السلام عليكم ورحمة الله

أخواني سكان مدينة الإسكندرية


عندي سؤال مممم هما بصراحة سؤالين

أول سؤال

كنت عايزه أسأل عن منطقه في اسكندرية بس مش عارف الوصف بالضبط بس الي انا فكراه من الوصف انو جمب محطة القطر ... سؤالي هوا التالي

هل المنطقة الي حولين او جمب محطة القطر منطقة سكنية كويسة يعني مستواها كويس مممم قريبة من

البحر ولا بعيده ؟

وتاني سؤال

انا بعرف ان القاهره فيها مدن سكنية جديده ومشاريع كتيره . فاكنت عايزه أسال لو في اسكندريه فيه

نفس النظام وأسماؤهم لو ممكن


ياريت حد يجاوبني ... وشكرا مقدماً

اولا حياكى الله اختى سؤالك الاول سهل وبسيط جدا انتى بتقولى قريبه للقطر لو كنت فى اسكندريه نفسها يعنى من اول ابوقير لحد محطه مصر حيكون طبعا المكان ده مستواه كويس وكويس جدا كمان سواء كان قبلى القطر او بحرى القطر بمسافات لانها مهما بعدت مش حتبعد عن البحر 3دقايق مشى مش ركوب كمان تمام والسؤال التانى فى فعلا فى اسكندريه لكن يعتبر باطرافاسكندريه منطقه سكنيهاسمها النخيل اكتوبر ودى فيها مشاريع كتير ومساكن جديده ورغم انها على البحر مباشره ولكن اسعارها مش غاليه كمان العجمى فيها اماكن سكنيه كتيره ومش غاليه برضه وربنا يوفقك يارب ولما تنزلى اسكندريه ليك عندنا عزومه يا ستى وتنورينا واى سؤال انا معاكى بس ياترى ايه نوعيه المشاريع اللى بتسالى عنها؟؟؟؟؟؟؟؟؟منتظره ردك حبيبتى

ألف ألف ألف شكر

على الرد


( جبرتي بخاطري ربنا يجبر بخاطرك ههههههههه )

مممم بس جوابك حيرني شويه قصدي جوابك على السـؤال

الأول لأنو انا سألت وحده صحبتي قالتلي محطة اسكندرية بعيده اوي عن البحر ومنطقة مش ولا بد

أنا خايفه اكون وصفتلها المكان غلط


بس

عموماً السـؤال التاني هو الأهم .... أنا بسأل عن

المشاريع السكنية عشان بشكل عام بيبقى فيها تسهيلات بالدفع وأنا بدور على شقه في مكان

اهم حاجه يبقى مستواه كويس وتاني

حاجه ميبقاش بعيد كتير على البحر والطلب الأصعب بقه انو يبقى في تسهيلات في الدفع والمقدم مش

كبير .... و... و.... و .. أنا حاسه أني حنضرب

لأ بجد هي دي بس طلباتي


وألف شكر مره تانيه على الرد