[SIZE="5"]السلام عليكم ورحمة الله وبركاته

اخواتي بنتي عمرها ثلاث اشهر وترضع بس صناعي لانها رفضت الطبيعي تماما

ووزنها خمسه كيلو

حليبها سيميلاك مشكلتي ترضع كل ثلاث ساعات 60 مل وهو ع العلبه المفروض 120 كل اربع ساعات

بس ماترضع الابطلعه الروح

وكمان غير اذا بيغشاها النوم انتهز الفرصه واخدعها تكون اللهايه بفمها فاسحبها واحط الرضعه وترضع

وهذي حالتي معاها

وغيره هي تنام 2 ليلا الين 7 او 8 الصبح وتستغرق نوم عميق لو انفجار ماتصحى

واكيد ترفض الرضاعه تخيلوا اسوي الرضعه وارجع بعد محاولات فاشله اكبها

ايش تنصحوني ترى ام بكريه ومحتاااااااااااسه وياها

طيب حبيبتي

فعلا 60 مل قليل طالمه انه المفروض تاخذ 120 مل كل 4 ساعات

بس لا تنسي شهية طفل عن طفل بتختلف وبرايي ما تجبريها على الحليب اخاف تستفرغه او تشرق فيه لا سمح الله

وكمان حليب سيميلاك جدا دسم فيمكن عشان كذا بتكون شبعانه


انا برايي استمري على وضعك هذا الين موعد تطعيمة ال 4 شهور وخلي الدكتور يقيس وزنها اذا وزنها في تزايد وصحتها طيبه خلاص مافي مشكله واذا والله ما زاد وزنها او نقص وقتها تناقشي مع الدكتور

انا اعرف اختين عيالهم قد بعض
واحد ما شاء الله عليه يشرب اكثر من الكميه المفروضه وامه مهتمه بيه انه يخلص الرضعه بس سبحان الله نحيف وصحته مو بزياده

اما اختها ولدها مهمل لدرجة انه تحط مخدات وتركز الولد عليه وتحط الرضاعه بفمه ونص الحليب يطلع بره وينام على نفسه وهو ما كمل الرضعه وما شاء الله تبارك الرحمن صحته حللللللللوه وما يشتكي من شي ..


هذا شيء الشي الثاني اللي حبيت انبهك عليه

البنت لما تكون نايمه اصحك تصحيها انتهزيها فرصه وخذيها عاده انه ما ترضع حليب بالليل وهي نايمه من 2 الى 7
لانه النوم المتواصل ممتاز جدا لعمرها ينمي الذكاء ويخليها تكبر بسرعه وكمان مستقبلا ما رح تعاني من قصة رضعات الليل وتسوس الاسنان..(هذي مجربه مني)
كمان اصحك ترضعيها وهي غافله عشان لا تشرق لا سمح الله ويدخل الحليب في الرئه تروح البنت ..

وحاولي وانتي ترضعيها ترفعي جسمها وراسها يعني ما تكون مسدوحه ولا تنسي تخليها تتكرع بعد كل رضعه ..


ان شاء الله اكون افدتك..

__________________

مشكوره اختي ماقصرتي بس جد تعبت وياها

يعني عادي وقت النوم ليلا ماترضع

عادي جدا وعلى فكره ما تحصل الا للاطفال اللي ما يحبو يزعجو امهاتهم

استغليها ولا تعوديها رضعة الليل والله حترتاح هي وانتي معاها (واصلا من 2-7 ) كلها خمس ساعات يعني ما فات عليها الا رضعه وحده ممكن تعوضيها بشكل او باخر خلال النهار

__________________