هلا بالغالية متفائلهـ

ابشرك العيد مر بسلام وانبسطت والحمد الله جدا فيه


غير الاخبار اللي قلت لكم عنها مافي شي جديد

جمعات نسائية حلوة وممتعة لكن ان شاء الله العيد القادم اكون مستعدة بشكل اكبر مع تشكيلة اكبر من الملابس ! بصراحة هالشي الوحيد اللي حسيت بالنقص فيه انه كمية ملابسي ما كفت الاسبوع لأني انسانة عملية وما احب التنويع واكتشفت انه هالشي ما ينفع معهم .. لازم يغيرون بالزي خلال اليوم

باذن الله العيد القادم بفصل لي عباية جديدة مع شيلتها وبرقعهم وخمارهم

واستعد قبل العيد بثلاثة ايام بالحناء

وأفصل لي جلابيات عيد وتنانير طوييييييله اللي ام ذيل << ماني مستوعبة للحين كيف بلبسها بس شكلها عل اللبس روعة ويقولون لي بالسعودية متوفرة جاهزة بدون تفصيل !

__________________

هلا حبيبة قلبي سلطانة نفسها


كنك تتكلمين عن عمتي الله يطول بعمرها .. حتى لو هي جالسة مع عيالها ما تفصخ البرقع إلا نادرا

لكن البنات اكثر مرونه الحمد الله


صدقيني المرونه مطلوبه بالزواج والتضحيات من قبل المرأة مطلوبة اكثر من الرجل

ودام مافي شي يخالف شرع الله ويقربني من زوجي واهله اكثر ليش ما اسويه

بالعكس .. سعادته من سعادتي .. وانا فعلا اسعد اني تعرفت عليكم وعرفتكم عن عادات غائبة عن ذهن البعض


الله يسعد ايامك ياغاالية

__________________

تنبيه: أخواتي الفاضلات أرجو منكن الإلتزام بمسار الموضوع والإبتعاد عن الحوارات الجانبيه وطرح الأسئله الشخصيه..
وفقكن الله.

__________________

ماشاء الله اتفقنتي العادات بسرعة هنئا لزوجك بك رائح ينبسط بك

ماشاء الله تبارك الرحمن ..

فعلا الحب يصنع المعجزات ..

ربي يدوم عليكم ولايغيركم ..

**
نحن جيرانا كذا براقع بس الحريم الكبار أما المتزوجات والبنات لبس عادي ..

حلو إن الإنسان مازال يحتفظ بعاداته وتقاليده بغض النظر عن ملائمتها للطبيعة الحياة الحالية مالم تكن منافيه للشرع والدين ..

__________________

حبيباتي سحابة صحراء ودكتورة شيماء

الف شكر لمروركما

باذن الله سأكون اكثر استعدادا لعيد الاضحى المبارك

بدأت ابحث عن خياطه من الآن للتنانير والبدل والجلابيات

__________________

موضوع غريب


بس اللهجة عندك ممتازة

__________________

يُغلق للإكتفاء بالردود..

__________________

والله مدري ايش اقولك
مستغربه
زوجك بدوي اصل
اما احنا تقليد ههههه
لان ماعندنا برااقع والكلام ذا
كله كااان اياام امي الله يخليها لي
تبدلت الأمور فيه ناااس مااسكين بعواايدهم للأن
مثل اهل زوجك


نشيل البرقع عند الحريم
ونحطه يوم نخرج برا

ونلبس عادي زيكم تنانير ودراعات وجلابيات
اما البناطيلياويلك تشوفك عجوز تفضحك


اذكر يوم كنت مراااهقه رحت ملكه للأهل
ولبست قصير جدا
بهذلوني ومرمطوني ليتني مارحت

يوم اتذكر هالسالفه
نفسي اضرب على وجهي كفين

__________________
[ ﯾٱﻟﻟہ ﺣﺳﻥ ﺂﻟﺧٱﺗﻣہ

ماشاءالله تبارك الله عليك يابكر أغبطك على مرونتك وحبابتك واندماجك مع بيئه ممكن تكون صعبه على اهل البلد نفسهم,,الله يسعدك ويحميك من كل مكروه,,,........................ بالنسبه لعادة لبس البرقع فهي تقليد مازال موجود عند القبايل البدويه وغريبه من بعض العضوات السعوديات انهم ماسمعوبها؟المهم أذكر وحده من جارات جدتي من قبيله معروفه تحلف بالله ان زوجها مايعرف ملامح وجهها ولايدري كيف شكلها على الرغم من مستوى التعليم العالي الي واصلين له أولادها ومستواهم المادي مررره ممتاز بس متمسكين بعوايدهم ,,وزوجي بعد خويّه بدوي يحلف لزوجي انه ماشاف وجه أمه الاوهي ميته تخيلي!!سبحان الله هذي الأمور تقليد مايحق لنا الاعتراض عليه لأن ممارسته ماتسيء لأحد لكن في نفس الوقت غريبه فكرته واستمراريته لحد الآن....

__________________
بعض البشر طبعه مقدر ومحشوم,وبعض البشر عيب عليك احترامه,,واللي ستر عيبه عن الناس بهدوم,,وش يستره لاصار عيبه كلامه