السلام عليكم


مبروك للعرسان والعروسات



أنا تزوجت (فترة الملكة) والحمد لله


وزوجتي إنسانة ملتزمة وذوقها حلو ولبسها راقي

وهي الآن جالسة تجهز للزواج


بس دائما تعاني إن أكثر الملابس الموجودة في السوق غير محتشمة

إما بنطلونات أو ملابس قصيرة أو كم قصير أو فيها مخالفات شرعية


هل تعرفون سوق أو محلات تبيع ملابس نسائية راقية ومحتشمة في مدينة الرياض




تسوون فينا خير إذا دليتونا



شكرا لكم

__________________

وعليكم السلام ومبروك مقدما :14:اتوقع في مركز غرناطة راح تلقى

وبالنسبة للملابس غبر المحتشمة بالامكان انها تعدل فيها وتضيف لها لمسات حلوة من بعض الاقمشة

او تفصل لها على حسب ما تبي هذا الي عندي والاعضاء فيهم البركة راح يفيدونك اكثر

مبروك مقدما والله يتمم لكم على خير
لو تعرف شارع الوزير بالرياض طبعا هناك في مجمع حتلاقي فيه اطقم محتشمة وجلابيات اتمنى انها تلاقي مرادها هناك
واتمنى اني افدتك

رويال مول تلقى فيه محتشم

ولعثيم مول بعد

ولو تتعامل مع خياط او خياطه اريح لها بكثثثثثثثثير تاخذ الموديل وتفصله عند خياط هذي اسهل حركه ويكون على ذوقها

__________________
وعند الله لاتموت الامنيات

ألف مبروك ..

مثل ماقالوا غرناطة فيه حاجات حلوة وساترة برضو العثيم مول ..
وإذا ماحصلت تعدل فيها عند الخياط ...
والله يثبتها ويستر عليها يارب

__________________
ي رب رضاك و الجنة

بارك الله لكما وبارك عليكما وجمع بينكما في خير

تربت يداك وهنيئاَ لك هذه الزوجة الصالحة

فالدنيا متاع وخير متاعها المرأة الصالحة

بالنسبة للملابس ممكن تشتريها وتسترها هي بنفسها

يعني اللي بدون كم تلبس فوقه جاكيت صغير ونعوم

والبنطلونات تلبس فوقها بلوزة طويلة للركبة والبلايز الطويلة الحين طالعه موضة