم عليكم ورحمة الله وبركآته ..

شلوونكم اخواني .. عساكم بخير ؟

سلمكم الله عندي آلوآلد الله يطولي بعمره عنده القولـون من فترة طويلة ولله الحمد ..

بس هالأيآم وآيد وآيد زآيد عليه ومع إنه حبيبي مايتكلم ، لكن مبين على ويهه التعب ..

و والله انه معور قلبي للأني مو قآدر آسوي شي .. رآح حق جمن دكتور فالسعودية " للأنه عنده عمل هناك " ..

وهم جرب كذا دكتور فالبحرين .. ويعطونه وصفات ولكن ولله الحمد ماجوف فيه تغير ..

فحبيت آسأل إذا حد عنده فكرة عن دكتور شاطر للقولون عشان آقول للوالد عنه ..

وشغله ثانية حبيت آسوي له جدول للأكل .. شتنصحوني بوجبات مفيده له وماتزيد عليه ؟

بحثت فالنت ولقيت فيه تناقض بالكلام، ناس تقول الخضره والمشويات مفيدين، وناس تقول لاء !

فحبيت آخذ رآيكم ..

وأي نصيحة قولوها تكفون، حتى لو تتوقعون إنها بتفيدني بشي بسيط ..

ملآحظة: ضغط العمل وآيد يشده وأحيانا يخليه يعصب وهاي مو زين له .. لكن ماقدر آسوي شي =(

.. يزاكم الله كل خير ..

محرقي

التعديل الأخير تم بواسطة Crestalla ; 07-07-2010 الساعة 05:44 PM

05-07-2010, 09:46 AM

منادي

كبار شخصيات المنتدى

تاريخ التسجيل: Sep 2007

المشاركات: 6,830

وعليكم السلام ورحمة الله وبركاته

إليك هذا الرابط

http://www.66n.com/forums/showthread.php?t=192615&highlight=%C7%E1%DE%E6%E1% E6%E4

__________________

اللهم ارحم خالتي رحمةً واسعة

اللهم اجعل قبرها روضة من رياض الجنة

اللهم ارحم عمتي رحمةً واسعة

اللهم اجعل قبرها روضة من رياض الجنة

05-07-2010, 06:08 PM

محرقي_88

عضو جديد

تاريخ التسجيل: Mar 2010

المشاركات: 26

جآري قرآءة الموضوع وإذا في شي بآخبرج ..

الله يرحم خالتج وعمتج، ويسكنهم جنات النعيم =) ..

05-07-2010, 09:51 PM

محرقي_88

عضو جديد

تاريخ التسجيل: Mar 2010

المشاركات: 26

يصير آرفع موضوع قديم ؟

للأنه صار له جريب السنة موضوع الدكتور المتفائلة !

بس حبيت آسألها عن بعض الأكلآت للقولون اذا كان عندها فكرة ..

يزاكم الله كل خير ~

05-07-2010, 10:22 PM

المتفائلة..

طبيبة عامة

تاريخ التسجيل: Mar 2006

المشاركات: 1,483

وعليكم السلام ورحمة الله وبركاته

مراقبنا الفاضل الاخ منادي بارك الله فيه وجزاه كل خير

وضع لك رابط موضوع عن القولون العصبي

وفيه تقريبا اغلب الاطعمة المفروض تجنبها لمرضى القولون العصبي (irritable bowel syndrome)

اذا كان والدك يعاني من هذا المرض

فكل ماعليه معرفة التعامل الصحيح مع المرض لانه مرض مزمن وليس له علاج جذري لكن اذا تعامل معه صح
فباذن الله ماراح يأثر عليه وراح يلاحظ الاعراض نادرا تظهر عليه

اهم مايلزمه

الابتعاد عن الاكل الدسم والمقليات والوجبات السريعة

وكذلك الاكل الحار والبقوليات والفلافل والقهوة(تثير القولون بشكل كبييييييير خاصة الثقيلة مثل القهوة التركية , الكباتشينو والنسكافيه ..الخ ) والمشروبات الغازية

وبعض الاشخاص الدقيق الابيض الاكثار منه يثير القولون

كذلك البعض يثير القولون عندهم بعض الخضار الغير مطهية مثل الخيار وايضا الحليب

ومن المهم جدااا عدم الاكثار من الاكل في الوجبة الواحدة

يعني يخلي وجباته خفيفة من حيث الكمية وممكن يقسمها الى 6 وجبات في اليوم كمية كل وجبة قليلة(نصف المعتاد ) وليس 3 وجبات ثقيلة

وعدم النوم مباشرة بعد الاكل مهم جدا ويعد النوم بعد الاكل مباشرة من اكثر الاسباب في اثارة القولون >> لذلك يحاول عدم الاكل قبل النوم بـ 3 ساعات

واالابتعاد عن القلق والتوتر >> ايضا عامل مهم جدا

لابد من الاكثار من شرب الماء و الاكل المحتوي على الالياف

كذلك الرياضة مفيدة في تنظيم حركة القولون

وفيه مشروبات مفيده مثل النعناع والزنجبيل والبابونج >> معروفة طبيا بانها تخفف اعراض القولون العصبي وتهديه بشكل كبير فليجعلها من مشروباته الدائمة

حبوب Buscopan تصرف لمرضى القولون لتسكين مغص البطن وتخفيف التقلصات
وهي فقط علاج لهذا الغرض وليس علاج جذري للقولون
وممكن تؤخذ من اي صيدلية عند اللزوم

اسأل الله له الشفاء والعافية

التعديل الأخير تم بواسطة المتفائلة.. ; 05-07-2010 الساعة 11:47 PM

06-07-2010, 05:14 PM

محرقي_88

عضو جديد

تاريخ التسجيل: Mar 2010

المشاركات: 26

يزآج الله كل خير دكتورتنا الغالية ~

ويزاه الله كل خير مراقبنا منادي، وإسمحلي طآل عمرك عبالي إنته بنت :$ ..

دكتوره بخصوص الرياضية الوالد كل يوم لازم يمشي لمدة ساعه لي ساعه ونص تقريبا ..

والأكل الدسم خلال هالفترة مخفف منه وايد وكل أكلاته أغلبها تكون خفيفه ومافيها دسم وايد ..

التدخين ولله الحمد قاطعه من أكثر من 10 سنوات .. والقهوة بجميع أنواعها مايشربها إلا فالمناسبات بس ..

وإن شاء الله با حاول آضبط له جمن شي وآخبر الوالده تسوي له ..

بخصوص التوتر والقلق ، مابيدي شي آقدر آسويه .. أبوي بسم الله عليه وايد يشد روحه من ناحية العمل ! والله يعينه ..

باجر الظهر بيسون له منظار للأنه هالفترة بفضل الله ولله الحمد وايد عنده آلآلام ، فقاله الدكتور بنسوي منظار عشان نجوف الخلل لا سمح الله ..

ماقصرتي ياختي وبيض الله ويهج ..

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه