صى حبيبتى فى ناس بتعبر انه مش كبير يعنى عادى ...لكن انا ارى انه كبير وخصوصا أذا كان هو يحسسك بالفارق ده بأنه بيعاملك زى ما قلتلك بأنه الاستاذ وانتى التلميده

وعلى فكره ممكن يكون واحد كبير بس شخصيته مش بتحسسك بالفرق ده خالص وواحد تانى صغير وانتى حاسه انه عجووووووووووز جدا وهو سنه صغير
مش فارقه لو هو مش محسسك وفارقه جدا طبعا لو انتى حسيتى من خلال تصرفاته

لكن ممكن ده كله يزول لو هو غير طريقته معاكى وحس ان تفكيرك زى تفكيره بالظبط

لازم حبيبتى توصلى للنقطه دى وتصلحيها قبل الزواج ....لانه لو ماتعلجتش هتعمل فجوه كبيره بينكوا بعد الزواج وهتتسع وساعتها مش هتقدرى تسيطرى عليها

بالعكس دا انتى دلوقتى بتعانى من المشكله دى وشغلاكى جدا لدرجه انك بتفكرى فيها كثير قوى اكثر من اى نقطه اخرى ( بلاحظ دائما كده)

لا حبيبتى لازم تحلى المشكله هذه معاه أقعدى معاه وفهميه ان ليكى رأى وشخصيه وحاولى فعلا تكونى كده لانك انسانه منفصله عنه
أه زوجته على العين والرأس بس مش تابعه له ...انتى أنسان اخر و ليكى كيان مختلف ومستقل وهو لازم يشعر بالنقطه دى من خلال تصرفك

انتى تقولى انه مشدود ليكى كويس جدا ...اقعدى معاه وقوليله انك حاسه ان موضوع السن ده عامل فارق فى الكلام بينكوا وبين بعض وانتى تريدى انه يكون على راحته معاكى ويتكلم بطبيعته شويه

حبيبتى كل انسان فينا حتى لو كان 80 سنه بداخله طفل صغير ....تبقى شاطره جدا لو حاولتى تخرجى الطفل ده ...اللى مستخبى جواه فى وسط المشاعر الرجوليه الحازمه دى

ساعتها هتحسى انكوا قربتوا من بعض جدا جدا وهو كمان مبأش قادر يستغنى عنك ويعاملك بشكل بسيط جدا من غير تعقيد

بصى انا وزوجى تزوجنا عن قصه حب فى الجامعه وهو كان يكبرنى ب3 سنوات.......وكان رومانسى وطيب ويحبنى جدا
لكن كان حازم برضه فى بعض الامور ....يعنى كان بيحبكها قوى على كل حاجه

وكنا دائما نتخانق بسبب انى مثلا اخرج مع صحابى واتاخر والله 5 او 10 دقائق فقط عن المعاد اللى متفقين عليه
يااااااه ساعتها تبقى مصيبه وانام وانا معيطه

لدرجه ان ابوى وامى حسوا انه دائما ينكد عليا سألونى فى شئ طب انتى زعلانه منه اقوللهم لآ ما فى شئ لانى بحبه ومش عاوزه اخسره
و لانى حبيبتى كنت عارفه انه بداخله طيب ...ومع مرور الوقت حاولت اأجعله مثلى تماما

يعنى اخده رحلات مع صحابى فى الكليه ...أخليه يضحك وييهزر او يتناقش معايا ومع أصدقائى ....يعنى بالمصرى خليته
( يفك ) مش عارفه المعنى وصلك ولا لآ

بس خليته يكون روش اكتر يعنى .....المهم انه يعنى اتغير شويه ...طبعا بعد الزواج مش هاقولك حياتنا ورديه
يعنى الطبع بيغلب التتطبع ..... يعنى ساعات كده وساعات كده ....المهم يعنى انى غيرته بس مش قوى الصراحه لانه طبعه كده

انما ايه المهم اللى خلانى استحمل ده كله أنى بحبه ........الحب هو الشئ الوحيد االى خلانى أستحمله و اتعب واغيره فى الخطوبه ...واللى خلانى برضه اعيش معاه بعد الزواج هو الحب

حاولى حبيبتى ان يكون الحب متواجد فى حياتكم لازم لازم تحاولى انتى تحبيه مش هو ...لازم انتى اهم
معلش لو كنت دوشتك بس حبيت اقولك شئ عملى حصلى

وبالنسبه للمعاشره أعتقد انها عاادى مش بتأثر فى شئ خالص اهم حاجه يكون فى حب وتفاهم بينكوا وساعتها والله بتحسى انه فى سنك واصغر منك كمان

أطمنى حبيبتى المشاكل دى مش بتحصل الا للى تتزوج من شخص يكبرها بأعوام كثيره جدا _ يعنى على سبيل المثال رجل عمره فوق الستين ... أكيد مختلف عن عمر ال30 مثلا وهكذا

او اذا كان مصاب لاقدر الله بمرض القلب او السكر .....اما غير ذلك فليس له علاقه بالمعاشره الزوجيه ابدا أطمنى

واذا كنتى تتكلمى عن احساسه هل بيكون جامد كده برضه اثناء المعاشره ؟ الجواب لآ طبعا بيكون انسان عادى جدا ولا حازم ولا جامد ده مالوش علاقه نهائيا بالمعاشره
دى مجرد شخصيه اما المعاشره فهى رغبه يعنى شئ مختلف