حماتي وسلفتي كيف اتعامل معهم ؟ - منتدى عالم الأسرة والمجتمع

09-11-2009, 02:54 PM

نغم عديلة

عضو نشيط جدا

تاريخ التسجيل: Oct 2009

المشاركات: 202

حماتي وسلفتي كيف اتعامل معهم ؟

انا غلطت مع زوجي شي؟؟؟؟؟

--------------------------------------------------------------------------------

السلام عليكم انا اصطبحت بدي اعرف رائيكم بهالشغلة انا ساكنة في عمارة لبيت حماي وسلافي وام زوجي صارلها اسبوع تعبانة وما قصرت معها اطلعت يوم بعد يوم واطبخ واجلي واشطف ومبارح حماتي كانت طابخة ورحت جليت وسلافي تغدوا وجليت اصحونهم وانا ما عندي مشكلة وسلفتي ما شفنا ها ابدا صحيح هيه بتشتغل بس حتى لو حماتها تعبانة ما تطلع تطمن عليها عشر دقايق المهم انا الي بحالي هيك حكيت بحالي والله حماتي طيبة هيه صحيح مرات الها شغلات بتقهر بس نفسها طيبة وخاصة بالاكل وعلشان زوجي حالته المادية حاليا جدا صعبة ما بدي شي انكد عليه زيادة انا بختصر قدر المستطاع لانه نفسيته متل العمى المهم اليوم حكيت معه تلفون بحكيله شو بدك تتغدى بحكيلي استني احكي مع امي اطمن عليها وبرد احكي معك ولا الضالين امين بس انا عارفة شو ناوي انا سكنت في بيت الحما تلات سنين وحافظيتهم عن غيب واحد واحد بعدها رجع حكى معي وبحكيلي هاي اختي موجودة للامانة انها خفيفة دم وانها لما بتيجي عند اهلها ما بتخلي اشي الا ابتشتغله وبدهم يعملوا دوالي يعني ورق عنب اطلعي ساعديهم حاكيتله والله انا مو جاي على بالي اكل دوالي انا عندي اوزي باكل وانته كل دوالي بحكيلي طيب اطلعي ساعديهم حكيتله انته كل زيك زي اخوانك وانا باكل لحالي والله اعلم انه زعل بس انا عارفة راح اصير هيك لانه عارفيتهم لما صرت اطلع واطبخ صاروا بدهم اعودوني اطبخ معهم وناكل وهادا هدفهم اول ما رحلت لحالي بس ما اعطيتهم عين لاني ما صدقت استقل والله انا ما عندي مشكلة لو سلفتي ابتطلع بس ولا كانها في هالعمارة زوجها بياكل ومرات بطعمي اولاده وبودي لمرته وانا زي الهبلة اضل اشتغل وراهم؟ وعند حماتي شغلة عاطلة كتير بكرها من لما كنت عندها ازا عملت اشي منيح بتمدحني انا وسلفتي مع انها ما بتعمل اشي ولما اصير منها اشي عاطل بتحكي كنايني عاطلات وما بكون انا عاملتلها اشي وبحكي ست كبيرة وما بهمني بس اعودوني زي ما بدهم والله لو بتطلع عينهم ورجعت رنيت وحكيتله انا صارلي اسبوع بطلع وما فتحت تمي وتمردت علي بس لو اني متل فلانة ما بعبر حدا وبودي زوجي واولادي ياكلوا فوق للكل حسبلي مية حساب بس مو الغلط عليك الغلط علي بعطيك عين
سؤالي لو انتوا مكاني شو بتعملوا وانا يلي تصرفته في غلط انا طبعي عصبي ولما برد الساني حاد شوي بالرد بس العوج ما بحبه خليه زي اخوانه ياكل وينزل بلكي حد تحرك......!!!!!

__________________
[rainbow][read]سبحان الله وبحمده سبحان الله العظيم[/read][/rainbow]

التعديل الأخير تم بواسطة daimound22 ; 09-11-2009 الساعة 07:00 PM السبب: توضيح العنوان

09-11-2009, 03:03 PM

روح الطير

كبار شخصيات المنتدى

تاريخ التسجيل: May 2005

المشاركات: 12,052

إنت عودتيهم ، و تبغي دحين تغيري الشئ هذا ؟

بيطلعوك غلطانة

نصيحتي ، تعملي الخير و ترميه في البحر لإنك راح تفتحي على نفسك باب

09-11-2009, 03:06 PM

جوزي عمري

عضو نشيط جدا

تاريخ التسجيل: Apr 2006

المشاركات: 459

نغم والله العليم شكلي من بلدي لانو نفس اللهجة ما علينا ندخل بالموضوع انا شخصيا مو شايفة اشي محرز تزعلي علي يعني يا عيوني انتي لا تكبري الامور وابدا لا تقاني حالك بحدا انت نغم وشخصيتك لحالك وبتتصرفي حسب اصلك صدقيني كل الي بتحكي عادي ومو محرزة تعملي علي نكد اطلعي واطبخي معهم وكلي معهم وانتي اصيلة كتييير بتعرفي ليش لانك مدحتي حماتك واخت جوزك يعني حقانية وفيك خير وصدقيني لو بدنا نقارن حالنا بالناس عمرنا ما منصير واذا صرنا اكيد هاذا التحول للاسوء وكل ما كنت منيحة مع اهل جوزك كل ما اكسبتي جوزك لو تشوفي انا بداوم وبس بعطل الجمعة وبقتل حالي يوم عطلتي اروح عند حماتي اتغدى كبريه بتكبر وصغريها بتصغر صح

09-11-2009, 04:02 PM

نغم عديلة

عضو نشيط جدا

تاريخ التسجيل: Oct 2009

المشاركات: 202

يا روح الطير يا عمري شكرا لمشاركتك بس انتي فاهمة الموضوع غلط انا ما عودتهم بس حماتي كانت تعبانة وكنت اساعدها بس اليوم هيه منيحه وما مالها اشي وبنتها عندها وانا عند هون بكون عملت باصلي

__________________
[rainbow][read]سبحان الله وبحمده سبحان الله العظيم[/read][/rainbow]

09-11-2009, 04:09 PM

نغم عديلة

عضو نشيط جدا

تاريخ التسجيل: Oct 2009

المشاركات: 202

اهلا بكل اهل الاردن .............
اختي جوزي عمري انا هيك عملت باصلي وما ستنيت شكر بس بعد ما حماتي صارت منيحة الي علي عملته وانا لو بدي اقارن حالي بحدا كان ما طليت عليها من اول ما مرضت بس صعبة شو ما عملتي تحسي ما عملتي شي وللعلم انا وسلفتي كتير صحبة وزوجي من النوع المتفهم يعني انا متاكدة راح يدخل من الباب زي دايما ابتسامة عريضة وما فيه شي بس حبيت اخد رائيكم علشان ضميري ما اعذبني وشكرا جزيلا على مشاركتك

__________________
[rainbow][read]سبحان الله وبحمده سبحان الله العظيم[/read][/rainbow]

09-11-2009, 05:11 PM

كل الاسامي

قلم وفي

تاريخ التسجيل: Oct 2009

المشاركات: 479

اهلين نغم كيف حالك

احتسبي الاجر على مافعلتيه الله ياجرك باذن الله
ودائما ادعي ان الله يسخر لك زوجك ويحفظ بيتك

وانتي اختي مو غلطانه ابدا

بالعكس سويتي اللي عليك لما احتاجوك

حفاظك على خصوصيتك واستقرارك في بيتك ليس غلط
وهذا الشي المفروض مايغضب زوجك

حاولي من الان ان تكون لك خصوصيه اكثر لاتذهبي للزياره بدون اسباب
اذا هم مجتمعين جمعه عائله اذهبي لهم ساعديهم
اذا ام زوجك مريضه ساعديها مثلما فعلتي
وقللي من زياراتك حتى تكون علاقتك بهم اكثر رسميه واكثر احترام

غير كذا اهتمامك باولادك ونفسك وبيتك واحساسك بالاستقرار افضل الف مره من الخروج والذهاب والنزول لهم بلزمه وبدون لزمه
لاتصرخي على زوجك وتكلمي بهدؤ
بيني له انك تحبي تكوني مستقره ومرتاحه واذا اهله احتاجوك ماراح تقصري معاهم

12-11-2009, 12:39 PM

جوزي عمري

عضو نشيط جدا

تاريخ التسجيل: Apr 2006

المشاركات: 459

اهلا فيكي حبيبتي

لا تخلي ضميرك يعزبك ولا اشي بس اعملي متل ما حكيتلك اطلعي وكلي عندهم وخلي كل الامور طبيعية كتير بالاخر انتي الكسبانة العمر كم يوم يا نغم

17-11-2009, 10:42 AM

ahf8090100

عضو نشيط جدا

تاريخ التسجيل: Nov 2009

المشاركات: 248

اذا كان زوجك يستحق ِ

اذا كان زوجك يستحق ِ فلما ما تفعلين

__________________
أكتب ما اشعر به .. وأقول ما أنا مؤمن به .. ليس بالضرورة ما أكتبه يعكس حياتي ..الشخصية هي في النهاية مجرد رؤيه لأفكاري...!!

ضوابط المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code متاحة الابتسامات متاحة كود [IMG] متاحة كود HTML معطلة قوانين المنتدى

روابط سريعه