السلام عليكم ورحمة الله وبركاته ....
انا حبيت اكتب وافضفض لكم انا حاليا عندي مشكلة مع زوجي بسيطة وبعض الشي انحلت وجالسة حاليا بيت اهلي وراجعه اليوم إن اشاء الله لبيتي
وامس اتصلت على ام زوجي وانا عارفة انها دارية اني عند اهلي لان زوجي حياتنا صفحة بيضه عند اهله كل شي يعرفونه عنا
والمهم دقت قلت ماابغى احد يدخل ونحل مشاكلنا بروحنا
لما كلمت (بكتبلكم نص كلمها)
السلام عليكم..
وعليكم..
اخباركم..
تمام..
وش في صوتك
قلت مافيه شي (وانا صوتي مافيه شي بس هي كذا لسمعت عندي مشكلة تدق وتسال وشفي صوتك وكنت قبل اعلمها السالفة كلها والحين قلت مالهم دخل)
وقمت سالت عن اخت زوجي شخبارها ما خلصتوا جهزها قالت يعنى لسع قالت انا كلمتك علشان اخبرك انا حددنا زواج فلان قلت اعلمك علشان ماتزعلين قلت ليش ازعل هذا شي يخصكم وانتم احرار تعلموني اولا(وانا زوجي علمني بس ماوضحت اني داريه
وهي دارية لان زوجي يتكلمون في موضوع الحفلة وانا عنده وتسمع صوتي عنده)
قالت الله يعين عندي زاج فلانه ولادت فلانه وزاج فلان قلت ماشاء الله فلانه حامل قالت ايه وبعد شهر ولدتها قلت ماشاء الله تحملون وتولدون ماتعلمون (وعلى فكرة اخت زوجي كنت داريه انها حامل من احدى قريباتي وسويت نفسي ماني دارية قلت ماعلومني ماله داعي اتكلم )وقالت فلانه مادرت انها حامل لانها تنزل عليها الدورةوهي حامل(لها الدرجة الناس وصلت انها تكذب) قالت انتي ماتسالنا وحنا مانقول الا الي يسال قلت انا سالت فلانه في حملها السابق وقالت لا ماني حامل وهي وقتها حامل فقلت ليش احرج نفسي واحرجها
وقلت حنا مو من طبعنا لاحملنا نغبي لين نولد وحتى لما حملوا خواتي جت وبشرتكم وانتم ماسالتوني
وانا اعرفها زين لان الناس كلهم دارين بحمل بنتها وماقالوا لي وانا لي فترة مازرتهم بس بتلفون والحين بنتها بتولد قالت اكلمها واعلمها انا احس انها لها فترة تكلم وتبني اجيب سالفة علشان تقولي وانا اكون مشغولة وتسكر
واحس كلمتها لما تقول انابعلمك بزواج فلان علشان ماتزعلين تقولين ماقالو لي يوم انهم خايفين على زعلي كان ماغبوا على حمل بنتهم صح ولا
انا افكر لاولدت اخت زوجي بروح لها في المستشفى فقط ولاراح ازورها ببيتها وصير رسمية معهم افضل
انا ماازورهم كثير وهم مايتصلون يقولون تعالى زورينا اليوم ترانا مجتمعين واحس لما ازورهم يكونون متضايقين واضطر اقول لزوجي خالنا نرجع لبيتنا وهويزعل يقول اجلسي والحين لي عنهم شهرين واكثر
وانتم وش رايكم كيف اتعامل معهم بس ابغى بصراحة

تعاملي معهم بالحسنى

أعطيهم اللي لهم ولا تسألين عن اللي لك غير احترام وجودك فقط


نصيحة حبيبتي

اشتري عقلك وراحة بالك ولا تسألين عن خصوصياتهم حتى لو سألوك
ولا تهتمي بأخبارهم

الرسمية مع اهل الزوج حلوة عشان لا تخسري احترامهم ولا تخسري زوجك

وبالنسبة لاخت زوجك
زوريها بالمستشفى وزوريها بالبيت ولا عليك من أحد ولا تبينين لهم عتابك نصيحة

اعطي ولا تاخذي وتأكدي ان ربي بيعطيك الكثير
اهل الزوج عشرتهم سنين وإذا ماتعلمتي طريقة التطنيش وادفع بالتي هي احسن بتتعبي معهم ويخرب بيتك

موفقة يارب

تم نقل الموضوع إلى قسم المتزوجين..

