آمين حبيبتي

حبيباتي الحين صار 3 ايام وهو يطرش في اخته علشان يبي يردني واليوم كلمني وقعد يترجاني ويصيح علشان اسامحه ويقول احبج وغيره من الكلام لدرجه انه بكى وقلت انا خلاص مقدر اوثق فيك وانا عطيتك فرصه قال لو حتى نسيتيني انا مار اح انساكي

وقلت له تعال اخذ ولدك يبي يشوفك وبكى والله ما تصدقون ولدي شنو قالي البارحه يقول ماما انتي تروحين الشغل وتجين بطنج يعورج تعبانه واتين البيت وبابا كله يهاوشج ويصيحج لا تروحين هناك البيت شوفوا ولدي حس بأني اتعب وابوه لا

ولحد الان يترجى فيني
ورحنا المحكمه اول امس بس كانوا مضيعين الاوراق اليوم ردينا رحنا وقالوا عن الحضانه بعد الحكم في الطلاق

وازيدكم من الشعر بيت يقول تبين السياره قلت اكيد ابيها وقال شلون عن المقدم الي دفعته قلت انا ما عندي فلوس وقال عيل راح تاخذينها بالقانون قلت شي اكيد واذا انت بتعطيني اياها من نفسك يكون زين بعد

حيباتي اليوم بعد اتصل ويترجاني ويصيح والله انا عورني قلبي وقال والله انا مستعد اني احط يدي على القرآن جدام القاضي واحلف له بأني ما راح اضرج بشي ولا امد يدي ولا اقول لج كلام يجرح وجدام اهلي باقولهم انا غلطان بحقج وباقول انا ندمان على الي قلت عنج واسحب كلامي وجدامهم بعد باقول اذا قلت شي في شرفج مره ثانيه يعني انا تكلمت في خواتي

ومستعد اسوي الي تبينه بس والي يسلمج عطيني فرصه وانا احبج وااايد وابي اعيش معاج وما ابي احد غيرج وتم يقول ما تدرين انا شاسوي قلت له شنو سكت مب عارف يتكلم ويقول وهو يبكي بحسره انا اشتقت لج اضم ثيابج بس ابي اشم ريحتج

بنات مادري شنو اسوي هل اعطيه فرصه ولا لا واذا راح اعطيه فرصه ابي تكون فيها شروط ومادري شنو ابي شروطي تكون
والله ما حس بأي شي مادري احس اني كرهته وهم احبه في نفس الوقت لكن كراهيتي له اكثر من حبي
وقلت اذا المحكمه احكمت بأني محرمه عليك بالثلاث الطلقات قال لا تقولين جذي انا مقدر بدونج وقلت له اذا شنو راح تسوي وتدري انه لازم يكون بينا محلل علشان اذا تبي تردني وقال صج قلت له اي وقال اني ترضينها قلت لا انا ما ارضاها وقال عيل اذا انكتب عند الله ان عشره العمر معاج راح تكون بس خمس سنوات ما نقدر نغيرها وانا راح اشوف مستقبلي يمكن ربي كاتب لي شي فيه الصلاح وقلت له وانا بعد وقال يعني بتتزوجين ؟ واذا بتزوجين الولد راح يكون عندي وانا قلت له من قال ابي اتزوج انا راح اعيش حق ولدي وبس وسألني بأنه يبي ياخذ ولده اليوم قلت له راح نطلع الحديقه وقال بكره وقلت بكره بعد وقال عيل يوم السبت وقلت مادري يوم السبت شلون يصير خير يوم السبت وقال راح يكون عندج يومين وانا ابي اشوفه ترى مب زين عليج تسوين هلون وترى هلون ارح ادعي عليج لانج تبين تحرميني منه وقلت له لحظه على شنو تدعي علي ويقول لانج ما بتخليني اشوفه يوم السبت وانا قلت له انا قلت جذي وقلت له لو ابي احرمك من ولد جان امس ما خليتك اتيي وتاخذه وترجعه الساعه 11 بالليل

وبنات انا متردده مب عارفه شاسوي

بليز شيرو علي
لا اله الا الله وحده لا شريك له

لا ترجعين


لا ترجعين


لا ترجعين


بالثلاث




خليه فتره واللي زيه اصلا مايصلح ترجعين له

مستععععععجله


بأرجع بعدين بس لاترجعين

__________________
[/IMG]

يووووووووووووه لالالالالالالا لاتخربين الي سـويتيه انتي موقفك قوووووي

تحملي بليز ودوسي شوي على قلبـك وبينيله انك خلاص ماتبينه وانه ماتقدرين تعيشين بالأهانه والضرب

واذا قالك احلف ومادري وشوو


قولي خلاص السالفه طلعت من يدي وراحت للمحكمه الي يقولوونه انا راضيـه فيه

لعـوزيه ... خليه يتووووووووووووووووووب

ولا ترجعين له بالساهل كذا .. والله ماراح يحس بالتعب وبيعرف ان اقصى شي تسوينه تزعلين كم يوم

وكم مسلسل يسويه عليك بيخليك تحنين !

يعني من يوم قال اشم ملابسك صدقتيه ؟!

خليه يـوووولي ~

انتي قوي قلبك شووي واحنا اكيد نبيك ترجعين لبيتك وزوجك .. وولدك

بس ترجعين معززه ومكرمـه ..

