السلام عليكم

انا لجأت لكم بعد الله سبحانه وتعالى

انا حامل ولله الحمد في نهاية الشهر الثالث بس لحد الحين مارحت للمستشفى الا مره وحده وشفت نبض الجنين في بداية الحمل وخلاص
فيه اعراض حمل لوعه وغثيان
سمعت ان عندنا في الجامعه دكتوره وعندها جهاز قياس نبض الجنين بدون سونار قلت اروح اشيك
لما رحت وقاست
كنت اسمع صوت نبض قالت لي لا هذا مو قلب الجنين هذا صوت وصول الدم للمشيمة !!!!
وكانت تبحث عن صوت قلب الجنين وعلى كلامها انها ماحصلته
بس كان فيه نبضات وهي تقول هذا مو القلب ؟؟
وكانت بصعوبه ادور على القلب

سؤالي هو

هل صحيح كلامها ام هي غير خبيره لانها طبيبه عامه ؟؟
وهل صوت وصول الدم للمشيمه يشبه النبض ؟؟ لان في حملي السابق كان نفس الصوت

انا في البت عندي جهاز قياس نبض الجنين واسمع نبض هل هذي صوت المشيمه كذلك وليس القلب وكبف افررررق ؟؟؟؟

لسمح الله وبعيد الشر ان شاءالله
اذا كان قلب الجنين وقف هل اعرض الحمل تكون مستمره ولاتنقطع في اليوم نفسه ؟؟ مباااااااشره ؟؟

تكفووون ياللي عنده معلومه او خبره او تجربه يقول لي اي شي يعرفه ويفيدني جزاكم الله خير

انا بجد تعباااانه ماانام ولا اكل وكله افكر لان هالثلاث شهور تعبت كثير مع الحمل وحسيت روحي بتطلع

انا بروح للمستشفى بس مو اليوم ولا بكره لاني مااقدر خلال هاليومين بس يمكن بعد كم يوم

__________________

لا ياعمري هو صوت الجنين ان شاء الله ماتخافي وهي مابتفهم لانها د طبيبة عامة والاحسن روحي للطبيبتك علشان صار وقت انها تعطيك فيتامينات وحديد وكالسيوم والله يتمملك عخير

__________________

انتي كنتي حامل ب توم صح و ولادتك كانت قريبة؟

عزيزتي انا ممرضه واول مره اسمع ان صوت الدم الي يوصل للمشيمه مسموع بينما نبضات القلب
ولو كان صحيح كلامها ان صوت المشيمه موجود فهذا دلاله على ان الجنين بخير فكيف يتدفق الدم من المشيمه بينما القلب لايعمل
لا تخافي ان شاء الله كل شي على مايرام
اذا كان عندك مجال تمري المستشفى فلا تسكتي عن حالك..
وانا حسب خبرتي المفروض انك تتابعي حملك اول بأول غريب انك ماتتابعي حملك؟؟؟
عالعموم بالتوفيق وماعلى قلبك شر

__________________
رب ارحمهما كما ربياني صغيرا

لماذا تهملين نفسك وانتي حامل


اذهبي فورا وتابعي وضع الجنين



ان شاء الله ما في الا كل خير

__________________
http://live.gph.gov.sa/
اللهم اني استودعك اولادي

__________________

والله الصراحه أنا اول مره اسمع بهالكلام

انا انصحج حبيبتي اتروحين حق دكتورتج

أو تروحين عيادة الدكتور عصام عبدالقادر اهوه خبير ف هالسوالف ما شاءالله عليه

و تخلين الوسواس يسيطر عليج

توكلي ع الله

__________________

ما تخافي يا حبيبتي ما تسمعي لكل من هب ودب.. خلي ايمانك بالله كبير
وازا حابة تتطمني روحي الدكتورة افضل..

الله يتمم لك حملك ويرزقك الذرية الصالحة.. امين

اختي ام لؤي
مشكورة بس انتي متأكده ان هذا نبض الجنين ؟
بس هذي دكتوره ولا كان مااستخدمت الجهاز

اختي blue
لا هذي مش انا

اختي زوجة عاطف
على حسب كلام الدكتوره ان المشيمة تبقى تعمل حتى بعد وفاة الجنين لسمح الله

اختي green
ان شاءالله بس لاني كنت مشغوله جدا

اختي الجائرة
مشكورة جزاك الله ألف خير

اختي ضوى الليل
هذا الدكتور في قطر؟؟ وشنو احسن دكتوره ؟

اختي زينة ونحول
كلامك يريح القلب جزاك الله خير

بانتظار المزييد

__________________

اي اختي هذي ف قطر

وانا كنت اراجع عنده و ماشاءالله ممتاز يا قطوه

و الفيتامينات و الكالسيوم و ادويتي حق البيبي كله منه و ماشاءالله كل يوم عن يوم وزن البيبي يزيد

و اهوه يطمنج عليه

و ان ما تطلعين من عنده الا وانتي مرتاحه