و الله أنا اللي قلبي تعب من أسلوبك معها

سامحني يا خوي ، لكن يا بخت مين بكاني و بكى علي و لا مين ضحكني و ضحك الناس علي

1 - بنت عاشت مع أمها و أبوها و لا تعرف شئ عن مسؤوليات البيت و الزوج و غيره و تعرف إنت إنه الزمن هذا مو زمن جدي و جدتي و حتى إنت مو مثل أبوك و جدك ، فطبيعي جدا إنه أي وحدة راح تتخيل الحياة الزوجية كلها رومنسية و رحلات و تمشيات و مطاعم ، مثل الأفلام

2 - لا بينكم مكالمات و لا شئ قبل الزواج ، لا تعرفها و لا تعرفك و تبغاها على طول تتعود عليك ؟
و الله العظيم إني حزنت عليها

3 - صلاتها و تبرجها ، هذا مو ذنبها ، إنت جيت و دقيت باب بيتهم و كان المفروض من البداية تتكلم مع أهلها عن الموضوع هذا و تهتم فيه و لا تبين لهم ، و لا راحت السكرة و جات الفكرة ؟

إنت وظيفتك و واجبك ألحين :
إنك تحتويها و توجهها ، إيش فايدة الإلتزام و العلم اللي عندك إن ما حاولت تنفع و تفيد زوجتك ؟

4 - أمك تكلم أمها ؟؟؟؟؟؟؟؟؟؟؟؟؟؟؟؟؟؟؟
معليه ، هذا مو تصرف شخص مسؤول و راعي لبيته ؟

أمك تحس و تشعر بك من غير ما تتكلم ، بس مالها حق تروح و تكلم أم البنت
و طبيعي زوجتك ما راح تحبهم و راح تاخد موقف و إنت اللي بتعمل و تزرع الشئ هذا بيدك

5 - إنها ما تطبخ و لا تغسل و تكوي ووو إلخ
لا تقارنها بأمك عشان هي لا تقارنك بأبوها

و كويس إنه لسه شهرين ، هناك اللي يجلسوا سنة و إنت أبدأ معاها حبة حبة و أصبر عليها

عالعموم ، حاول تكون نظرتك أوسع من كذا و اقرأ كثير عن كيفية معاملة الأنثى و التعامل مع رقتها
لا بالأوامر و النهي و غيره

و باين عليها إنها تبغاك تعطيها حب و حنان ، لكن إنت ما فهمتها و قلت إنها بس تبكي ؟؟؟؟

