الله يرحم جميع المسلمين شكرا لك

ونستمر بالدعاء ليل ونهار وان شاء الله خير

يمكن زوجك يمر بحالة نفسيه

خاصة وان اخوك انصدم قدام عينه ومات وهو يحاول انقاذه


الله يكون بعونكم

ويرحم اخوك

لاحول ولاقوة إلا بالله

فاهمين ومقدرين للوضع وانه يمر بحاله نفسيه بس حتى المراجعات مع الطبيب ما قدرت تحل المشكله


الله يعين

الله يرحم اخوك ريان ويعوضه بالحنه 0الموقف جدا فضيع عليكم وعلى زوجك بالذات لاكن موحل انه يطلقك وش ذنبك انتي0لاكن شكله حساس مره انتي اعذريه دمر مستقبله وحياته بسبب حساسيته 0لاكن حاولي في جلسه مع الشيخ سعيد بن مسفر له تاثير اقوى من غيره الله يصلح اموركم

الله يجزاك خير لو فيه امكانيه رقم هاتف الشيخ سعيد بن مسفر او طريقة للتواصل معاه

اكون شاكره ومقدره لك اختي

ياقلبي عليك ...... انتي مالك ذنب ... وباين ان زوجك متأثر حيل بالموقف ...

والله مدري وش اقولك ..... لكن اهل زوجك وش موقفهم ماتلكلموا معه ..!!

انتي يوم قال بطلقك عارف ان مالك ذنب .... ولا وش موقفه .....

وش موقفك عنده يوم قال بطلقك ...

احس انه بعد توه محتاج دكتور نفسي .. لان الصدمه شكلها كبييييييييره عليه ..

__________________

هلا فيك اختي رسيل

اهل زوجي ما قصروا معاه ليل ونهار خصوصا انه من بعد الحادث ماعاد ساق سيارة الى اليوم

يكلمونه ويذكرونه ويحرصون على مواعيده مع الطبيب واوقات بعض الادوية حريصين جداً لكن مازالت المشكله مستمره


ولما قرر الطلاق عارف انه مالي ذنب وهو عارف انه ماله ذنب لكن مشكلته انه يقول ما اقدر انسى نهائياً وكل ما اشوفك اتذكر اللي صار لاخوك واني انا السبب فيه ياقلبي عليه والله هو يحبني بس ما ادري وش اقول

لما قال بطلقك قلت له انتظر الى ما تطيب قال ممكن يطول الى سنين قلت مو مشكله انتظرك وهو رافض لانه ما يبي يظلمني معاه طول هالوقت

دكتور نفسي ان شاء الله بيرجع لجدول جديد مع طبيب جديد

شكرا لك ولمرورك ودعواتك

لاحول ولاقوة إلا بالله


الله يجبر ضعفك وضعفه ويرفع مامسكم من ضر

أختي أرى أن يكون علاج نفسي وان يكون بعيدا عنك فتره من الزمن حتى يتحسن ويبدأ بالتدريج للرجوع إليك

أو قد يحدد الأخصائي طريقه تناسبه للتأقلم التدريجي مع الوضع

فكلنا بشر ودرجة تقبلنا تختلف للأحداث فكل ماعليك هو الصبر ولاتلحوا عليه كثيرا بالرجوع وايضا لاتوافقوه بفكرة الطلاق بل الحل مؤقتا هو البعد مع الأطمئنان عليه


أشعر بأن ذلك صعب لكن افضل من الفراق

__________________

انا ماعندي مانع انتظرة سنتين او 3 او 4 لاكن هو يقول لا ظلم بتتعبين وانا اتعب ويمكن ما تنحل المشكله بعد هالتعب كله وتستمر

لكن ان شاء الله صابره وبظل صابره لاني احبه ولا اتخيل حياتي بدونه

يا بنت الناس
ابعدوا عنه شوية لان قربكم منه يذكره بالحادثة فتتاصل في نفسه اكثر . لكن بشرط يتعالج عند طبيب نفسي ويجالس اهل الصلاح والزمن كفيل بأنه ينسيه ، تراه زوجك أصيل وطيب لأنه تأثر من الموقف كتير وحيرجعلك بإذن الله ثقي بالله , والله معاكم .