واذا على الشروط ..

شوفي ردي رقم ( 4 ) . بالصفحه الأولى ~

__________________
{ احبــــ ـــكم بلا استثنـاء ~

اختي dant!L
بخصوص الشروط

بشــــــــــرـروط ::

اول شرط / يسدد جميع ديـونه .. ويصفي كل الي عليه ~
صعبه يسدددها لانه وااااااايد عليه يبيله سنين يعني شنو اقعد عند امي لين يسدد؟ثانـي شي / تشرطين الوظيفه لأنه الي زي زوجك ماينضمن له ابـدا وظيفتك بهالزمن هي سلاحك بالذات مع زوج مايخاف الله ~
هاذي راح اخليه يوقع على ورقه انه ما يطلب مني اني استقيل والي ابي احط من الراتب على كيفي مب كله
ثالث شي / بيت مستقل لك لوحدك ~
حبيبتي احنا مقدمين طلب ويبيله بعد تقريبا سنتين على حسب اخر الاخبار بخصوص البيوت الاسكانيه واذا شرطت عليه ذي الشي راح وزاره الاسكان يخيرونه اذا يبي شقه ولا ينطر بيت وانا مابي شقه مقدر اسوي فيها اي شي مثل البيت ومنها والسنه القادمه راح يمشون له علاوه بدل سكن 100 دينار على الاقل نحاول نطلع في شقه ايجار لكن اول ندفع الديون البسيطه قبل لانطلع حبيبتي انا مضطره احط راتبي معاه لانه راتبه ما يبقى منه شي لنا وراح انا الي اتحكم وراح اول ماستلم الراتب راح احط لي فلوس عند امي ولا في حسابي
مع التعهد الخطي بعدم الضرب ابـدا بأي شي باليد او بغيرهـ ~
شي اكيد راح اسويه
رابع شي وهو الأهـم / تعرضون حالتكم على مختص بالأستشارات الأسريه .. وتعيـدون بناء هذي الأسره ..
القاضي حبيبتي عطانه رقم شيخ وقال روح حلوا مشكلتكم هناك عنده وحتى زوجي امس يسألني شرايج نروح ابي رايج


اختي والله ما حس بأني مشاعر اتجاه من حب وغيره و اختي تصدقين خلاص مصمم انه يحجز تذكرتين حق العمره لي وله على طيران الخليج وتصديق كان هناك ايام يقول اهوا متسلف فلوس من عند امه وهو مب متسلف كان يجمع لي علشان يشتري لي ذهب واخر مره كان ما عندنا فلوس وراح جاب من عند امه 100 دينار ويقول هذاي من القرض ولكن كان هو الي مجمعهم حق يشتري الذهب

وانا اتذكر كان يقول عندي لج مفاجأه بس مب الحين يبيلها شويته صبر علشان اعطيج

ومنها عن شبكتي انه يكتبها بأسمي وعن السياره ماله حق انه يطلب بأني اقلبها بأسمه ولا اي شي حتى لو سددنا اقساطها كامله

اختي dant!L

انا مب رايحه من الحين واولا يوم الثلاثاء عندنا موعد في تحقيق في الطلاق في المحمه من بعد ما يسوي كل الشروط الي ابيها راح ارجع عند امي ولازم يحجز لنا تذاكر حق العمره ومنها بتم عند امي وبنروح حق الشيخ الي عطاه القاضي حق زوجي خله ينقع شوووي بعد

حبيبتي انا احسها عين وصابتنا لانه كلن يقول شوفهم اشزينهم وزوجها يهديها واحنا لا وكلمن حاسدنا على الحب الي بينه ومب عارفه شاسوي بذي الشي حتى صديقتي المقربه تقول كلمن يقول عني وعن زوجي بأني اشتغل وعندي سياره جديده انا وزوجي واهيا مرتاحه وعندها ولد بسرعه جابته وانا صار لنا قتره الين حملنا

لا حول ولا قوة الا بالله

اختي انا وياه ما خذين على حب وشفت الي سواه علشان ياخذني ومنها كان ابوه وامه قالوا اصبر بعد وهو ما رضى منها كسر التلفزيون وبكى جدام مرت حماي واتذكر باع ثلاجته علشان يشتري دبل ويقول خليهم عندج هاذي عهد ووعد علشان اني ابيج زوجه

وانا ادري انه يحبني ولكن اذا عصب يكون شخص ثاني كلش على العموم كان قبل اول سنه واااااااااااااااااااااااااايد اخس من الحين كان ما يتغشمر وكله جاد ومكا يعوق يعصب ويزعل لكن مع الايام بتدى يتغير

وانا بيني وبينه الولد اشوفه يتوله عليه وعلي وما بي اعقد الولد لانه اول امس يقول يله ماما تعالي معانه ويقول حق ابوه دش البيت حق ماما اقعد معاها

اخوني وخواتي اليوم بي المينون علشان يتفاهم معاي ومعا ابووووي وانا خلاص حاولت احبه وحاولت اقنع روحي علشان ارجع لكن لا لا لا لا لا لا لا ماااااااااااااااااااااااااابيه عافه الخاطر والكوبونات مال الفرص خلصوا الي عندي