السلام عليكم

اخوتي في الله

ابي اعرف شو اسباب ان الزوج لا يرغب في الانجاب ...


وشو الطرق الي تحبب الزوج في الانجاب

اسباب كثيرة منها نفسية منها مادية ..
بعض الشباب مايبغى يجيب اطفال حتى يضبط وضعه المادي .. ويكون عنده مبلغ علشان يأمن حياة اطفاله وهي طريقه اشوفها كويسة

بعضهم يكون مايحب الاطفال سواء لازعاجهم او مشاكلهم او المشاكل اللي راح تجي من وراهم فيحاول انه يستمتع بحياة " العسل " مع زوجته وياخذون راحتهم ويسافروا متى ما يبغوا ويتعشوا برى من غير اي مسئولية اضافية وبعدها يخطط على الانجاب

في رأيي الشخصي .. مااعتقد فيه احد في العالم يتمنى انه ما يجليه اطفال لكن كل واحد فينا له جانب شخصي ورأي شخصي .. افضل وسيلة في رأيي يمكن تكون غير علمية لكن اشوفها كويسة
افتحي موقع اليوتوب واكتبي اطفال فبيطلع لك مقاطع لاطفال بعضهم عرب وخليجيين وبعضهم اجانب تفرجي انتي واضحكي ووريه الا غصب ما يضحك ويغار <<< نفعت الطريقة مع واحد من العيال زوجته ما تبي تجيب طفل ثاني لكن عقب المقاطع وافقت

الله يرزقكم

جزااااك الله كل خير

وعسى مثواااك الجنة .....

وانا بسوي هالطريقة .... مب خسرانه

خلفي وماعليـــــــــــــــــــــك
انا مجربة انا وسلفتي زوجي منظم خلفة
واخو زوجي يبغى ينظم لكن زوجته مطنشة
الان مخلفة 8 أولاد
وأنا 2 فقط
عشرة 20 سنة الان زوجي يموت ع العياااال بعد ماكبرت للأسف
عشان كذه طنشي واحملي وقولي غلطة وهكذااااااااااااااا

هنا المشكلة .. وليش مايكون فيه تنظيم وترتيب ؟!!! هذولي ارواح يبغون لهم مصروف ومسئولية مادية ومعنوية .. ياخي اجيب اثنين او ثلاثة وادرسهم واربيهم احسن تربية واجيب لهم اللي نفسهم فيه افضل من اني اجيب عشرة وادرسهم في مدارس عادية واقصر عليهم في المصاريف .. أوكيه انا معاكم ان الطفل يجي رزقه معه بس برضه الواحد لازم يفعل بالاسباب وينظم ويرتب اموره اول بعدين يجيب له بيبي ويكون ان شاء الله ضامن مستقبله .. إلى متى واحنا نملي بيوتنا اطفال ومانهتم فيهم ونعطيهم حقهم في التربية الصحيحة وبعدين نشتكي من سوء التربية والعقوق والمشاكل الاجتماعية

انا من صدج ابي العيال وهو ما يبى وفي نفس الوقت ما يطيع يقوولي السبب
مع اني اضنتي هو سبب مادي بس هذا ما يمنع الخلفة ولو بولد وااااحد
راتبه فوق ال 8 الف وحنا ساكيين في بيت ابوه

ادعلوا لي يا اخواني ان ربي يفرج همي

فعلا هذي مسألة تحتاج إلى دراسة متأنية
وقد ناقشت هذا الموضوع أكثر من مرة
ولم أجد أحدا يعطيني الجواب الكافي في عدد الأولاد

انا متزوج وليه سنه ونصف واحب الاولاد
والحمد لله اموري ميسره
لازم تفهمينه الشي هذا وبالطريقه المناسبه
انا كنت افكر نفس طريقه زوجك كنت اقول بدري على الاولاد
بس لاحظت ان زوجتي تبي وماترددت فالشي هذا