السلام عليكم ...



أختي طلبتي رأينا وبقولك بصراحة ...


كلكم غلطانين ....

1- ليس من الضروري تعرفين أو يعرفون عن حمل بعض ... فإن لم تكونوا في بيت اهلك من النوع اللي يخبي ...ففيه ناس متعودة للولادة انها تخبي .... فلا تقيسين على نفسك والمفروض نحترم عادات بعض ..

2- لست ملزومة تقولين لهم أي شي وليسوا ملزومين يقولون لك ..

3- لا تسألي عن اخبارهم أن قالوا لك باركي ولا بسلامتهم الله يستر عليهم ...

4- خلي زياراتك بشكل لا متواصل ولا منقطع حتى لا تكبر الجفوة والمشاكل بينكم ... وتصير النفوس مليانة على بعض .

5- حددي لك يوم كل أسبوعين مثلا لزيارتهم ..اجلسي ساعة ونص وسولفي في أي شي الا أخبارهم وخططهم وإذا سألوك عنك أو اهلك صرفي الموضوع اذا ما تبين تقولين ...شي راجع لك وراحتك وتقبلك النفسي ..

6- لا تنقلي لأهلك أخبارهم حتى لا يصلهم على لسانك ويقولون فلانة قالت ..

7- تعاملي بالمعروف بالحدود الدنيا اذا أردتي ...

8- زوري حماتك في المستشفى وفي البيت ... لأن صدقيني أي شي تسوينه غلط شينه عليك مهوب عليهم ما ضرتيهم بشي .. بالعكس يلاقون عليك ممسك ...( امشي صح يحتار عدوك فيك )

9- تعوذي من الشيطان كلما وسوس لك برد الصاع صاعين ... الدنيا فانية ياأختي ولا تسوى نقضيها في مشاحنات وشغل بالك بهذه الأمور تكبرك وانتي صغيرة ... التفتي الى زوجك وعيالك وانبسطي ولا تخلين مثل هذي الأشياء تنكد عليك حياتك أنتي أولى بحياتك منهم ...



دمتي في حفظ الرحمن ،،،

[gdwl]أشكركم على مروركم وصراحتكم وانتظر المزيد من الاراء[/gdwl]

تدري المثل اش يقول خليك بعيد حبك يزيد شوفي اخت زوجي ماجاتني لما ولدت رغم اني زرتها في ولادتها وكنت جايبه هديه غاليه لها رغم كدا ماجاتني وماهمتني ولافكرت في هدا الشي واكلمها عادي وانا ماادخل فيهم ولايهمني مين ولد ومين حامل اهم شي يااختي زوجك وهم طنيشيهم والله اريحلك

معليش أختي..اللي كتبتيه من توافه الأمور..

أتمنى أن تشغلي نفسك بأمور مهمة عشان ماتتوقفي عند هذه الأمور السطحية..

إنت طلبتي الصراحة فسامحيني ولا تزعلي مني على صراحتي.

سبحان الله يسببون مشاكل من لاشئ لانفسهم

ياختي هاذي امور تافه ما تحصلي منها غير وجع الراس عيشى حياتك وخلي الخلق للخالق اهتمي في نفسك وزوجك

وعيالك وحاولي قدر المستطاع ان لا تجعلي شئ يكدر صفوة حياتكم الزوجيه واهله كوني معهم اجتماعيه بحترام وتجنبي

عوار الراس ولا تحرقين اعصابك في اشياء تافه هذا ما قالي وهذا ما علمني طنش تعش وتعشين مرتاحه

اما حالتك والله اشوف بعض الحريم مثلها محرقات اعصابهن بشئ ماهن مسؤلات عنه مثل هذيك حامل ما علمتني

وهذيك بنتها خطبت ما قالت لي وهذيك راحت لسوق ولا ورتني مقاضيها وهذيك سيرت عل افلانه مما جابت طاري مسياره

ويلله تاكل ابروحها ليش الخلق ما ردو لها خبر

__________________