اكيد بنسوي بس انا افكر اسوي مقابله ثانيه.. انيت اشرايج؟

طيب انا كمان جامعيه وماعرفت نقص الخميره!!

له اسم ثاني اللي هو تكسر بالدم!!

انتي الحين قستي ان ثقافته ضحله لانه ماعرف اسم المرض
لاتقيسين من اشياء بسيطه جدا
خليك متعمقه اكثر
انا اشوف انتي مو متقبلته ووضحتي عيوبه بدون لاتبينين ايجابياته
والترركيز على العيوب دون الايجابيات امر راح يتعبك جداااااااا
وعلى فكره اهم شي في الزواج التقبل بغض النظر عن ي شيء اخر
موفقه يارب

__________________
لايقدر على رفع بلواك إلا الله متى تحرر في قلبك أنه لايرفع البلوى إلا الله
فاعتبر أن البلوى رفعت
(صالح المغامسي)

اهاااا صح كلامج..

ماعرف شقول يمكن لاني متردده .. انزين شولن اتقبله ؟؟؟؟ ارفضه احسن ولا اسوي مقابله ثانيه وثالثه؟؟؟

لانه مابي اتزوج من مقابله وحده موة معقوله بعره من مقابله بس..

هو فيه اجابيات.. مثلا معتمد على نفسه يصرف على اهله يحب امه حنون وكريم لابعد حدد .. هم عائلتهم من النوع الي يدلعون المرا يعني يتقاسمون معاها حتى اشغال البيت وتربيت الاطفال..
وهو وسيم ومرتب ورياضي..

بس تابعتني مشكله اني جامعيه وهو مو مكمل مدرسه مضايقه حدي شلون اشيل هالعيب..

خايفه اسلوبه يطلع جاهل بسبب انه مو متعلم

انا مو متقبله انه مو متعلم.. انا مابي جامعي بس على الاقل مخلص ثانويه..

مرحبا قديتج
اختي انه من البحرين مثلج واعرف شباب البحرين شلون .. اختي الدراسة مو كل شي ولا لها تاثير على التفكير صراحة .. انه زوجي تخيلي اشتغل بدون لا يكمل الثانوية حتى .. وعقب ما اشتغل اخذ الشهادة وانه متخرجه دبوم بس والحين زوجي يدرس بالجامعه وبياخذ بكالوريوس ولا اشوف في فرق في عقليته عني .. وعن حامل السكلر ونقص الخميرة تره مايخصهم في بعض سالين دكتورة من قبل بخصوص اخوي .. وبعدين يمكن اهو يعرف اسمه بالانجليزي لان احنه نستخدمه في بيتنه g6bd .. وفرق العمر بينك وبينه معقول وبالنسبة لي كنت اتمنى هالشي بس مالله كتب لي ..والله يوفقكم انشالله

اهاااااا صح كلامج خيتوه.. بس يوم خذيتيه شلون كان اسلوبة؟؟؟؟؟؟

ان شاء الله دعواتج

السلام عليكم ورحمة الله وبركاته:

يا اختي فرق التعليم في حقيقة الامر لا يهم لأنه ما راح تلقي محاضرة امامه ولا هو كمان لو كان متعلم يعني الحياة الزوجية خلط من الحياة الاجتماعية يعني الحياة مدرسة وتثقف الجميع واكبر دليل حالتي

لأني خريجة بكالوريوس وزوجي مو مكمل الثاني اعدادي ولكنه طيب وحنون ومتفاهم والحمد لله لا يحصل خناقات ابدا الا ما ندر ولي متزوجة 3 سنين واهم شي في الزوج يهنيكي ويعرف قيمتك وكيف يعاملك مو يعرف في تخصصك واللي درستيه في المدرسة والجامعة وازيدك من الشعر بيت كل الصفات اللي ذكرتها في الزوج الرائع يجب ان تتوجها استقلاله بنفسه وبعمله الخاص وهذا ما ينقص زوجي للاسف
(ملاحظة: انا خريجة جامعة ولا اعرف نقص الخميرة ولكن اعرفه بنقص الدم الفولي فلا تستغربي بمعرفته للمسميات الجديدة)

لذلك اعقلي وتوكلي على الله واستخيري واجلسي معه كمان مرة وشوفي ازا بترتاح نفسك معه ولا لأ

موفقة اختي

امبله صح ما بلقي محاضره.. بس خايفه يكون ماعنده اسولب متحضر خايفه ..

انتي شلون كان اسلوب زوجج؟

هو حتى بالمقابله يقول بالعكس انا بساعدج على اكمال الدراسه .. قلت له شلون قال لا تشيلين هم البيت والمسؤليات.. حتى لو وجد اطفال انا بكون موجود..

بس خايفه ياربي

بصراحة من خلال قراتي لردودك ومتابعتي لموضوعك .

فأنتي مثل اللي يرفس النعمه .

وكل قضيتك أنه مو متعلم وذكرتي كذأأ في ردك رقم {25}


لكن نصيحة لكي قبل لايفوتك القطار شيلي قضية الفارق التعليمي من راسك .

وبعدين من شاف كلامك عن التعليم الجامعي بيقول أنك وزيرة التعليم بالبحرين .



الله يعينك ع نفسكــ .

__________________
ستشــعُر بحروفي تسير في عــقـــلـــك ...

مارفس النعمه والله. بس خايفه يعني افكر وايد.. يعني مثلا تخيل عيالي يعرفون ابوهم مو مكمل .. والعيال يقلدون ابوهم وايد.. وخايفه عيالي مايكملون عشان مثل ابوهم..

بالنسبه لي أحس مواصفاته ممتازه
ولو أنا مكانك ماترددت في الموافقه