السلام عليكم


كيفكم يا أخوان وأخوات


أنا لي كم سنة وأنا منقطع لأسباب كثيرة لكن ادخل بصمت كل ماوجدت فرصة




أنا حاليا متورط في حاجة ومحتاااااج فزعتكم



السالفة ومافيها إن المدام طال عمرها تبي تغير المفرش حق السرير وتبيه يناسب مع الستارة وهي حاليا مشغولة وماتقدر تروح تختار وكلفتني بالمهمة


وأنا سبحان الله كل شيء ذوقي فيه زين وأعرف اختار بتوفيق الله لكن في المفارش دايم انصدم لما أشوفه على السرير يطلع بايخ



المطلوب منكم يالغالين


الستارة عنابية على ذهبي أو أصفر غامق<< تقريبا


والغرفة نفسها عسلية



وانا رحت وشريت من محل عادي مفرش ساتان وطلع مو ذاك الزود لكن بنبسة 60%

وطبعا ماصار أصلي صار يصبغ في الملابس

وشريت ثاني من ايكيا الخامة حلوة بس اللون ماصار يناسب ابدااااااااااااااااااااااااااااااااااااااا




وإذا تبون انزل صورة الستارة ماعندي مانع




اللي محتاجة منكم الاتي




1- وش الالوان والاشكال المناسبة

2- وين احصلها فيه

3- والقيمة تقريبا










ولكم وافر الدعاء

__________________
كل ابن أنثى وإن طالت سلامته يوماً على آلةٍ حدباء محمول

عليكم السلام والرحمه،،

اتوقع العنابي بيركب مع لون الغرفه،،
اذا كنت من سكان الرياض عندك محل نمارق بطريق الملك عبد الله على مااظن واذا على القيمه تختلف الاسعار حسب المفرش اللي بتاخذه اذا امريكي وهو الافضل السعر يمكن 900 الى الف وفوق واذا صيني بيكون ارخص بكثير ،،
المحل رحنا له من 3 سنوات تقريباً كان عنده قطع حلوه بس الحين ماادري عنهم ،،

موفق أخي .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

ياليت تنزل لنا صورة الستاره علشان نعرف اللون المناسب

بالنسبه للمفرش السرير الستان ابعد عنه غير عملي ابدا وغير مريح

وزي ما قالت متفائله اذا من سكان الرياض فيه محل نمارق والجار الله وسوق طيبه في كذا محل

الله ييسر لك

لون المفرش

عنابي .....وبدون جداااااااااااااااااااااااااااال......ولا تاخذ ستااااااااااااااااااااااااااااااااااااااااان!!!!
او قماش لامع
او متكلف فيه

والعنابي

يتناسب مع الستاره..

السلام عليكم ...



خذ عنابي من مركز صحاري فيه محل هناك معروف قريب من بوابة 10


التشكيلة عندهم رائعة وفخمة ...



بالنسبة لي فصلت مفرش بالقماش الذي أريد من عند محل أثاث معروف جدا على طريق العليا العام ....وصار من أروع ما يكون .... لدرجة اني استكثرته على نفسي ....



بالتوفيق،،،

اذا كنت من سكان الرياض عندك سوق اوشيقر فوق فيه محل اظن اسمه الشلهوب اذكر مره شفت بالمتحف مفرش بـــ 9000 عنده بـــــــ 4000 وعنده مفارش حلوه وكل الصناعات

متفائلهـ

الاوزون

همس 2009

رسيل


ياخذني الوله




مشكووووووووورين وماقصرتوا

والله يوفقكم ويستر عليكم دنيا وآخره

__________________
كل ابن أنثى وإن طالت سلامته يوماً على آلةٍ حدباء محمول

فيه محل بصحارى تقريبا بوابه 6
اسمه Bed&Bath
مفارشهم روووووووعه الخامه والالوان

__________________

الا ليت البكى بيرد غالي
لسيل وادي ماسال سيله

الجارالله حلوووو...وفخم...واللون زي ماقالوا لك الاخوات عنابي...او احمر...اسعاره معقوله فيه بخمس ميه وزياده...

__________________

اصلا يسبب الحراره الساتان ومش مريح ابدا

وايكيا ماتناسب


خذ من محل متخصص في المفارش زي باهبري ( في الشرقيه .. خطير .. وعلى حسب اختيارك بس عموما غالي لكن يستااااااااهل لك وللعمر )

__________________
[/IMG]