الله يعطيكم العافيه جميعا ,, ماقصرتو بدودكم ,,, بس انا البارحه يوم كتبت الموضوع ماكتبته بشكل كامل لاني والله العظيم اول مره اكتب في منتدى بس اقرا ,,,, يمكن الصوره ماوضحت لاختي روح الطير ,,,انا سافرت معاها شهر عسل والله العظيم وقسم بالله اني كلامي معاها كله رومانسي واني اعطف عليها واحزن انها بهالحاله ,,,, واني ماارفضلها طلب ,,, واني محتويها بكل رومانسيه وحنان بس هي كلش ولا على البال ,,, بخاطري انها تقولي حبيبي والله بخاطري هالكلمه ,,, خاطري تقولي لبيه ... خاطري تقولي ابشر ,,,, ماتعرف شي ابد من الرومانسيه ,, اخر الكلام بينا امس تذكرني انها للحين زعلانه ومنصدمه ان امي كلمت امها وتحسب اني انا اللي معلم الوالده ,,, وتقولي كلام مايلد على الخاطر ووتحن على هالموضوع كأنها تحرشني على امي ,,,,انا صراحه انقهرت يعني انا ماقضرت معاها وتحملت التعب اللي فيه واني ماجامعها للحين وصابر عليها واجد ,, وبالنسبه انج تقولين توها عروس اخوي متزوج معاي بنفس اليوم وهذي زوجته مشالله عليها تسويله كل شي وتدافع عنه وتبين لنا بحب زوجها ,, انا صراحه اغبط اخوي على زوجته الله يهنيهم انشالله واتمنا اني اصير مثلهم ,,,وعقب كلامها يوم تلوم امي على فعلتها انا انفجرت وقلت عندي عيوب غير هذي قعدت تفكر شوي وقالت لا ,, قالت انتي تبين تعايرني على هالموضوع ولج كم يوم وانتي تروحين وتردين عليه ,, وانتي مليانه عيوب انتي ماتطبخين شوفي فلانه يعني مرت اخوي شتسوي لزوجها والكل يحبها وانتي ماتقومين بواجبي الشرعي وانا مااعايرج بهذا بس ابي اذكرج اني انا اتحمل كل شي عشاني احبك واغليك ولابي هالموضوع يتكرر مره ثانيه واقفلي هالسالفه,,, قالت ودني عند امي ,, اصلا فعلا اللي قالوه عنكم وسكتت ,,, يعني قصدها عن عايلتنا ,, وهي معروف عنا ان حنا ملتزمين ورجالنا رجال مايخلون البنت على كيفها ,,, وانا مادري شنو قصدها بالضبط من كلمتها يوم تقول صدق اللي قالوه عنكم ,, وتقول اشهد ان امي سنعه وتعرف الاصول يعني تسب امي سب ضمني ,,,وانا هنا وقفت انلجمت ماعرف اتكلم ,, وتقول دام انك تقول ان هذي عيوبي ليش صابر علي وش اللي حادك ,, قصدها تقول طلقني وافتك ,,,, وانا ساكت ,,, اقول خلني اصبر يمكن تجي نتيجه ولا ربي يهديها ,,,وقمت ادعي لربي ,,, والله العظيم اني راحمها من الطلاق ,,, ادري الطلاق مو هين للبنت يكسر القلب ,,, وهي تبي تحدني على شي مابيه ,,, وانا الحين سافرت برا الكويت ادرس خارج الديره ,,, والنيه قبل الزواج اني اخذها معاي للبلد اللي ادرس فيها,,, بس مع هالمشاكل ماقدرت وامها تقول خلها عندي عشان اعالجها وياولدي اصبر وانشالله بنتي بتتسنع يعني تدري ان بنتها مقصره ,,,, ياناس انا تعبت والله تعبت مادري شسوي الليل ماقدر انامه ,, كل افكر واتخيل ,,,عطوني حل تكفون ,,,وترا انا والله مو مقصر معاها بأي شي اعطيها حب وحنان وعطف ومو مقصر معاها من النايحيه الماديه والنفسيه ,, ولابدر مني اي قصور ,,, تكفووون ساعدوني

قلبي تعب والله000تعب قلبك من زواج شهرين 00اطلع واقراء قصة العضو مظلوم الحب وصبره على زوجته سنتين ونصف بدون جماع ولاكلام حلو كانهم اخوان ومع ذالك يسعى في علاجها0الله يهديلك زوجتك ترى بداية الزواج مناطحات واختلاف في وجهات النضر من ناحية معاملة الاهل واللبس وشغل البيت0المهم اعرف كيف تغيرها وتوجهها0وتخلي منها مره سنعه0

أصبر أخوي مافيه الا أصبر والله يعينك راعها علشان وضعها وخلها تستمر على الرقيه الين مايفرجها رب العالمين
أتمنالك التوفيق

__________________
يارب أربط على قلب كل فاقد

اسمع تعب قلبي
لك حق
وزوجتك هذي يبغااالهااا وقفه جاده منك انتي توقفها عند حدهاااا
لان والله والله اعرف كثير كذاااا
واصبرو علهم
ازواااجهم وتمادو لأبعد حدود
الحين انت ببداية الطريق
وكيف تقول صدق اللي قااالو
كااان ماسكتت
كان قلت وش اللي قالو؟؟؟بصراااحه قلة ادب
وكيف تحرشك على أمك يعني من أولها بدينااااا
قولهاااا كلووو كوووم وأمي كوووم ثااااني لاتجيبي سيرتهااااا
خليهااا تعرف قيمتهاااا
وتعرف حدودهاا

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

الله يفرجها لك من عنده