المشاركة الأصلية كتبت بواسطة انتظار الفرج الله يكتب اجرك ياأخت سعاد ويرفع منزلتك ووالديك بالجنة وان شاء الله اعمل بمشورتك على خير ولا تنسيني من دعائك

جزاك الله خير أختي (دنيتي دنياك )
اذا ربي كتب لي وتزوجته على خير ماأظن اقدر اسمح بوجود فضائيات غير اسلامية ببيتي
طووول الليل افكر فهالمسألة
واتذكر مواقف مرت علي يوم اروح الصالون والقى الكوافيرات فاتحين الدش واقولهم باسلوب طيب اني مااسمع اغاني فيقفلون من غير نفس والبووووز شبرين وبسرعة يخلصون طلبي عشان يطلعون هالمعقدة من الصالون
انا ماودي تكون حياتي مع زوجي كذا بنفس هالتعامل
ياكثر ماطلعت مع اخواني بالاجازة مطاعم ونحصلهم مشغلين ميوزيك ويطلب اخوي يقفلونها واغلبهم يرفض ويعتذرون بأنه الزباين يبون كذا ونجلس نلف من مطعم لمطعم الين نحصل بعد دوخة وكل هذا عشان اخواني يرحموني يبوني اغير جو كوني انا البنت الوحيدة بالبيت بعد زواج اخواتي فهل لو تزوجت هالانسان راح يعمل معي مثل اخواني ؟


ساعات يجي ببالي اقول اذا هو الا يبي اغاني وفضائيات فتكون بمجلس الرجال بعيد عني عشان لاأسمع ولا أشوف
وارجع اقول بنفسي ماصارت زيجة هذي

ربي يعلم اني ابي اعف نفسي
اسأل الله ان يلهمني رشدي

المشاركة الأصلية كتبت بواسطة المحبة لاستغفار حبيت ادخل وادعيلك بس اذا هو شاب على قولتك فيه صفات الصلاح الظاهرية ولاياكل الحرام ولايكذب ومحافظ على صلاته فى المسجد فتوكلى على الله نصيحتى لك عوديه يصلى فى الصف الاول فى المسجد وان شاء الله تبشرينا توكلى على الله

الله يستجيب دعائك ياأختي
وكلامك نفس كلام معلمة جاليات عندي بالعمل اخذت رأيها لانها ماشاء الله عليها اهتدى على يدها الكثير من النصرانيات وكل قترة تجينا مجموعة يعلنون اسلامهم فقلت اكيد بستفيد منها وخصوصا انها تعاملت مع غير المسلمين واهتدوا بفضل الله
فما بالي خايفة من الارتباط بمسلم عاصي ؟
وذكرتني بقوله تعالى (وجعلنا بعضكم لبعض فتنة أتصبرون) أي اختبرنا بعضكم ببعض, وبلونا بعضكم ببعض, لنعلم من يطيع ممن يعصي, ولهذا قال (أتصبرون ) فلابد من الصبر في الحياة الزوجية سواء كان ملتزم او غير ملتزم والمهم هو الصلاة فان كان يصلي فهو باذن الله على خير ويوجد امل من اصلاحه
ولاتنسيني اختي من خالص دعائك